Hipoteca a tipo fixo Mari Carmen

(*)A TAE sen e con bonificación calculouse baixo as hipóteses de que: (i) o contrato de préstamo polo importe indicado estará vixente durante toda a duración pactada, (ii) que ABANCA e o Prestameiro cumprirán as súas obrigacións nas condicións e nos prazos acordados, polo que non se incluíron as comisións e gastos que o Prestatameiro poida evitar se cumpre coas súas obrigas contractuais, (iii) o importe, o tipo de xuro, as comisións e os gastos mantéñense durante toda a vixencia do contrato no nivel fixado no período inicial, (iv) non se produce ningún reembolso total nin parcial durante toda a duración do préstamo. Por tanto, esta TAE con e sen bonificiación, variará coas modificacións que se poidan producir no importe, o tipo de xuro, as comisións e os gastos. A TAE con bonificación, ademais tamén poderá variar por aplicación das bonificacións.

(**) O sistema de amortización do presente préstamo hipotecario é o EPC (francés ou cota constante).

A cota mensual ( C) calcúlase aplicando a seguinte fórmula:

C= P*(i/(1-(1+ i)-n)).

Onde “ P” é o importe pendente do préstamo; "i" o tipo de xuro mensual aplicable ao mes que será o resultante de dividir o xuro anual (TXN) entre 12 (o número de cotas ao ano) e "n" é o número de cotas pendentes do préstamo.

A cota mensual está composta de amortización de capital (parte que se destina a devolver o diñeiro que se prestou) e xuros (parte coa que se remunera o capital pendente de devolver).

Para calcular os xuros (I) que se pagarán na cota do mes utilizarase a seguinte fórmula:

I = P * i.

Onde "P" é o importe pendente do préstamo; e "i" é o tipo de xuro, que será o resultado de dividir o xuro anual (TXN) entre 12 (número de cuotas al año). O importe dos xuros redondéase ao segundo decimal.

Para calcular o importe da parte que corresponde a amortización de capital A teremos que restar á cota total "C" o importe dos xuros "I"; sendo a fórmula:

A = C - I.

Podes consultar máis información en abanca.com/tuprestamo

(1) Como ABANCA non comercializa seguros de danos que só cubran os riscos indicados pola normativa do mercado hipotecario, para calcular o custo deste produto simulouse un seguro do fogar (que é o máis semellante ao de danos, pero incluíndo maiores coberturas). Este importe ten carácter orientativo. De conformidade coa normativa reguladora do mercado hipotecario, para poder contratar este préstamo, requírese a subscrición durante toda a vida da hipoteca dun seguro de danos. Non é obrigatorio que o contrates con ABANCA; poderás contratalo cunha compañía aseguradora da túa elección; pero só poderás optar á bonificación do 0,20% do tipo de xuro se o contratas a través de ABANCA e o asocias á hipoteca.

(2) Seguro do fogar do inmoble hipotecado cun capital de 150.000€ de continente e 12.000€ de contido (en caso de sinistro a indemnización corresponderá ao valor real do ben).

(3) Contratación dun seguro de vida comercializado a través de ABANCA, (sendo a idade máxima de contratación de 65 anos e 6 meses para a modalidade de prima anual e estando limitada a contratación da modalidade de prima única a que o prestatario non supere ao termo da mesma os 70 anos, establecéndose para ambas modalidades a idade máxima de renovación nos 69 anos e 6 meses) asociado ao préstamo (bonificación do 0,30%) que cubra o 100% do saldo pendente. Os prazos de contratación para o seguro de vida asociado á hipoteca poderán ser: (i) renovación anual, ou (ii) prima única a 6, 8 ou 10 anos. A efectos informativos, simúlase un seguro de vida de prima única 10 anos e renovación anual, para un prestatario de 30 anos de idade, e que permanece constante durante toda a vida da operación; dado que é complexo determinar o custo do seguro en cada renovación, xa que este poderá variar en función de múltiples circunstancias (idade, capital pendente do préstamo, impostos aplicables, estado de saúde do prestatario, etc…). O custo desta prima única, calculado para un capital de 150.000 €, variará segundo a duración total da hipoteca, sendo de 2.823,26 € (prazo hipoteca 15 anos), 3.157,48 € (prazo hipoteca 20 anos), 3.355,12 € (prazo hipoteca 25 anos), e de 3.484,54 € (prazo hipoteca 30 anos), e o custo da prima de renovación anual estimada será de 350,66€

(4) Contratación dun seguro de protección de pagos asociado á hipoteca que cubra o 100% do saldo pendente (idade máxima de contratación 64 anos e 6 meses e idade máxima de renovación 66 anos e 6 meses), os prazos de contratación poderán ser: renovación anual, ou prima única os 5 primeiros anos e a partir do ano 6 renovación anual ata o vencemento da operación. No noso exemplo representativo, e a efectos informativos, simúlase un seguro de protección de pagos con prima única durante os 5 primeiros anos de 3.260,72€ e a partir do ano 6 con renovación anual cunha prima de 720€.

(5) A redución do tipo de xuro por domiciliación de nómina, aplicarase tamén a calquera ingreso recorrente, sempre que se respecten os importes mínimos esixidos.

(6) Contratación e mantemento dun sistema de Alarma comercializado a través da ENTIDADE e cuxo prestador de servizos sexa Sector Alarm, sempre que as cotas a pagar por dito servizo estean domiciliadas (e non sexan devoltas) nalgunha conta aberta na ENTIDADE a nome dalgún dos prestatarios.

Se o prestatario non puidese contratar os seguros indicados ou, durante a vixencia do préstamo superase os límites de idade indicados, poderá acadar a máxima bonificación mediante a contratación de produtos alternativos anteriormente indicados, que compensen a redución do tipo de xuro non aplicada polos seguros. A TAE verase modificada respecto á simulada, xa que non se terán en conta os custos das primas dos seguros non contratados nin a bonificación aplicable a ditos seguros, senón os custos e bonificacións correspondentes aos produtos substitutivos elixidos.

O Prestatario deberá manter aberta en ABANCA, ata a cancelación do préstamo, unha conta asociada ao mesmo na que se aboará o importe prestado e se cargarán os pagos aos que veña obrigado, derivados do dito contrato.

Para obter a bonificación indicada, os seguros deben ser comercializados necesariamente polo mediador: ABANCA Mediación, Operador de Banca-Seguros Vinculado, S.L., (NIF B70049630, Avenida da Mariña 1, 4ª planta, A Coruña). Inscrita no Rexistro Mercantil da Coruña (tomo 3321, folio 64, inscrición 29ª, folla C-38698) e no rexistro da Dirección Xeral de Seguros e Fondos de Pensións (OV-0044). Cumpre coa normativa de seguros e dispón de seguro de responsabilidade civil. Entidades aseguradoras dispoñibles no apartado de Seguros de abanca.com.

Non se incluíron no cálculo da TAE os seguintes custos a cargo de ABANCA:

(i) formalización da escritura de préstamo hipotecario en Notaría,

(ii) inscrición da escritura de préstamo hipotecario no Rexistro da Propiedade,

(iii) os de xestoría relativos á formalización en Notaría e inscrición do préstamo hipotecario no Rexistro da Propiedade correspondente,

(iv) o pago do IAJD; así como os gastos de xestoría derivados do pago do mencionado imposto ante a oficina liquidadora correspondente, cando dito gasto deba ser asumido en base á normativa.

Todo o anterior non implica que ABANCA teña que concederche a hipoteca fixa. A oferta personalizada que che fagamos finalmente poderá diferir se as condicións da túa hipoteca cambian, ou se dispoñemos de información complementaria sobre as túas preferencias ou as túas condicións financeiras.

Ten en conta, por favor, que as condicións deste produto só son válidas para novas formalizacións, para persoas físicas con ingresos e patrimonios en euros, dólares USA, francos suízos, libras esterlinas, pesos mexicanos, coroas suecas, coroas norueguesas ou coroas dinamarquesas declarados no momento do estudo do préstamo. Ademais, o importe destes ingresos para un único titular debe ser superior a 2.300€ mensuais (ou a conversión á divisa correspondente) e se son dous titulares, o importe mínimo de 3.500€ mensuais (ou a conversión á divisa correspondente); sempre que a contratación sexa a través desta web. Se o que estás buscando é unha subrogación ou unha novación, ven vernos a unha das nosas oficinas e estudaremos xuntos o teu caso.