Tarxeta
ABANCA Persoal

Es un cliente especial. Agora tamén cunha tarxeta especial, que é de crédito e de débito ao mesmo tempo. Para manexares o diñeiro do xeito máis flexible. E que te identifica en calquera punto da rede ABANCA como o cliente especial que es.

Se xa es cliente de ABANCA Persoal saberás que nos gusta ofrecerche os servizos que máis se axustan a ti. Por iso presentámosche a tarxeta ABANCA Personal, deseñada pensando nas túas necesidades.

Unha tarxeta de crédito que che permitirá tamén retirar diñeiro a débito nos caixeiros, e que che dará atención prioritaria en oficinas ou que che ofrecerá un horario único para ti. A nova tarxeta ABANCA Persoal é a chave de acceso aos produtos e servizos máis exclusivos. E coas mellores condicións dunha tarxeta, como non pagar comisións de troco de divisa cando a empregues no estranxeiro. Outra forma máis de demostrarche que, por riba de todo, importas ti.

A tarxeta máis flexible para pagares

A tarxeta ABANCA Persoal ofréche diferentes opcións de pagamento para que poidas financiar os gastos, sen trámites e de xeito sinxelo. Decide, compra a compra, como queres pagar: a final de mes, ou a prazos ata en 12 meses, ou pagando unha cota fixa mes a mes. E non necesitarás máis cá túa tarxeta ABANCA Persoal e o móbil. Sen explicacións nin papeis. Ao teu ritmo e con total comodidade.

Paga a fin de mes

Todas as compras que realizases con esta tarxeta cargaranse na túa conta a final de mes, por defecto. Así poderás, por exemplo, adaptar máis comodamente os cargos da tarxeta aos teus ingresos.

Pago a prazos

Para que gastos puntuais non che descontrolen un mes, podes dividir os pagos a 3, 6, 9, 10 ou 12 meses, desde a túa app de banca móbil e sen dar explicacións.

Ou pagando cada mes unha cota constante (modalidade revolving)

A tarxeta ABANCA Persoal tamén che permite financiar as túas operacións nunha modalidade revolving coñecida como cota fixa. Podes elixir unha cota para pagar cada mes pero, canto máis gastes, máis tardarás en devolver o diñeiro, teno en conta!

Lembra que podes variar a cota en calquera momento e todas as veces que queiras, a través do teu móbil, banca electrónica ou chamando ao al 981 910 522.

Como funciona o aprazamento

Non pode ser máis fácil aprazar as túas compras: podes facelo cando queiras e onde queiras. Cando compres algo coa túa tarxeta ABANCA Persoal, xa sexa unha compra física ou na internet, por defecto pasaránseche as cobranzas a final de mes. Cando queiras modificar a forma de pago de calquera compra, podes facelo a través da túa banca electrónica ou banca móbil. Terás que facelo desde o menú 'Tarxetas' e alí seleccionar a nova forma de pago que queiras aplicar. E podes facer este aprazamento desde o momento no que se rexistre a compra ata a data de liquidación da tarxeta.

E por se fose pouca toda a flexibilidade que xa che dá a tarxeta ABANCA Persoal, se nalgún momento non queres seguir pagando xuros das operacións que aprazases coa modalidade de pago en cota fixa, podes amortizar a túa débeda cando queiras.

A débito ou a crédito

A tarxeta ABANCA Persoal tamén che fará a vida máis sinxela nos caixeiros automáticos. Ti elixes como prefires retirar efectivo do caixeiro, con só apertares un botón.

Sempre que vaias retirar cartos con esta tarxeta, poderás elixir a forma de pagamento que máis che interese: se queres que se realice a débito ou se prefires que cha carguemos a final de mes. E decidiralo operación a operación, segundo che preste. Só tes que apertar o botón correspondente. Nada máis doado.

Se seleccionaches a débito, non che aparecerá no extracto da tarxeta ABANCA Persoal, senón no da conta que teñas asociada a ela. Se escolles a opción a crédito, a operación realizarala con pagamento a fin de mes. Lembra que tamén poderás realizar o aprazamento desa operación con pagamento a prazos, ou con pagamento a prazos de cota fixa, como desexes.

Cando retires diñeiro fóra de España, se o caixeiro non che permitise escoller entre débito ou crédito, consideraremos que é unha operación a débito.

Atención prioritaria en oficinas

E se levas a tarxeta ABANCA Persoal abrirémosche as nosas mellores portas. Atenderémoste nas nosas oficinas sen que teñas que facer colas nin esperas. E se o desexas, atenderémoste nun horario especial. Só para ti.

Perfecta para viaxares

Esta é unha tarxeta que se adapta ao teu ritmo de vida, que é perfecta para as túas viaxes persoais ou profesionais e que che cobre as costas esteas onde esteas, coa máis ampla cobertura de seguros.

Descontos en combustible e outras vantaxes

  • Desconto en gasolineiras. Se pagas coa tarxeta ABANCA Persoal terás o 5% de desconto nas túas compras nas gasolineiras Galp Enerxía adheridas, tanto en combustible para o vehículo como en todos os produtos das súas tendas, cun límite mensual de facturación de 600 €. E ademais, nas demais gasolineiras farémosche un 2% de desconto se ese mesmo período de liquidación realizas outros 5 pagamentos coa túa tarxeta ABANCA Persoal, en calquera establecemento, con tal de que non sexan gasolineiras ou pagamentos de autoestradas.

  • Privilexios EURO 6000. Coa túa tarxeta ABANCA Persoal tamén te beneficiarás do programa de descontos Privilexios EURO 6000, con bonificacións en hoteis, viaxes e outros establecementos. Só por utilizares a tarxeta! Podes consultar todos os locais adheridos á campaña na web de Privilexios EURO 6000.

Sen comisión de cambio de divisa!

As vantaxes da túa tarxeta mantéñense aquí e esteas onde esteas. Co túa tarxeta Visa ABANCA Persoal poderás realizar as túas compras e retiradas de efectivo no estranxeiro sen pagar comisións por cambio de divisa e ao tipo de cambio oficial que aplica Visa, nin un céntimo máis.

Seguros gratuítos

Ao posuír a tarxeta ABANCA Persoal dispós de coberturas vencelladas a ela, de xeito totalmente gratuíto e automático. Por exemplo:

  • Un seguro por roubo ou atraco en caixeiro e tamén por uso fraudulento da tarxeta, en caso de que a extraviases ou de que cha roubasen.
  • Un seguro de accidentes en transporte público, cando o billete o mercases coa tarxeta ABANCA Persoal. A cobertura chega ata 500.000 euros.
  • Un seguro de asistencia en viaxes, de novo cando o billete o mercases coa tarxeta ABANCA Persoal. Este seguro cobre retrasos de viaxe ou equipaxe, cancelación por folga, etcétera.
  • Un seguro con coberturas para o teu vehículo de alugueiro, algo que só che ofrece esta tarxeta (ata 5 asentos).
  • Un seguro de roubo de compras: se che sustraen algo que pagases coa tarxeta ABANCA Persoal e non pasasen máis de 90 días desde o momento da compra, devolverémosche o importe.
  • Un seguro de danos: se por accidente o produto que compraches recentemente (90 días) coa tarxeta ABANCA Persoal sofre algún dano, tamén che devolveremos o importe.

Se queres, podes ampliar a información sobre as coberturas do seguro por roubo ou uso fraudulento ou sobre as coberturas do seguro de accidentes e asistencia en viaxe.

banner-tarjeta

"Me importas tú"

Es un cliente diferente e mereces unha banca diferente. ABANCA Persoal é un servizo feito por e para ti, con produtos e servizos exclusivos porque, por riba de todo, importas ti. Descubre todas as vantaxes que agardan por ti, ademais da túa tarxeta ABANCA Persoal.

1% menos nas compras

Ademais de todas as vantaxes e flexibilidades que che ofrece a túa tarxeta Persoal, aforrarás directamente un 1% en todas as compras que fagas durante os primeiros seis meses.

Coa túa tarxeta ABANCA Persoal ademais de ofrecerche unhas tarifas moi competitivas de financiamento respecto do que ofrece actualmente o mercado, devolverémosche o 1% de todas as compras que realices tanto en comercios físicos como en tendas online, durante os seis primeiros meses desde a activación. Non se incluirán nesta promoción as compras que realices en gasolineiras.

O límite máximo para esta promoción é 10 € ao mes por persoa acreditada, o que inclúe a tarxeta principal e as tarxetas asociadas, se as tes. O abono correspondente realizarémoschas no crédito da tarxeta e producirase no mesmo período de liquidación que as operacións que xeren a devolución.

Sen comisión de emisión nin mantemento

Benefíciate de todas as vantaxes dunha tarxeta exclusiva libre de comisiones durante, polo menos, os dous primeiros anos.

A tarxeta ABANCA Persoal é gratis, sen comisión de emisión nin mantemento, os dous primeiros anos. A partir do terceiro, se fas compras con esta tarxeta por un importe superior a 3000 € ao ano. Se non chegases a este limiar, a comisión da tarxeta sería de 75 € ao ano.

Sempre estarás informado. Contarémosche de todos os movementos da tarxeta cun extracto máis claro, con información detallada de canto pagaches, do que che queda por pagar e, se optaches por unha opción de financiamento, de que xuros estás abonando. Só necesitas ter a e-correspondencia activada.

Ao instante. Para axudarte a controlar os gastos e aumentar a seguridade das túas tarxetas, dispomos dun servizo de alertas que che enviará notificacións cando retires diñeiro ou realices compras por riba do importe que ti decidas. Ademais, sempre que queiras e para a túa seguridade, poderás apagar ou acender a tarxeta a través da banca móbil.

E se queres saber máis sobre esta tarxeta, podes consultar toda a información baixo os estándares da Unión Europea (INE).

Introduce o teu número e chamarémoste de contado.
O noso horario de atención é de luns a venres, de 8 da mañá a 10 do serán.