Agrosolucións

Xa podes solicitar os préstamos con aval do Estado (garantía instrumentada polo ICO) dispoñibles para autónomos, pemes e empresas. Préstamos ata 5 anos para axudarte a cubrir as túas necesidades de liquidez.

Esta liña de financiamento do IGAPE está dirixida a empresas que desenvolvan a súa actividade económica en Galicia e que cumpran unha serie de condicións.

• O IGAPE asume o 100% dos xuros
• Ata catro anos cun ano de carencia para financiar o circulante
• Ata o 65% do principal para pagar outras débedas bancarias
• 100% garantía por SGR

Sabemos que o teu tempo é moi valioso e por iso nos encargamos da tramitación da túa PAC e, ademais, ofrecémosche a posibilidade de adiantar ata o 90% do cobramento das axudas da PAC para que poidas dispoñer do importe desde o primeiro día, ou cando máis o necesites. Coa nosa experiencia podémoste axudar na tramitación cunha xestión áxil, cómoda e totalmente gratuíta desde a nosa amplia rede de oficinas no rural.

Axudámoste a mellorar a estabilidade do financiamento do circulante que lle cómpre á tesouraría da túa explotación. Disporás dun aliado tan flexible coma sólido para financiar do xeito máis eficaz as túas necesidades de liquidez, a un prazo de 5 anos e con condicións moi vantaxosas a tipo variable.

Facemos que as túas relacións coa Admnistración sexan moito máis sinxelas e cómodas. Anticipámosche as subvencións concedidas, a devolución dos impostos e financiamos as túas obrigas tributarias. Facemos valer a nosa experiencia no sector para facerche a vida máis cómoda.

Para que o cobramento das túas letras, notas promisorias, recibos ou facturas non che supoña un problema, facilitámosche que anticipes o seu cobramento cunhas condicións moi competitivas.

Se estás pensando en cambiar, ampliar ou modernizar as túas instalacións, nós axudámoste. Podemos financiar os teus proxectos de investimento a través de distintos convenios oficiais (liñas ICO, SGR e SAECA), cuns xuros variables e ata en 12 anos, con posibilidade de carencia. Elixe a forma que máis se che axeite: préstamo ou leasing.

Esta é unha solución perfecta para optimizar o teu tempo e recursos no pagamento a provedores, con procesos máis simples e menos carga administrativa. Coas nosas solucións poderás organizar e xestionar os teus pagamentos e a posibilidade de diminuír os custos de aprovisionamento coa opción de pronto pago. E ata podemos encargarnos de atenderche as chamadas.

En ABANCA garantímosche a seguridade, fiabilidade e financiamento dos teus pagamentos aos provedores, aquí e no estranxeiro. Para iso acompañámoste nas operacións de importación e exportación cun servizo integral de calidade: crédito, afianzamento e xestión dos cobramentos e pagamentos.

ABANCA pon ao teu dispor unha ampla rede internacional, unha plataforma informática de vangarda e sobre todo o asesoramento personalizado dun equipo de xestión próximo. Temos unha grande experiencia en exportar produtos do agro.

Comercializamos todas as liñas de Agroseguro, ademais dispoñemos dunha liña de financiamento para seguros agrarios que permite fraccionar o pagamento das primas ata en doce mensualidades:

• Retirada de animais mortos.
• Seguros pecuarios especializados en vacún (que cobre a perda do animal, cesáreas, o baleiro sanitario por saneamento, etc.) apicultura, aviario, equino, porcino, ovino e caprino.
• Seguro forestal.
• Seguro agrícola para viñas, produtos da horta, froita e forraxes, cereal, que pode cubrir, ademais das coberturas habituais, se o desexas o dano producido por xabarís, toupas ou outros animais nas colleitas.

O noso seguro de tractores e maquinaria agrícola cobre a póliza obrigatoria de circulación, pero ademais ofréceche a contratación de coberturas adicionais segundo as túas necesidades: como responsabilidade civil de traballos en bens propios ou alleos, accidente do condutor, asistencia médica, incendio, roubo, perda total…