Préstamo 24h

Se necesitas unha resposta rápida a unha necesidade de financiamento, respondémosche en 24 horas. É o noso compromiso, certificado e por escrito. Solicita desde 6000 € até 60.000€ a través dun préstamo persoal bonificable, cunha comisión de apertura do 1,50%, cun mínimo de 150€, e sen ningún outro coste de formalización da operación.

O tipo de xuro deste Préstamo 24h, sen ningunha bonificación, é TXN 9,60%, TAE desde 10,97% (TAE máxima 19,75%). Mostrámosche como sería a túa cota e os xuros no exemplo que atoparás máis abaixo.

Pero podes rebaixar até un 3% esta tarifa ata un TXN 6,60%, TAE desde 10,81% (TAE máxima 26,25%) se contratas algúns produtos ou servizos de ABANCA que bonifican o tipo de xuro. Non é obligatorio que os contrates, pero poden facer que pagues menos polo teu préstamo:

• Se domicilias a nómina ou os seguros sociais por valor de 600€ ou máis, os xuros do teu empréstito rebaixaranse nun 1,50%. Se non tes nómina, pero todos os meses tes ingresos recorrentes de máis de 600€, aplicaránseche as mesmas condicións que se tiveses nómina.

• Se contratas un seguro de vida vencellado ao préstamo polo 100% do saldo que che vaia quedando pendente no préstamo, e este é por un importe mínimo de 12.000 euros, ademais de asegurar o pagamento, os teus xuros minguan un 0,75%.

• E se o que contratas é un seguro de protección de pagamentos de prima única vencellado ao préstamo polo 100% do saldo pendente, ou un seguro para o fogar ou para o coche, tamén reducirás os xuros outro 0,75%.

Ten en conta que para formalizar este préstamo deberás contratar unha tarjeta de crédito VISA Tú, se non dispós doutra tarxeta de crédito ABANCA, que poderás dar de baixa canda queiras.

Os bancos debemos darche un exemplo coa tarifa máis cara e máis barata cando che falamos dun préstamo, para que así poidas comparar as diferentes ofertas de forma transparente.

Para calcular os exemplos do Préstamo 24h sen bonificación, supuxemos que a data de formalización é o 1 de xaneiro (empezarías a pagar en febreiro), unha comisión de apertura do 1,5% do importe solicitado (cun mínimo de 150€) e que manterás para toda a vida do préstamo: unha conta asociada ao préstamo cunha comisión trimestral de mantemento de 31€, que se cobra en marzo, xuño, setembro e decembro (asígnase a abril, xullo, outubro e xaneiro a efectos de cálculo); e unha tarxeta de crédito VISA Tú que debes contratar co teu préstamo persoal, se non dispós doutra tarxeta de crédito ABANCA, cunha comisión de emisión e mantemento de 43€ ao ano, que será gratuíta o primeiro ano.

En cambio, para calcular os exemplos do Préstamo 24h con bonificación, tivemos en conta os supostos mencionados no caso anterior e, a maiores, que tes a túa nómina domiciliada connosco por un valor mínimo de 600€, un seguro de vida e un seguro de protección de pagos vinculados ao préstamo de prima única, cuxo custo che mostramos a continuación. O custo destes seguros foi calculado para unha persoa de 30 anos.

Para pedires un préstamo persoal debes cubrir o noso formulario online. Pouco despois de enviar este formulario, porémonos en contacto contigo para dicirche se a operación é viable ou non. Se o é, pedirémosche unha pouca documentación, e cando comprobemos que todo está correcto, terás que asinar o empréstito, algo que podes facer tanto online como na oficina.

Ademais, recorda que polas características deste produto, só poderás contratalo e ter a bonificación no tipo de xuro ata que ti ou calquera titular interveniente cumprades 59 anos. Neste caso, consulta outras opcións na túa oficina

Xunto co teu préstamo disporás tamén dunha tarxeta de crédito VISA Tú, que che permitirá mercar ou retirar diñeiro en efectivo en calquera parte do mundo. E se en calquera momento consideras que non a necesitas, poderás dala de baixa cando queiras e sen custo ningún.

E lembra tamén que estas condicións son válidas só se tramitas o teu empréstito a través desta web.