Menu

Pribatutasun-politika

ABANCA CORPORACION BANCARIA, S.A.-ren PRIBATUTASUN POLITIKA

Jarraian irakur dezakezun informazioak web honen erabiltzaile guztiei eragiten die, ABANCAko bezeroak izan edo ez. ABANCAko bezero bazara edo gure produktu edo zerbitzuren bat kontratatzeko edo eskatzeko prozesuren batean zure datu pertsonalak utzi badituzu, bezeroen datuen pribatutasunaren inguruko beste dokumentu bat dago. Arretaz irakur ezazu.

1. Nor da nire datuen tratamenduaren arduraduna?

Zure datuen tratamenduaren arduraduna ABANCA CORPORACIÓN BANCARIA, S.A. da (IFZ: A-70302039; helbidea: Cantón Claudino Pita, 2, 15300, Betanzos (Coruña).

ABANCAn formalki izendatutako datu pertsonalak babesteko ordezkari bat dugu. Behar izanez gero, berarekin harremanetan jar zaitezke helbide honetara idatzita: privacidad@abanca.com.

2. Zer datu mota tratatzen dituzue?

Bi motatako datu pertsonalak daude:

a) Zuzenean ematen dizkiguzun datuak

Gure webgunearen bidez nabigatzeko ez da beharrezkoa aldez aurretik erregistratzea. Hala ere, gure web zerbitzariek, gure web gunea bisitatzen duzunean, honako informazio hau biltegiratzen dute modu estandarrean: IP helbidea eta sarbidea lortzeko domeinua, bisitaren data edo ordua, eta abar.

Bestalde, gure web orriaren zenbait funtzionalitatek informazio osagarria ematea eskatzen dute, dagokion formularioaren bidez (adibidez, gure produktuei buruzko informazio pertsonalizatua eskatzeko edo ABANCAri edo gure zerbitzuei buruzko kontsultak egiteko). Aipatutako zerbitzuen datuak babesteko politika ez badator bat web gune honetako datu orokorrak babesteko politikarekin, aldez aurretik jakinaraziko dizugu.

b) Erabiltzaileak zeharka emandako datuak

Nabigatzen duzunean, zure gailuan cookie-ak instala daitezke, gure cookie politikan azaltzen dizugun bezala.

3. Zertarako tratatzen dituzue nire datuak?

Datu pertsonalak gure web orrian nabigatzeko besterik ez dira erabiliko, eta cookie politika onartuz gero, egindako nabigazioa aztertzeko eta jokabidearen araberako publizitatea egiteko erabiliko dira.

Era berean, web-inprimakiak erabili aurretik, horien bidez ematen dituzun datuen tratamenduari buruzko informazioa emango dizugu eta, hala badagokio, baimena eskatuko zaizu edozein bide elektronikoren edo ez elektronikoren bitartez eskaintzak eta sustapenak bidali ahal izateko. Eskaintza horiek izaera orokorrekoak edo zure profilera egokitutakoak izan daitezke eta ABANCAk edo ABANCA talde ekonomikoa (Merkataritza Kodearen 42.1 artikuluan jasotako “taldea” definizioaren arabera) osatzen duten enpresek eta erakundeek (hurrengo jarduerak egiten dituzte: finantza-, gizarte-, aseguru-, higiezin-, prestakuntza- eta marketin-jarduerak eta aholkularitza-zerbitzuak. Enpresa laguntzaileak ere sartzen dira, zeinak finantza-produktuak edo -zerbitzuak, aseguruetakoak, aisialdikoak, elikagaietakoak, etxetresna elektrikoak, altzariak, ibilgailuak, oinetakoak, ehungintza, optikak, norberaren kontsumorako zerbitzuak eta produktuak eta abar eskaintzen dituzten) eskainitakoak edo merkaturatutakoak dira. Zure baimena edozein unetan eta doan ezeztatu ahal izango duzu bajas@abanca.com helbidera mezu bat bidalita.

4. Nori helarazten dizkiozue nire datuak?

Zerbitzurik onena eskaini ahal izateko eta, hala badagokio, web gunearen bidez egiten dituzun eskaerak izapidetzeko, inprimakien bidez lortutako datuak gure talde ekonomikoko enpresei laga ahal izango genizkieke, eskaeraren xedearen arabera. Adibidez: pentsio-plan bati buruzko informazioa eskatzen baduzu, zure datuak ABANCA Vida y Pensiones de Seguros y Reaseguros, S.A.-ri jakinarazi ahal izango zaizkio, eskaera hori izapidetzeko.

5. Aurreikusita al dago nazioarteko transferentziarik?

Google Inc., Delawareko konpainia bat da. Bulego nagusia: 1600 Amphitheatre Parkway, Mountain View (California), CA 94043, Estatu Batuak (“Google”). Google-k web analitikarako zerbitzu bat eskaintzen digu (Google Analytics), zure gailuan hainbat cookie instalatuz. Gure cookie politika, onartzen baduzu, cookie-ak sortzen duen informazioa (zure IP helbidea barne) Google-k igorri eta artxibatuko du bere zerbitzarietan.Zure datuen babesa bermatzeko, Google pribatutasun-ezkutuari (Privacy Shield) atxikita dago, eta gure araudiak babesten du.

6. Zenbat denborarako gordetzen dituzue nire datuak?

Datu pertsonalak ondorengoa egiteko beharrezkoa den epean baino ez dira gordeko: web-orrian nabigatu ahal izateko, zure nabigazioa aztertzeko gure cookie politika onartu baduzu baino ez), web gunearen bidez egiten dituzun produktu-, zerbitzu- edo informazio-eskaerak izapidetzeko, eta eskaera horien ondorioz ezar daitezkeen negozio-harremanak mantentzeko, garatzeko eta kontrolatzeko. Datuak beharrezkoak izateari uzten dioten unean, eta epe luzeagoan gordetzeko baimena eman ez baduzu, datuak ezabatu egingo dira, datuak babesteko araudian xedatutakoaren arabera; horrek blokeatu egingo direla esan nahi du: epaile eta auzitegiek, Fiskaltzak edo administrazio publiko eskudunek eskatuta baino ez lirateke eskuragarri egongo, horietatik erator daitezkeen ekintzetan preskribatzeko legezko epeetan (oro har, 10 urte kapitalak zuritzea eta terrorismoa finantzatzea prebenitzeko araudiagatik, eta 21 urte arte Kode Zibila eta hipoteka-legeriagatik). Blokeo-aldia igarotakoan, datuak erabat ezabatuko dira.

7. Zer eskubide ditut?

Datuak babesteko gure araudiak eskubide batzuk ematen dizkizu gure zerbitzuei eta zure datuen tratamenduari dagokienez. Hona hemen eskubide horiek laburbilduta:

  • Datuetarako sarbide-eskubidea Zer datu mota tratatzen ari garen eta egiten ari garen tratamenduaren ezaugarriak ezagutzea.
  • Zuzentzeko eskubidea. Zure datuak aldatzeko eskatu ahal izatea, zehaztugabeak edo egiazkoak ez direlako.
  • Datuak transferitzeko eskubidea Tratatzen ari diren datuen kopia bat formatu elkarreragilean lortu ahal izatea.
  • Legean jasotako kasuetan tratamendua mugatzeko eskubidea.
  • Erabaki automatizatuak hartzeari aurka egiteko eskubidea.
  • Ezabatzeko eskubidea. Zure datuak ezabatzeko eskatzea, tratamendua jada beharrezkoa ez denean.
  • Tratamenduari aurka egiteko eskubidea. Komunikazio komertzialak ez bidaltzeko eskatzea, aurretik adierazitako baldintzen arabera.
  • Emandako baimena baliogabetzeko eskubidea.

Eskubideak posta elektronikoz balia ditzakezu, atencioncliente@abanca.com helbidera idatzita edo posta arruntez, Rúa Nueva, 1 - Entreplanta, 15003, A Coruña helbidera idatzita. Baliatu nahi den eskubidea adierazi eta beharrezko dokumentazioa erantsi beharko da.

Datuak Babesteko Espainiako Agentziaren (AEPD) web gunean zure eskubideak baliatzen lagunduko dizuten eredu batzuk aurki ditzakezu.

Halaber, kontrol-agintaritzan erreklamazio bat jartzeko eskubidea duzu (Espainian, AEPD-n), zure eskubideak urratutzat jotzen badituzu.