En ABANCA sabemos que non hai dous clientes iguais. Por iso queremos ofrecerche dous dos máis prestixiosos seguros de saúde do mundo, para que poidas elixir a opción que mellor se adapta ás túas necesidades e ás da túa familia. Con Caser e Sanitas podemos ofrecerche as mellores coberturas e o cadro médico máis completo. E ademais, se queres podes contratar un seguro de reembolso de gastos, para que vaias a calquera especialista que non se atope no cadro médico. Porque queremos ofrecerche o mellor.

A cobertura do Seguro Saúde de ABANCA inclúe sempre os beneficios que máis valor lle achegan á túa tranquilidade: cos nosos especialistas seleccionados terás por suposto cuberta a medicina primaria, pero tamén o servizo de urxencias e as consultas dos mellores especialistas (xinecoloxía, pediatría, cardioloxía, etc.) E con liña médica 24H de atención pediátrica!

Os seguros de Saúde de ABANCA permítenche elixir a opción que máis se adapta ás túas necesidades e ás dos que máis queres, entre tres modalidades distintas:

• O servizo Sanitas Máis Saúde é un seguro de cadro médico que cobre hospitalización, probas de diagnóstico, tratamentos prolongados e por suposto atención primaria, urxencias e consultas cos especialistas. E mesmo gastos médicos nos Estados Unidos até os 30.000 euros.

• O seguro Caser Integral é un seguro de cadro médico que cobre hospitalización, probas de diagnóstico, tratamentos prolongados e por suposto atención primaria, urxencias e consultas cos especialistas, e que ademais engade gastos ópticos e dentista.

• Ou a cobertura Caser Prestixio é un seguro co que ademais de acudires aos especialistas e ás clínicas concertadas podes ir a un médico en calquera parte do mundo e despois solicitar o reembolso do 80-90 % dos gastos en que incorreses.

Con estes seguros terás estas e moitas máis posibilidades, que podes consultar na táboa de coberturas con máis detalle. Escolle o seguro que máis se axusta ás túas necesidades.

Dependendo da modalidade que escollas,Sanitas Máis Saúde, Caser Integral ou Caser Prestixio, algúns dos servizos poderán ter un pequeno copagamento. O copagamento quere dicir que, aínda que o seguro che cobre a asistencia, cada un dos servizos pode ter un pequeno custo.

Así, por exemplo, mentres que Caser Prestixio só reserva o copagamento para as consultas de psicoloxía, Caser Integral inclúeo para todos os servizos e Sanitas Máis Salud unicamente o contempla a partir do sétimo servizo.

• Sanitas Máis Saúde ten un sistema progresivo, de xeito que os 6 primeros servizos ao ano son totalmente gratis para os servizos xerais. A partir de aí establécese un copagamento de 4 € por cada servizo a partir do 7º, de 7 € por cada servizo a partir do 11º, e 10 € por cada servizo a partir do 16º. Ademais, os servizos de alta frecuencia, como osixenoterapia, preparación ao parto ou fisioterapia, teñen un prezo de copagamento de 12 € por un grupo de sesións, e o número destas variará dependendo do tipo de servizo: 10 sesións de fisioterapia, 15 de ventiloterapia, etcétera. Por outra parte, os servizos dentais terán un copagamento fixo de 3 € en todos os servizos.

• Caser Integral ten un sistema de copagamento variable en función do tipo de servizo. As consultas de especialistas e servizos xerais teñen un copagamento de 3 € cada unha, pero os servizos de enfermería (ATS) ou podoloxía só 1 €, as consultas de pediatría en atención primaria 1,5 €, a rehabilitación e a fisioterapia 2 € por sesión, os diagnósticos onde se utilice alta tecnoloxía 6 €, e as urxencias e as consultas psicolóxicas, 8 € cada unha

• Caser Prestixio só recolle copagamento nas consultas psicolóxicas de 8 € cada sesión, que se ven reducidos a 2,5 € por sesión se o paciente é un neno.