Podes encontrar toda la información relacionada coa moratoria hipotecaria anunciada polo Goberno o pasado 18 de marzo no Real Decreto-Lei 8/2020 de medidas urxentes e extraordinarias para facer fronte ao impacto económico e social do COVID-19 no noso tabloleiro de anuncios ou na nosa sección de Hipotecas.

Temos unha páxina na que publicamos toda a información relacionada cos efectos do coronavirus. Tamen podes atopar información no noso blog, cuentasclaras.es, e se o que estás buscando é información sobre a moratoria hipotecaria anunciada polo Goberno, podes atopala no noso taboleiro de anuncios ou na nosa sección de Hipotecas.

Todos os contratos de préstamos ou créditos garantidos con hipoteca e destino adquisición de vivenda habitual formalizados antes do 14 de marzo de 2020 e cuxo debedor se atope en situación de vulnerabilidade económica debido ao impacto do COVID-19.

Estas medidas tamén se aplicarán aos fiadores, e avalistas do debedor principal respecto da súa vivenda habitual.

Todos os contratos de préstamos ou créditos garantidos con hipoteca e destino adquisición de vivenda habitual formalizados antes do 14 de marzo de 2020 e cuxo debedor se atope en situación de vulnerabilidade económica debido ao impacto do COVID-19.

Estas medidas tamén se aplicarán aos fiadores, e avalistas do debedor principal respecto da súa vivenda habitual.

Se reúnes as condicións para solicitar a moratoria, enviarémosche por email, ou na oficina o documento de "Aceptación de Solicitude de Moratoria" que deberá ser asinado por todos os intervenientes da operación. Nun prazo máximo de 15 días desde que se recibiu o último documento procederase a implementar a moratoria.

Unha vez realizada a solicitude e recibida toda a documentación necesaria, deberemos implementala nun prazo máximo de 15 días desde que recibimos todos os documentos obrigatorios. A primeira cota en moratoria será a inmediata á data efectiva de solicitude.

Por exemplo, se se presenta toda a documentación completa o 25 de marzo, a cota de abril xa non se devindicará.

Para solicitar a moratoria hipotecaria deberás de presentar toda a documentación obrigatoria, asinar o Documento de Solicitude de Moratoria e a Declaración Responsable por todos os intervenientes da operación e enviarllo por email ao teu xestor, para iso chama á túa oficina ou xestor habitual por teléfono e facilitarache o email de contacto.

Neste caso aceptaremos que envíes escaneada toda a documentación debidamente asinada, co compromiso de que presentes os orixinais na oficina en canto sexa posible.

No caso de que non dispoñas de medios telemáticos poderás entregar a documentación na oficina máis próxima, para iso solicita unha cita previa a través do teléfono do teu xestor ou da oficina.

No caso de traballadores por conta allea, certificado de desemprego no que figure o subsidio recibido, en caso de paro. Podes obtelo na Sede electrónica do Servizo Público de Emprego Estatal (SEPE)

No caso de autónomos: certificado de cesamento de actividade expedido por AEAT ou o organismo competente da comunidade autónoma (no caso de débedas coa seguridade social ou se o negocio se mantivese pechado deberás xustificar a baixada de ingresos na declaración responsable)

•  Libro de familia ou documento acreditativo de parella de feito.
• Certificado de empadroamento das persoas que habitan o fogar con referencia ao momento da presentación dos documentos acreditativos e aos seis meses anteriores.
• Se aplica, declaración de discapacidade, de dependencia ou de incapacidade permanente para realizar unha actividade laboral.
• Nota simple do servizo de índices expedido polo Rexistro da Propiedade de todos os membros da unidade familiar. Este documento pódese solicitar por correo electrónico ao Rexistro da Propiedade onde estea inscrita a vivenda habitual do cliente incluíndo fotocopia do DNI de todos os membros da unidade familiar. É un documento gratuíto no que se recolle todas as propiedades a nome da unidade familiar e é necesario que estea actualizado. Non é necesario solicitar a Nota Simple de cada propiedade. Consulta o listado dos correos electrónicos dos Rexistros da Propiedade.
• Escrituras de compravenda da vivenda (adxudicación de herdanza, extinción de condominio, etc…) e contrato de concesión do préstamo hipotecario. 
• Declaración responsable do debedor relativa ao cumprimento dos requisitos esixidos pola normativa.

O debedor, o seu cónxuxe non separado legalmente ou parella de feito rexistrada e os fillos, con independencia da súa idade, que residan na vivenda, incluíndo os vinculados por unha relación de tutela, garda ou acollemento familiar e o seu cónxuxe non separado legalmente ou parella de feito rexistrada, que residan na vivenda.

Os traballadores que se quedaron en situación de desemprego e os empresarios ou profesionais que sufran unha perda substancial dos seus ingresos ou unha caída de polo menos o 40% nas súas vendas. Sempre que:
•    O conxunto de ingresos mensuais da unidade familiar non supere no mes anterior á solicitude da moratoria tres veces o IPREM mensual (1.613,52 €). Esta cifra pode ampliarse* en supostos de fillos ou maiores de 65 anos a cargo, ou membros da unidade familiar con discapacidade superior ao 33%.
•    A cota hipotecaria máis gastos e subministracións básicos resulte superior ou igual ao 35% dos ingresos netos da unidade familiar.
•    E que, como consecuencia da emerxencia sanitaria, a unidade familiar sufrise unha alteración significativa das súas circunstancias económicas, facendo que a carga hipotecaria sobre a renda familiar se multiplicase por polo menos 1,3:
EXEMPLO: Ingresos mensuais netos da unidade familiar de 1500€, e cota mensual de hipoteca de 500 € = ESFORZO ACTUAL DO 0,333 (500€/1500 €).
Consideraríase alteración significativa cando ese cociente exceda do 0,433 (resultado de multiplicar 0,333 polo 1,3). Por exemplo, se os ingresos netos mensuais da unidade familiar descenden a 1000 € debido ao impacto do  COVID-19, e se mantén a cota hipotecaria = NOVO ESFORZO DO 0,50 (500€/1000€), que ao ser superior ao 0,433 de referencia, consideraríase unha alteración significativa da súa circunstancia económica.

*Os casos de ampliación son os seguintes:
•    0,1 veces o IPREM por cada fillo (0,15 veces en caso de unidade familiar monoparental)
•    0,1 veces o IPREM por cada persoa maior de 65 anos membro da unidade familiar.
•    No caso de que algún dos membros da unidade familiar teña discapacidade, superior ao 33%, dependencia ou enfermidade que o incapacite permanentemente será de 4 veces o  IPREM.
•    Se o debedor hipotecario ten parálise cerebral, con enfermidade mental, ou con discapacidade intelectual cun grao de discapacidade superior ao 33 %, ou persoa con discapacidade física ou sensorial cun grao igual ou superior ao 65%, ou enfermidade grave que incapacite á persoa ou o seu coidador, será de 5 veces o  IPREM.