Zer egiten dugun irisgarritasunaren alde
ABANCAn, pertsona guztiek gure produktuak eta zerbitzuak modu erraz, seguru eta autonomoan eskuratu ahal izateko lan egiten dugu. Horretarako, gure estrategiaren erdigunean jartzen dugu irisgarritasuna, eta etengabeko hobekuntza-prozesu batean aurrera egiten dugu, gure kanal guztietan estandar gorenak betetzeko, hala aurrez aurrekoetan nola digitaletan.
Kutxazainak
Webgunea eta app-a
Bulegoak
Irisgarritasuna ABANCA kutxazainetan
Ez dugu inor atzean geratzea nahi. Horregatik, ahalegin guztiak egiten ditugu gure kutxazain automatiko guztiak pertsona guztientzat erabilerrazak izan daitezen. Funtzio berriak txertatu ditugu, eragiketak egitea errazagoa, erosoagoa eta seguruagoa izan dadin.
Interfaze sinplifikatua
Gure kutxazain automatikoen sare osoak menu sinplifikatu bat konfiguratzeko aukera ematen du, esperientzia argiagoa eta zuzenagoa nahi dutenentzat.
- Erabilera errazagoa: ezin hobea esperientzia digital gutxi baduzu edo nabigazio intuitiboagoa nahiago baduzu.
- Letra handiagoak eta urrats gutxiago: aukera bakoitza ikustea eta ulertzea askoz errazagoa izan dadin.
- Kutxazainean zuzenean konfiguratu daiteke.
Kontraste handia
Gure kutxazainetako edukiak bereziki daude diseinatuta ikusmen-desgaitasuna edo argiarekiko sentsibilitatea duten pertsonentzat.
- Kontraste handiko modua: argibideak eta eragiketen aukerak kolore definituagoekin irakurtzea errazten du.
Diseinu irisgarria eta jasangarria
Braillezko erliebedun puntuak
Dokumentazio argia
Irisgarritasuna webgunean eta app-ean
ABANCAren web-orriek eta app-ak nazioko eta nazioarteko araudiaren (WCAG 2.0 - AA maila) jarraibideak aplikatzen dituzte estandar horiek betetzeko eta erabiltzaile guztiei irisgarritasun-maila handiak bermatzeko.
Banka mugikor inklusiboa
Xehetasunak zaintzeari esker eta diseinuren bidez erabilerraztasuna bermatzeko gure filosofiari esker, gure app-a berez da inklusiboa, eta erabat betetzen ditu estandar zorrotzenak.
Gainera, etengabe hobetzen joateko lanean dihardugu Illunion-en eskutik, irisgarritasunaren kalitate-ziurtagiria lortzeko.
Etengabeko hobekuntza gure webgunean
Finantzaketa-inklusioa erraztu nahi dugu, gure webgunearen diseinu irisgarriaren bidez, etengabe eboluzionatzen ari baita, irisgarritasun-maila gorenei erantzuteko.
Azken urteotan, diseinua berritu dugu, testuen tamaina nahiz koloreen kontraste-maila hobetuta, eta dark mode delakoa gehituta. Gainera, irisgarritasuneko widget bat gehitu dugu, ikusten errazagoa dena eta beti agerian dagoena; eta tabuladore bidez nabigatzeko aukerak ditugu.
Irisgarritasuna bulegoetan
ABANCAn, ingurune inklusiboaren alde egiten dugu, bertan guztiok ongi etorriak eta aintzat hartuak senti zaitezten. Horregatik, lanean dihardugu gure bulegoetarako sarbidea oztoporik gabea izan dadin, gure bezeroek modu seguru eta autonomoan erabili ahal izateko, eta guk denei une oro arreta hurbila emateko.
Zugandik hurbil, oztoporik gabe
Irisgarritasun unibertsalaren alde egiteko hartu dugun konpromisoa gure bulegoetan ere gauzatzen da:
-
Oztopo fisikoak ezabatu ditugu: gure bulego berriak sarrera eta barnealde zabalak izateko moduan diseinatuta daude, mugikortasuna erraztearren.
-
Arreta pertsonalizatua: gure langileak prestatuta daude arreta pertsonalizatua emateko, bezero bakoitzaren beharretara egokituta.
