Préstamo Auto 24h

O tipo de xuro deste Préstamo Auto 24h, sen ningunha bonificación, é TXN 8,25%, TAE desde 9,56% (TAE máxima 16,58%). Mostrámosche como sería a túa cota e os xuros no exemplo que atoparás máis abaixo.

Pero podes rebaixar até un 3% esta tarifa até un TXN 5,25%, TAE desde 9,79% (TAE máxima 23,15%) se contratas algúns produtos ou servizos de ABANCA que bonifican o tipo de xuro. Non é obligatorio que os contrates, pero poden facer que pagues menos polo teu préstamo:

Ademais, recorda que polas características deste produto, só poderás contratalo e ter a bonificación no tipo de xuro ata que ti ou calquera titular interveniente cumprades 59 anos. Neste caso, consulta outras opcións na túa oficina

E lembra tamén que estas condicións son válidas só se tramitas o teu empréstito a través desta web.

O Préstamo Auto 24h é a forma máis doada e rápida de conseguir financiamento para o teu novo coche ou a túa nova moto en condicións moi vantaxosas. Non importa se o vehículo que queres é novo ou usado, podes solicitarnos desde 6.000€ ata 60.000€ para financiar a súa adquisición.

O Préstamo Auto 24h dálleche todas as facilidades para pagar o teu préstamo en liña. Podes simular a operación a diferentes prazos, cun máximo de oito anos, e ver a cota que mellor se adapta ás túas necesidades. ¡Así de sinxelo!

Consigue agora o teu préstamo coche cun tipo de xuro bonificable, que che permite pedir de 6.000 a 60.000€ cunha comisión de apertura do 1,50% (cun mínimo de 90€) e sen ningún custo adicional de formalización da operación.

Responderémosche en 24 horas desde que nos entregues a documentación, asines a solicitude e che confirmemos que é viable.

Os bancos debemos darche un exemplo coa tarifa máis cara e máis barata cando che falamos dun préstamo, para que así poidas comparar as diferentes ofertas de forma transparente.

Para calcular os exemplos do Préstamo Auto 24h sen bonificación, supuxemos que todos os meses teñen o mesmo número de días, que a data de formalización é o 1 de xaneiro (empezarías a pagar en febreiro), unha comisión de apertura do 1,5% do importe solicitado (cun mínimo de 90€) e que manterás para toda a vida do préstamo: unha conta asociada ao préstamo cunha comisión trimestral de mantemento de 36€, que se cobra en marzo, xuño, setembro e decembro (asígnase a abril, xullo, outubro e xaneiro a efectos de cálculo); e unha tarxeta de crédito VISA Tú que debes contratar co teu préstamo persoal, se non dispós doutra tarxeta de crédito ABANCA, cunha comisión de emisión e mantemento de 43€ ao ano, que será gratuíta o primeiro ano.

En cambio, para calcular os exemplos do Préstamo Auto 24h con bonificación, tivemos en conta os supostos mencionados no caso anterior e, a maiores, que tes a túa nómina domiciliada connosco por un valor mínimo de 600€, un seguro de vida e un seguro de protección de pagos vinculados ao préstamo de prima única, cuxo custo che mostramos a continuación. O custo destes seguros foi calculado para unha persoa de 30 anos.