O acceso seguro móbil é un sistema seguro para asinar operacións que está instalado na túa aplicación de banca móbil (o cadeado na parte inferior da pantalla de acceso á app). Proporciónache unha clave única para cada operación que fagas ou para acceder á túa banca electrónica.

Así, por exemplo, cando vas asinar unha transferencia de banca electrónica, chegarache unha notificación ao teu móbil que xera un código. Este código é o que deberás teclear para asinar a operación. 
 

Se non tes conexión de datos e nese momento careces de cobertura no móbil non che chegará a notificación. Pero podes obter o código destoutro xeito alternativo:

Abre a túa app de banca móbil e, en lugar de introducires o PIN, preme a icona do cadeado, que equivale ao Acceso seguro móbil.

Aparecerache un código de 8 díxitos que debes teclear na páxina de banca electrónica. De contado a aplicación xerarache un novo código. É como unha chave que che serve para xerar outra chave (para que todo sexa máis seguro).

Introduce ese novo código na cela da páxina de banca electrónica, para asinar a operación que estás facendo.

O teu código de usuario de ABANCA Pay é o mesmo que utilizas para acceder á túa banca electrónica, o teu NIF ou NIE con letra. Lembra que se debe teclear sempre con 8 díxitos + letra, incluíndo tamén os ceros que teña á esquerda. Por exemplo: 00123456A.

Lembra que para acceder a ABANCA Pay é necesario ter contrato de banca electrónica ou móbil así que, se non tes este servizo, podes solicitalo directamente na nosa web. Podes realizar a contratación totalmente online de forma rápida e sinxela.