ABANCA Pay utiliza as mesmas chaves cá app de ABANCA para identificarte, o que che garante a confianza de sempre coa máxima seguridade.

      Ademais, a diferenza doutras aplicacións, con este servizo de ABANCA os teus cartos e todos os teus datos están no sitio máis seguro: o teu banco. E non precisas máis usuarios nin contrasinais cós habituais da túa banca a distancia.
 

     Podes darte de baixa cando o desexes, dende a propia aplicación de ABANCA Pay.

A clave Bizum é un PIN de catro díxitos que che permite pagar as compras que fagas en comercios electrónicos que acepten Bizum como método de pago.

Obter a túa clave Bizum é moi sinxelo! Na túa app de ABANCA  Pay deberás acceder ao 'Menú' > 'Axustes' > ' Bizum', e teclear a clave Bizum que ti queiras. Poderás modificala tantas veces como queiras neste mesmo sitio da app.

Para máis información, consulta a nosa web.

Para utilizar este servizo, deberás rexistrar na app de ABANCA Pay as tarxetas que queiras usar e asignarlle a cada unha un PIN de pago en comercios. 

Para efectuar un pago menor de 50 euros, só terás que desbloquear o móbil –nunca poderás realizar un pago sen desbloquear o dispositivo–, e aproximar o teu smartphone ao TPV e esperar á confirmación da operación.

En cambio, para realizar compras de importe superior a 50 euros, deberás realizar os mesmos pasos que no caso anterior e, a maiores, introducir o PIN de pago en comercios no datáfono da tenda.

Lembra que este funcionamento é para pagar coa tarxeta que teñas como favorita. Doutra banda, se queres seleccionar unha tarxeta diferente a que tes como favorita, estes son os pasos que debes seguir:

1. Entra na aplicación e selecciona “Directo a pagar”
2. Introduce o PIN de pago en comercios
3. Selecciona o cartón que queiras utilizar e pica en “Iniciar pago”
4. Achégao ao TPV e introduce o PIN se é necesario

Se pagaches unha compra co teu móbil e ABANCA Pay e queres devolvela, tes que utilizar esta mesma aplicación.

ABANCA Pay está vinculado coas túas tarxetas pero por motivos de seguridade, na aplicación nunca se mostrará a numeración real da tarxeta (para que poida ser certificado por VISA ou Mastercard). Por eso, non podes devolver a compra coa túa tarxeta de crédito ou débito.

Para efectuar unha doazón deberás seleccionar na app ABANCA Pay o 'Menú esquerdo' > 'Doar'. A continuación, deberás introducir o código de pagamento correspondente á ONG (podes atopalo en https://bizum.es/ongs/) e seleccionar o importe desexado.

O límite máximo por operación é de 500 euros e o límite diario de 1.000 euros, sen comisións e efectuando a doazón no momento.

O teu código de usuario de ABANCA Pay é o mesmo que utilizas para acceder á túa banca electrónica, o teu NIF ou NIE con letra. Lembra que se debe teclear sempre con 8 díxitos + letra, incluíndo tamén os ceros que teña á esquerda. Por exemplo: 00123456A.

Lembra que para acceder a ABANCA Pay é necesario ter contrato de banca electrónica ou móbil así que, se non tes este servizo, podes solicitalo directamente na nosa web. Podes realizar a contratación totalmente online de forma rápida e sinxela.

 

Para obter o certificado dunha doazón feita a través de ABANCA Pay, deberás poñerte en contacto coa ONG e facilitarlle os seguintes datos:

• Nome e apelidos
• DNI
• Dirección postal
• Correo electrónico
• Importe doado
• Data da doazón

Podes consultar o email de contacto da ONG na web de Bizum.