ABANCA ten dous seguros de fogar preparados para ti, con compañía Caser. Ambos son moi exhaustivos e poden cubrirche moito máis do que imaxinas. Podes escoller entre dous seguros:

• modalidade estándar: o Fogar Total de Caser cubre todo o que poidas necesitar,
• modalidade top: Fogar Premier de Caser extende a protección para garantir aínda máis os teus bens e a túa vivenda.

E por suposto tamén cobren o fundamental. Protéxente en caso de lume, en caso de explosión, se algún vehículo bate contra a túa vivenda, se a vivenda deixa de ser habitable ou se, polos danos que fosen, os teus inquilinos non puidesen seguir a vivir nela e ti perdeses as rendas. Tamén, como non podía ser doutro xeito, todos os riscos extraordinarios que cobre o Consorcio de Compensación de Seguros.

Estes dous seguros que seleccionamos para ti teñen moitas similitudes, pero tamén algunhas diferenzas que poden axudarche a decidir cal é o seguro que máis che convén. Explicámoschas.

Os Seguros Fogar de ABANCA cubren o 100% do contido asegurado (do que está no interior da vivenda) e danos ao continente (é dicir, á propia vivenda) por roubos e expoliación. En caso de furto (cando che rouban sen que haxa violencia nin intimidación) tamén te cubrimos ao 100%, cando xeralmente se cubre por moito menos. Tamén inclúen o contido en xoias e obxectos de valor especial, sen necesidade de que realices unha declaración expresa, até o valor que se sinale na póliza.

Os seguros do hogar de ABANCA cóbrenche moito máis do que poderías imaxinar. Por suposto, cúbrenche a responsabilidade civil na que incorres se os bens da túa propiedade lle causan danos a terceiros. Por exemplo, se accidentalmente lle cae un testo a alguén dende a túa fiestra. O capital asegurado é de 300.000 €.

Tamén che cobren todo tipo de roturas de vidros, incluíndo mesados de granito e pedra na cociña, e louza dos cuartos de baño da casa. Ademais cubrímosche outros danos estéticos da túa vivenda cunha contía que depende do seguro que contrates. E se o teu inquilino provoca danos que se lle poidan atribuír a vandalismo, cubrímosche ata 6.000 €, con unha franquía de 600 € a cargo do asegurado.

Se ti ou alguén da túa familia sofre un accidente na casa ou nas proximidades da túa vivenda (ata 250 metros do fogar) estes seguros cóbrenche un capital asegurado se, por desgraza, o resultado deste accidente é o falecemento ou a invalidez. E se sofres un atraco fóra do fogar, cubrímosche ata 150 € en efectivo e ata 1.500 € en bens.

En todos os nosos Seguros Fogar poderás aproveitar o servizo técnico oficial dos teus electrodomésticos (agás quentadores), e servizos e reparacións de mantemento sen custos de desprazamento. Para emerxencias de electricista, fontanaría e cerrallaría, 3 horas de man de obra e desprazamento gratis, e ademais de servizos de bricolaxe para montaxe de mobles, lámpadas, etcétera, proporcionan dous servizos por anualidade de 3 horas, ampliable a 5.

Recibirás asistencia informática en remoto ou telefónica, tamén asistencia en viaxe cando esta teña unha duración de 90 días como máximo.

E se se che estropea a neveira ou quedas sen luz, e se dana o que gardabas no frigorífico ou no arcón conxelador, tamén recibirás unha compensación que variará en función do Seguro Fogar ABANCA que contrates.

Asegúrate de que recibes o valor do ben perdido. Se valoraches ben as túas propiedades, á hora de indemnizarte valorarémolos como se estivesen recén mercados, sen ter en conta a súa antigüidade.

No caso de asegurares un valor inferior ao real (por non ter en conta todos os bens ou para que che saia a prima máis barata), aínda que non aplican a regra proporcional, pagarán os bens a valor real e non a valor novo, é dicir, tendo en conta a deprezación dos bens.

Determina correctamente o valor dos teus bens e así sempre recibirás a indemnización correcta, sen sobresaltos.