Accións, bolsa e mercados

Cada día un extenso equipo humano e técnico traballa para manter a nosa oferta na vangarda da xestión en bolsa. Economistas, xuristas, matemáticos e outros expertos traballan coa misión de ofrecer os produtos e as ferramentas que necesitas para mellorar a túa situación patrimonial, e para que o poidas facer de forma cómoda, eficaz e rigorosa.

Tanto se é a primeira vez que vas operar en Bolsa e intentar obter rendibilidade do teu diñeiro coma se xa coñeces o funcionamento dos mercados de valores, en ABANCA ofrecémosche unha ampla gama de produtos e servizos que se adaptarán ás túas necesidades.

Se sabes do que falamos, consulta directamente o noso bróker online. Se estás a empezar, antes de facelo debes ter en conta que investir nos mercados implica un risco. Se a evolución dos mercados de valores non é a esperada, o seu valor pode ter unha evolución negativa e poderías ter que asumir perdas.

Todos os nosos clientes teñen ao seu dispor un bróker online para operar na bolsa de forma fácil e eficaz. Trátase dunha plataforma web con todo o que necesitas para seguir a evolución da bolsa nacional e internacional, abrir unha conta de valores, mercar e vender accións… Ademais, permite agrupar todas as operacións nunha Conta Valores con tarifas moi competitivas para as túas transaccións

Para empezar a utilizar o noso bróker online:

• se xa es cliente de ABANCA,só necesitas as claves da banca a distancia para darte de alta, se aínda non as tes podes solicitalas e enviarémoschas rapidamente.
• se aínda non es cliente de ABANCA, faite cliente agora completamente online ou visita unha das nosas oficinas e abre unha Conta Valores.
• se o que buscas é un asesoramento totalmente personalizado, visita unha das nosas oficinas e os nosos xestores especializados farán unha proposta de inversión segundo as túas preferencias, obxetivos e situación económica.

Para investir na bolsa o primeiro que necesitas é unha Conta valores desde a que administrarás a túa carteira de accións. Terás todos os movementos con valores, agrupados e ordenados para que os consultes cando queiras.

A Conta Valores está asociada a unha conta corrente, na que cargaremos o importe das túas ordes de compra, as comisións relacionadas coas operacións e custodia dos valores que deposites etc. Tamén será aí onde se ingresará o diñeiro procedente da venda de accións e dereitos, ou o cobramento de dividendos.

Se aínda non tes unha Conta de Valores, podes contratala desde o bróker online co usuario e o contrasinal da túa banca a distancia.

Se realizas as túas operacións a través do bróker online desde a túa banca electrónica ou app, terás unha tarifa plana por operación, en función do volume da compravenda e do mercado no que queiras operar. Se queres, contámosche a información sobre as nosas tarifas.

Lembra que, coma en calquera operación bolsista, deberás aboar as taxas e mais os canons da bolsa, que son comúns para todas as entidades, ademais activa o servizo gratuíto de e-correspondencia e evitarás os gastos de correo.

Ten en conta que todo o que che contamos aquí ten fins exclusivamente informativos, e non constitúe ningunha recomendación nin oferta personalizada.

ABANCA Corporación Bancaria S.A. (ABANCA), entidade supervisada pola Comisión Nacional do Mercado de Valores, advirte que toda a información publicada nesta sección foi elaborada por ABANCA tomando como fonte para determinados contidos a terceiros, e elaborouse sen tomar en conta a información persoal e específica do usuario, polo que en ningún caso representa opinión, estimación, predición, recomendación ou asesoramento en materia de investimento por parte de ABANCA nin de terceiros.

A información proporciónase exclusivamente a efectos informativos e publicitarios sen que poida estimarse como elemento determinante para a toma de decisións por parte do usuario, xa que non constitúe un indicador fiable de resultados futuros. ABANCA non responderá polas perdas, directas ou indirectas, ocasionadas polo uso da información aquí exposta, pola súa inexactitude, integridade, veracidade e/ou corrección.

Queda completamente prohibida a reprodución ou distribución da información aquí contida por calquera medio sen a previa autorización de ABANCA. A adquisición de instrumentos financeiros conleva riscos de diversa tipoloxía que deben ser asumidos polo investidor. A natureza e alcance do risco dependerá do tipo de instrumento.

A modo de resumo, os principais riscos que debe asumir un investidor son os seguintes: de prezo, de tipo de cambio, de cambio de divisas, de crédito, de interese e de falta de liquidez. Outros riscos atenden a moi diversas orixes e circunstancias: contornas políticas, económicos e sociais en xeral.