Que é unha conta bancaria

Quen é o titular dunha conta bancaria?

O titular dunha conta bancaria é a persoa que contrata o produto coa entidade bancaria e que accede aos dereitos e asume as responsabilidades da conta. Pode dispor do diñeiro, realizar ingresos, transferencias e outras operacións. Unha conta pode ter un ou varios titulares, que comparten a xestión dos fondos e dispoñen deles segundo a forma de disposición elixida.

Que é un cotitular e cales son as súas diferenzas co titular?

Un apoderado nunha conta bancaria é a persoa á que un ou varios titulares lle outorgan un poder notarial ao seu favor para realizar certas xestións no seu nome. Porén, non é propietario do diñeiro da conta e as súas facultades están limitadas segundo o establecido polos titulares no poder.

Que é o IBAN e para que se utiliza?

O IBAN é un código formado por 4 caracteres iniciais seguido do número de conta. Utilízase para identificar as contas bancarias a nivel internacional, facilitando as transferencias bancarias entre todos os países da Unión Europea, ademais de Liechtenstein, Noruega, San Marino, Islandia e Suíza. Partes dun IBAN: 

• CÓDIGO DO PAÍS: dous números que identifican o país
• DÍXITO DE CONTROL: dous números destinados á validación
• CÓDIGO DE CONTA: inclúe o código do banco, código da sucursal, un código nacional e o número da conta bancaria.

Que son os intereses nunha conta bancaria e como funcionan?

Os intereses nunha conta bancaria son o beneficio que obtés por depositar o teu diñeiro no banco. Calcúlanse aplicando unha porcentaxe ao saldo da túa conta, xerando ganancias periódicas segundo as condicións do contrato.

Que son as comisións bancarias e como afectan á túa conta?

As comisións corresponden ao que che cobra un banco polos servizos que che presta relacionados coa túa conta bancaria. En ABANCA ofrécese a posibilidade de non pagar as principais comisións. Se queres coñecer os requisitos para non pagar esas comisións, consulta o noso Programa Servizos ABANCA.

Cal é a diferenza entre saldo dispoñible e saldo contable?

O saldo dispoñible é o diñeiro que tes na túa conta e que podes utilizar de forma inmediata, mentres que o saldo contable inclúe operacións pendentes de facerse efectivas, como compras ou transferencias.

Que son as transferencias bancarias e como se realizan?

As transferencias bancarias permítenche enviar diñeiro entre contas de distintos bancos. En ABANCA, podes realizalas desde a banca móbil, electrónica ou telefónica. Selecciona a conta, introduce os datos da conta á que queres enviar o diñeiro, os datos do destinatario, o importe e xa poderás realizar a operación. 

Que son as domiciliacións e como funcionan?

As domiciliacións son autorizacións para que unha empresa poida presentar ao cobro o custo dun servizo que che estea prestando. Adoitan ser pagos recorrentes, como por exemplo facturas de luz, ximnasio ou internet. En ABANCA, podes xestionalas desde a banca electrónica na lapela Pagos/Domiciliacións ou desde a app de ABANCA en ‘Operar’ > ‘Domiciliacións’.

Que é un descuberto bancario e cales son os seus riscos?

Os descubertos bancarios son aquelas situacións nas que quedas sen diñeiro suficiente na conta e o banco adiántache o diñeiro, coñecido tradicionalmente como “quedar en números vermellos”. Nestes casos, como o banco che permitiu dispor dun diñeiro que non había na conta, poden xerar algúns custos e comisións; o xuro de demora pola cantidade que está en descuberto, e durante o período que permaneza así.

Tamén se adoita cobrar unha comisión por estar en descuberto, e se tardas máis en ingresar o diñeiro e poñer a conta en saldo positivo, cobrarémosche os gastos que se teñan producido intentando recuperar o diñeiro adiantado.

Que é o código BIC/SWIFT e para que serve?

O BIC/SWIFT é o código que nos identifica como entidade ante todos os demais bancos e entidades financeiras do mundo. É un código que deberás facilitar se che van facer unha transferencia desde o estranxeiro. No caso de ABANCA, o código BIC/SWIFT é CAGLESMMXXXSerás redirixido a outro sitio web.

Que é o Fondo de Garantía de Depósitos e como protexe aos clientes?

O Fondo de Garantía de Depósitos (FGD) garante os depósitos bancarios e os depósitos en valores negociables e instrumentos financeiros, ata un importe máximo de 100.000 euros por titular e entidade.

Se tes máis depósitos, súmanse e o total está suxeito a este límite.

Comisións e gastos

Nas contas bancarias poden existir varios tipos de comisións, que se aplican en función dos servizos que o banco che preste segundo a túa forma de operar. As comisións máis habituais son:

• Comisión de mantemento: É a que se cobra por dar o soporte informático necesario para custodiar o teu diñeiro e xestionar todas as operacións da conta.
• Comisión de administración: Cóbrase polos movementos realizados na conta, normalmente os bancos cóbrana a partir dun número mensual de movementos.
• Comisión por descuberto ou maior saldo contable descuberto: Cóbrase cando a conta, nun momento determinado, non tiña diñeiro e o banco realizou un pago adiantando o diñeiro.

Máis información sobre as comisións de ABANCA

Rendibilidade e xuros

A rendibilidade é un indicador financeiro que mide a capacidade dun investimento, produto ou activo para xerar beneficios ou ganancias nun período determinado. Exprésase habitualmente como unha porcentaxe sobre o capital investido.

Unha alta rendibilidade indica que o investimento xerou un retorno significativo respecto ao diñeiro achegado, mentres que unha baixa rendibilidade reflicte un menor beneficio.

O xuro é o que aboa unha entidade financeira a un cliente por depositar o seu diñeiro, como pode ser nunha conta remunerada, ou que un cliente paga ao banco por recibir un préstamo ou crédito.

Analizar a rendibilidade permíteche comparar diferentes opcións de investimento e elixir a que mellor se adapte aos obxectivos financeiros e ao teu perfil. Pola súa banda, coñecer o funcionamento dos xuros axudarache a entender o custo real dun préstamo ou o beneficio potencial dun produto de aforro.

Como remunerar o teu diñeiro?

Seguridade e protección

O diñeiro depositado polo titular en ABANCA está protexido principalmente polo Fondo de Garantía de Depósitos de Entidades de Crédito (FGD).

Ademais, incorpóranse as seguintes medidas:

• Seguridade tecnolóxica: Utiliza sistemas avanzados de protección, como a Chave ABANCA, que permite confirmar a túa identidade usando o desbloqueo do teu móbil (pegada, Face ID ou PIN) en operacións sensibles.
• Protección de datos: Cumpre estritamente a normativa de protección de datos, asegurando que só ti e as autoridades (con orde xudicial) podedes acceder a información sensible, como imaxes de seguridade.
• Vixilancia e control: As oficinas contan con vixilancia, sistemas de alarma e cámaras de seguridade, e as gravacións xestiónanse de forma segura.

Protexe o teu diñeiro con ABANCA

Accesibilidade dixital

A banca dixital ofrece numerosas facilidades para xestionar contas, facer pagos e consultar movementos, permitindo aos clientes operar de forma cómoda e segura desde calquera dispositivo (ordenador, portátil, tableta ou móbil).

Entre as principais facilidades destacan:

• Consulta de posición e movementos de contas en tempo real, con buscador e opción de personalización.
• Posibilidade de ocultar contas e consultar información de titulares, así como descargar o certificado de titularidade.
• Realización de transferencias e traspasos, tanto nacionais como internacionais, en euros ou noutras divisas, podendo programalas para unha data concreta ou de forma periódica.
• Pago de recibos, impostos, taxas e multas, así como devolución ou baixa de domiciliacións e xestión de recibos pendentes.
• Xestión de tarxetas: consulta de movementos, acendido e apagado de tarxetas, modificación de límites operativos diarios e solicitude de duplicado de PIN.
• Envío de diñeiro inmediato a outras contas, a caixeiros ou a través de servizos como ABANCA Pay.
• Acceso ao buzón dixital para consultar toda a correspondencia bancaria dos últimos 5 anos.
• Xestión de produtos actuais (bloqueo de tarxeta, recordatorio de PIN, activación de tarxeta, etc.) e contratación de novos produtos (préstamos, seguros, tarxetas virtuais, etc.).
• Axenda e favoritos para axilizar operacións habituais.

Consulta o noso compromiso coa accesibilidade

Servizos asociados

• Tarxetas: Emisión e xestión de tarxetas de débito e crédito asociadas á conta, con posibilidade de consultar movementos, modificar límites, bloquear ou activar tarxetas, e solicitar duplicado de PIN.
• Transferencias: Realización de transferencias nacionais e internacionais, tanto manuais como periódicas, en euros ou noutras divisas. Inclúe a opción de programar transferencias e recibir xustificantes.
• Domiciliacións: Domiciliación de recibos de servizos (luz, auga, teléfono, etc.), con posibilidade de xestionar, devolver ou dar de baixa domiciliacións desde a banca dixital.
• Sistemas de alerta: Servizo de avisos ao móbil ou correo electrónico sobre movementos relevantes na conta, como abonos de nómina, transferencias recibidas, operacións con tarxeta, saldo en vermello, recibos non cargados, entre outros.
• Consulta de movementos e saldos: Acceso en tempo real ao saldo e movementos da conta, con opción de descargar extractos e certificados de titularidade.
• Pago de recibos e impostos: Posibilidade de pagar recibos, impostos, taxas e multas directamente desde a conta.
• Xestión dixital: Acceso á banca electrónica e móbil para operar e consultar a conta en calquera momento e lugar.

Antes de elixir unha conta bancaria, é importante comparar varias opcións para atopar a que mellor se adapte ás túas necesidades. Estes son os factores clave que debes ter en conta ao comparar contas bancarias.

Factores clave para comparar contas bancarias:

• Comisións: Analiza se a conta ten gastos de mantemento ou administración. O ideal é buscar programas de bonificación que, como en ABANCA, che permitan gozar da túa conta sen pagar comisións polos servizos que máis usas.
• Servizos incluídos sen custo: Revisa todos os servizos incluídos pola contratación da conta con ABANCA, como tarxetas de débito ou crédito ou outros servizos que che sexan útiles.
• Requisitos: Comproba que necesitas para acceder ás mellores vantaxes. ¿Domiciliar a túa nómina ou recibos? ¿Un número mínimo de compras con tarxeta? En ABANCA podes obter ata 500€ por domiciliar a túa nómina ou pensión.
• Banca dixital: Avalía se a app é intuitiva, se permite xestionar as túas tarxetas (apagalas/acendelas), Bizum, pagar recibos cunha foto ou recibir alertas de seguridade en tempo real. Descubre todas as funcionalidades da app de ABANCA.
• Seguridade e protección: Asegúrate de que os teus aforros están protexidos polo Fondo de Garantía de Depósitos e que contas cos últimos protocolos de seguridade en compras online. Descubre Chave ABANCA.

Consellos segundo o teu perfil financeiro:

Estudantes e mozos: Se tes menos de 35 anos, o que buscas é autonomía e cero complicacións. Prioriza contas que che dean todo sen pedirche nada a cambio: sen comisións de mantemento, con transferencias SEPA gratis non urxentes e unha tarxeta de débito sen custo para moverte polo mundo. Ademais, se comezas a traballar e domicilias a túa nómina, en ABANCA dámosche a benvida cun incentivo!

Abre a túa Conta Moza sen comisións

Familias: Elixe contas que permitan domiciliar nómina ou pensión e recibos, e que ofrezan vantaxes por cumprir requisitos de vinculación. Valora servizos como tarxetas gratuítas, transferencias sen custo, xestión de domiciliacións e sistemas de alerta para controlar gastos e movementos. Se tes fillos menoresSerás redirixido a outro sitio web, existen contas sen comisións para eles.

Trae a túa nómina e suma vantaxes

Autónomos e microempresas:

Revisa os requisitos do Programa de Autónomos e MicroPemes para acceder a beneficios como redución de comisións, servizos de pago e cobro adaptados á túa actividade, e facilidades na xestión de recibos e transferencias. No caso de que sexas autónomo e non cumpras os requisitos de autónomos, podes optar polos beneficios do programa familias se che resultan máis vantaxosos.

Únete coa Conta Autónomos

Parellas:

Considera contas conxuntas que permitan xestionar gastos compartidos, domiciliar recibos comúns e acceder a tarxetas adicionais. Revisa se a conta ofrece vantaxes por vinculación conxunta (nómina, seguros, saldo mínimo) e sistemas de alerta para ambos titulares.

Contratade a vosa Conta ConxuntaSerás redirixido a outro sitio web

Persoas maiores:

Busca contas que faciliten a operativa presencial e dixital, con atención personalizada e servizos adaptados (tarxetas gratuítas, transferencias sinxelas, xestión de recibos). Valora a posibilidade de exención de comisións por pensión domiciliada e acceso a produtos de protección.

Domicilia a túa pensión con beneficios

Erros comúns nas contas bancarias:

• Non revisar os movementos e extractos da conta regularmente.
• Non conservar o contrato asinado nin a información precontractual.
• Manter saldos elevados en efectivo na oficina, xerando custos innecesarios.
• Non cumprir os requisitos e perder bonificacións ou gratuidade de servizos.
• Facilitar datos persoais ou bancarios sen verificar a identidade do solicitante (risco de fraude).
• Non informar nin corrixir erros detectados antes de que o cliente presente unha reclamación formal.

Boas prácticas nas contas bancarias

• Revisar periodicamente os movementos e extractos para detectar erros ou cargos non recoñecidos.
• Conservar sempre o contrato asinado e a documentación relevante.
• Operar co saldo mínimo de efectivo necesario na oficina para evitar custos e riscos.
• Cumprir os requisitos de vinculación para beneficiarse de vantaxes e bonificacións.
• Protexer os datos persoais e bancarios, evitando compartilos sen verificar a identidade do receptor.
• Subsanar calquera erro detectado na operativa diaria antes de que derive nunha reclamación formal.

Evitar comisións que non tiñas en conta

É importante revisar e comprender todas as comisións da túa conta bancaria para evitar cargos inesperados e poder controlar mellor os teus gastos. Se coñeces que servizos teñen custo (como transferencias, tarxetas ou mantemento), podes decidir como usar a túa conta e aproveitar posibles bonificacións ou exencións. Deste xeito, evitarás sorpresas no extracto e poderás reclamar se detectas algún cobro incorrecto.

Ler con atención o contrato

É fundamental ler e entender ben todas as condicións do contrato bancario antes de asinar, para evitar sorpresas ou compromisos non desexados. Presta atención ás cláusulas sobre comisións, xuros, prazos, requisitos de vinculación ou posibles penalizacións. Se algo non queda claro, pide sempre unha explicación antes de aceptar. Así asegúraste de saber exactamente a que te comprometes e evitas problemas futuros.

Revisar os teus movementos bancarios:

Realizar consultas frecuentes á túa conta bancaria é fundamental para detectar a tempo erros, cargos non autorizados ou calquera irregularidade. Así podes actuar rapidamente se ves un movemento estraño, reclamar se hai un cobro incorrecto e protexer o teu diñeiro fronte a posibles fraudes. Revisar os teus movementos de forma regular axúdache a ter un mellor control das túas finanzas e a evitar problemas maiores no futuro.

Manter a seguridade de claves e accesos dixitais:

Para protexer as túas claves e accesos dixitais:

• Non compartas os teus contrasinais nin códigos con ninguén.
• Non os anotes en papel nin en lugares accesibles.
• Usa contrasinais seguros, evita datos persoais e cámbiaos regularmente.
• Bloquea o teu equipo se o deixas desatendido.
• Se perdes un método de autenticación, notifícao de inmediato.
• Mantén os teus dispositivos actualizados e protexidos con antivirus.
• Así evitarás fraudes e accesos non autorizados á túa información.

¿Tes máis dúbidas sobre as contas bancarias? Nós temos as respostas