Samsung Pay é unha solución de pagamento de última xeración coa que podes realizar transaccións de xeito sinxelo e seguro en comercios. Para iso só tes que achegar o teu dispositivo móbil compatible ao terminal de punto de venda (TPV) contactless. Durante o proceso para asociares unha tarxeta ao servizo de Samsung Pay é necesario que o móbil teña cobertura de datos e acceso á rede telefónica para recibir SMS. Ao que remate o proceso de asociación da tarxeta ao servizo, para realizares un pagamento con Samsung Pay non tes por que ter conexión de datos nin a wifi activada.

Os dispositivos Samsung compatibles teñen instalada a aplicación de Samsung Pay, aínda que nalgúns casos pode ser necesaria unha actualización do software do móbil.

Non, non pode. Samsung Pay protexe os teus pagamentos con tres capas de seguridade. Os datos codificados da tarxeta almacénanse no elemento seguro e nunca se comparten co establecemento, nin os bancarios nin os teus contactos.

Podes asociarlle a Samsung Pay calquera tarxeta Visa de débito ou de crédito de ABANCA: a Proxecta, a Clip, a Electrón… Pero tanto ABANCA como Samsung estamos a traballar para que axiña tamén poidas incorporar as túas tarxetas MasterCard ao sistema de pagamentos Samsung Pay. Non son compatibles as tarxetas prepagamento nin a tarxeta comercio.

Non te preocupes, porque ninguén pode facer pagamentos nin acceder á túa información bancaria sen a pegada ou o PIN de Samsung Pay. Para aumentares a seguridade, o servizo Find My Mobile de Samsung permíteche bloquear ou borrar Samsung Pay e mais as súas tarxetas de pagamento asociadas.

Polo de agora non está habilitada esta opción. En datas vindeiras incorporaranse ao servizo de Samsung Pay as compras on line e as compras que fagas desde aplicacións.

A imaxe da tarxeta que se xerou para o servizo Samsung Pay é un deseño estándar, polo que é posible que non coincida exactamente coa tarxeta física. Comproba unicamente que coincidan os últimos catro díxitos que aparecen na imaxe cos da túa tarxeta física.