24h Auto-mailegua

24h Auto-mailegua da zure auto edo motor berriarentzako finantzaketa lortzeko modurik errazena eta azkarrena; gainera, abantaila ugari ditu. Berdin du ibilgailua berria edo erabilia den, 6.000 eurotik 60.000 eurora eska diezagukezu erosketa finantzatzeko.

Mailegua nahi duzun erritmoan itzul dezakezu; hilean zenbat ordaindu nahi duzun esan besterik ez duzu eta guk kalkuluak egingo ditugu zenbat ordainduko zenukeen jakiteko. Gehienez ere zortzi urteko epea duzu. Oso erraza!

Lor ezazu orain zure auto-mailegua hobaridun interes-tasarekin; horri esker, 6.000 eta 60.000 euro artean eska ditzakezu. Maileguak % 1,50eko irekiera-komisioa izango du (gutxienez 150€) baina ez du eragiketa formalizatzearen kostu gehigarririk izango.

24 orduko auto-mailegu honen interes-tasa, inolako hobaririk gabe, % 8,25eko ITN da, % 9,50tik gorako UTB (gehieneko UTB % 18,08). Zure kuota eta izango zenituzkeen interesak erakusten dizkizugu beheko taulan.

Baina tarifa hori % 3 arte jaits dezakezu, % 5,25 ITN arte % 9,28 UTB (gehieneko UTB %24,43), interes-tasari hobaria ematen dioten ABANCA produktu edo zerbitzu batzuk kontratatzen badituzu. Ez da derrigorrezkoa horiek kontratatzea, baina eginez gero mailegutik gutxiago ordain dezakezu:

• Zure nomina (600 euro gutxienez) edo zure gizarte-aseguruak helbideratuta badituzu, zure maileguaren ITN % 1,50 jaitsiko da. Nominarik ez baduzu, baina hilero 600 eurotik gorako diru-sarrera erregularrak badituzu, zu ere abantaila hauetaz balia zaitezke.

• Maileguari lotutako bizi-aseguru bat baduzu eskatutako printzipalaren % 100ean, eta mailegua gutxienez 12.000 eurokoa bada, zure interesa % 0,75 jaitsiko da.

• Etxe-aseguru bat,auto-aseguru bat edo maileguari lotutako prima bakarreko ordainketak babesteko aseguru bat eskatutako printzipalaren % 100ean kontratatuz gero, zure maileguaren ITN % 0,75 gehiago murriztuko duzu.

Kontuan izan mailegu hau jaso ahal izateko Tú Visa kreditu-txartela kontratatu beharko duzula ABANCA kreditu-txartelik ez baduzu.

Mailegu baten inguruan hitz egiterakoan, banketxeok tarifarik garestiena eta merkeena duen adibide bat eskaini behar dugu, eskaintza desberdinak modu gardenean alderatu ahal izateko.

Hobaririk gabeko 24 orduko auto-maileguaren adibideak kalkulatzeko, honako hauek hartu ditugu kontuan: hilabete guztiek egun kopuru bera dute, formalizazio-data urriaren 1a da (azaroan hasiko zinateke ordaintzen) eta eskatutako zenbatekoaren % 1,5eko irekitze-komisioa izango du (gutxienez 150 euro). Horrez gain, maileguaren bizitza osoan honako hauei eutsiko zaie: Maileguari lotutako kontua, hiru hilean behin 31€ mantentze-komisioarekin. Komisioa martxoan, ekainean, irailean eta abenduan kobratzen da (kalkulua egiteko apirilari, uztailari, urriari eta urtarrilari dagozkio), eta Tú VISA kreditu-txartel bat. Azken hori mailegu pertsonalarekin kontratatu beharko duzu, baldin eta beste kreditu-txartelik ez baduzu (lehen urtean doakoa izango da; hortik aurrera, txartelaren jaulkitze- eta mantentze-komisioa 43 euro/urtea izango da).

Hobaria duten 24 orduko auto-maileguaren adibideak kalkulatzeko, berriz, hobaririk gabeko maileguaren adibidean aipatutako kasuak hartu ditugu kontuan. Horiez gain, honako hauek hartu ditugu kontuan: gutxienez 600 euroko nomina gurekin helbideratuta duzu, eta prima bakarreko maileguari lotutako bizi-aseguru bat eta ordainketak babesteko aseguru bat dituzu. Jarraian horien kostua azalduko dizugu: Aseguru horien kostua 30 urteko pertsona batentzat kalkulatu da.

Kasu batzuetan itxarotea ez da aukera bat. Horregatik sortu dugu 24 orduko auto-mailegu hau tramitazio azkarreko mailegu gisa: dokumentazioa ematen diguzunetik eta finantzaketa-eskaera sinatzen duzunetik bideragarria dela baieztatzen dizugun arte 24 ordu baino ez dira igaroko: minutu bat gehiago ere ez.

Ziur gaude epea beteko dugula. Baina horrela ez balitz, konpentsatu egingo genizuke.

Mailegu pertsonal bat eskatzeko gure online galdetegia bete behar duzu. Handik gutxira harremanetan jarriko gatzaizkizu eragiketa bideragarria den edo ez adierazteko. Bideragarria baldin bada, dokumentazioa eskatuko dizugu, eta den-dena zuzen dagoela egiaztatzen dugunean, mailegua sinatu beharko duzu; sinaketa hori online edo bulegoan egin ahal izango duzu.

Gogorarazten dizugu produktu honen ezaugarriak direla eta, produktu hau zuk edo beste edozein titularrek 59 urte bete arte kontratatu ahal izango duzula soilik. Kasu honetan, beste aukera batzuk ere kontsultatu ditzakezu zure bulegoan.

Maileguaz gain, VISA Tú kreditu-txartel bat ere izango duzu, munduko edozein lekutan erosketak egiteko edo eskudirua ateratzeko aukera emango dizuna. Eta ez duzula behar uste baduzu, nahi duzunean eta inolako kosturik gabe baja eman ahal izango diozu.

Gogoratu hemen erakusten dizkizugun baldintzak webgunearen bidez kudeatzen badituzu bakarrik direla baliozkoak.