Sustentabilidade en ABANCA

• Impulsamos a transición sostible ofrecendo préstamos enfocados no fomento das enerxías renovables, a mobilidade híbrida ou eléctrica, e reformas de eficiencia enerxética para fogares e empresas. No ámbito das empresas, contamos con unidades especializadas ABANCA Mar, Agro e Energy, dirixidas á atención de clientes que operan ao longo da cadea de valor destes sectores, permitindo unha xestión integral das necesidades de financiamento e investimento, tamén no ámbito sostible.
• Na área de investimento, ABANCA conta cun modelo que integra factores ESG como unha variable no proceso de toma de decisións. Os fondos ABANCA e estratexias de GDC integran os riscos ESG seguindo os criterios da nosa política de investimento responsable. En 2020, ABANCA foi o primeiro banco español en adherirse aos Principios de Investimento Responsable.

Medimos, xestionamos e implementamos medidas para reducir a nosa propia pegada a través de accións para consumir enerxía dun modo eficiente, mecanismos de xestión ambiental e redución do consumo de recursos.

Contamos co selo de Calculo, Reduzo e Compenso da Oficina Española de Cambio Climático e co Selo Residuo Cero de AENOR. Para as emisións de CO2 que non podemos reducir, realizamos unha compensación a través de créditos de absorción. Apoiamo a plantación de especies autóctonas en áreas forestais degradadas que necesitan ser restauradas.

Promovemos boas prácticas entre os nosos clientes, como a recollida e reciclaxe das súas tarxetas financeiras caducadas ou que as tarxetas estean producidas con materiais reciclados.

O modelo de xestión do equipo baséase en garantir o benestar do persoal, atraer e reter o mellor talento, así como fomentar o seu desenvolvemento integral, e o respecto pola igualdade e diversidade

Recoñecementos como o selo 'Top Employer' confirman a ABANCA como unha organización que ofrece oportunidades de desenvolvemento, fomenta unha contorna de traballo positiva e dá prioridade ao benestar.

A través de Afundación, a Obra Social de ABANCA, apoia e impulsa a transformación dixital, a sustentabilidade e a implicación social, eixes transversais nas súas catro áreas clave: educación, cultura, maiores e voluntariado.

Conta con programas de impacto no territorio que chegan a máis de 2 millóns de beneficiarios anuais nas súas iniciativas de envellecemento activo, educación financeira, voluntariado e inclusión social, e proxectos de restauración da biodiversidade como PLANCTON.

Descubre a web de AfundaciónSerás redirixido a outro sitio web de ABANA

Manter e construír alianzas e a relación cos grupos de interese, é un elemento clave da estratexia e da cultura corporativa, que nos permite achegar solucións, accións e foros que procuren un desenvolvemento sostible e contribúan ao progreso.

Adheridos desde os inicios ao Pacto Mundial das Nacións Unidas, sifnatarios fundadores dos Principios de Banca Responsable e comprometidos coa Carta da Diversidade, impulsando activamente a protección da biodiversidade e o desenvolvemento social.

O noso desempeño en sustentabilidade é avaliado polas axencias internacionais de ratings ESG, como Sustainalytics, que mantén a ABANCA como a 1ª entidade bancaria española e TOP 15 entre máis de 1000 entidades analizadas de todo o mundo.

Tamén contamos con diversos certificados en ámbitos como a xestión ambiental, de persoas e talento ou o goberno corporativo, onde intentamos promover as mellores prácticas, fomentando a implicación de todo o persoal.