Coida de ti.
Coida dos demais.

Estamos contigo para ofrecerche os nosos servizos onde nos necesites. Agora, máis que nunca, temos que seguir coidándonos e evitar correr riscos.

Tes á túa disposición ferramentas e servizos online cos que xestionar o teu diñeiro desde calquera lugar e hora, devolver un recibo ou tamén obter un certificado de titularidade da túa conta. Todo desde o teu móbil, ordenador e mesmo telefonicamente. Ademais os caixeiros automáticos están moi preto de ti e permítenche retirar e ingresar diñeiro, pagar recibos ou realizar traspasos ou transferencias, entre moitas outras opcións.

A medida que pasan os meses non só fomos incorporando funcionalidades dixitais senón que tamén desenvolvemos medidas pensadas para axudar nas consecuencias do COVID-19 e así o seguiremos facendo.

Lembrámosche que se necesitas ir a unha das nosas oficinas, debes seguir as recomendacións sanitarias e as instrucións do persoal para evitar poñer en risco a saúde de todos. Coida de ti. Coida dos demais.

O prazo para solicitar as diferentes moratorias de préstamos e créditos, tanto hipotecarios como non hipotecarias, postas en marcha polo Goberno español e pola Confederación de Caixas de Aforro (CECA) e a Asociación Española de Banca (AEB), finalizou o pasado 29 de setembro.

Pero para ABANCA, os clientes afectados pola COVID-19, agora máis que nunca, seguen sendo a súa prioridade, se necesitas unha solución financeira pola túa situación actual, contacta coa túa oficina para ver que alternativas poden ofrecerche.

Esta axuda para o alugueiro consiste na creación dunha liña de avais con total cobertura por parte do Estado para que podamos ofrecer financiamento a arrendatarios en situación de vulnerabilidade cun prazo de devolución de ata seis anos, prorrogable excepcionalmente por outros catro e que non comportará ningún tipo de gasto ou intereses para quen o solicite (0% TAE).

Isto é, un préstamo que abonaremos directamente ao teu arrendador para facer fronte a un máximo de seis mensualidades, que poderás devolver ao longo do próximos seis anos, sen que teñas que pagar nin gastos nin comisións (0% TAE).

ABANCA chegou a un acordo coa Xunta de Galicia para adiantar o pago da pensión por desemprego aos traballadores residentes en Galicia afectados por un expediente de regulación temporal de emprego (ERTE) provocado pola crise do COVID-19.

En base a esta colaboración coa Xunta, ABANCA pode poñer ao dispor dos seus clientes un anticipo de ata dúas mensualidades de 750 euros cada unha, ata un máximo de 1.500 euros en total, para que poidan dispoñer de ingresos mentres non reciben o abono que lles corresponde.