Temos un plan: queremos medrar facendo que medren os nosos clientes. Por iso empeñámonos en poñer ao dispor dos negocios que confían en ABANCA as mellores e máis avanzadas ferramentas comerciais, para axudalos a competir nun mercado cada vez máis complexo.

Alavuelta atrae é o módulo de captación de Alavuelta, unha solución tecnolóxica de ABANCA na que puxemos os nosos mellores científicos e desenvolvedores a traballar para o teu negocio.

Funciona así: utilizamos técnicas de analítica e big data para recoller, interpretar e analizar os hábitos de compra dos usuarios dos nosos milleiros de TPV, de forma anónima e totalmente segura. Desa forma logramos identificar grupos de usuarios aos que realmente lles podería interesar o teu produto.

Cando decidas realizar unha oferta, organizar un evento ou compartir unha novidade, encargarémonos de facérllela chegar a eses clientes que seleccionamos para ti e que están esperando descubrir ofertas e recomendacións de persoas cos seus mesmos gustos.

Alavuelta atrae é unha ferramenta para captar novos clientes (e fidelizar os que xa tes):

  • Atopa novos clientes potenciais e mellórallela a túa oferta aos que xa tes.
  • Crea promocións, eventos ou anuncia as últimas novidades do teu negocio.
  • Móstrate a persoas con hábitos de consumo similares aos dos teus clientes actuais.
  • Terás unha ferramenta online para xestionar a túa presenza na app.
  • E goza de todo o paquete de ferramentas de Alavuelta.

Queres contratar Alavuelta atrae?

Se queres contratar Alavuelta e empezar a sacarlle partido aos datos do teu negocio e do teu sector podes facelo mediante dous paquetes distintos en función das túas preferencias.

Por unha banda, poñemos á túa disposición o paquete avanzado, no que se inclúen ademais de Alavuelta atrae, os outros dous servizos que completan esta ferramenta: Alavuelta descubre e Alavuelta fideliza. Para dar de alta este servizo, recomendámosche que concretes unha cita cun dos nosos xestores especializados que che axudará a valorar a mellor opción para o teu negocio. Ademais, durante os primeiros meses poderás gozar deste servizo completamente de balde

Por outra banda, tamen tes dispoñible o paquete básico co que só terás dispoñible o servizo de Alavuelta descubre. Neste caso, necesitas ter un TPV de ABANCA para contratar a ferramenta.

Se traballas co TPV doutra entidade e es cliente de ABANCA, podes acceder a unha versión de proba durante uns meses. Pasado este tempo, serache tan útil que de seguro quererás contratar un dos nosos TPVs para continuar mellorando o teu negocio.

alavuelta-generico1

Alavuelta é moito máis...

Alavuelta é unha completa ferramenta para negocios que che permite coñecer mellor a túa clientela a través das súas compras, coidar as súas necesidades e coñecer novos clientes. Descubre a información que che axudará a medrar e as ferramentas para facercho máis sinxelo.

Dúbidadas de usuarios coma ti