Zure segurtasunari buruzko informazio guztia

• Mugikorrean app bat deskargatu behar duzunean, egin ezazu iOS eta Android aplikazioen dendetan. Egiaztatu, gainera, deskarga asko eta balorazio onak dituela; horrela, zure datuak lapurtu ditzaketen birusak dituzten aplikazioak deskargatzea saihestuko duzu.

• Ez zara fidatzen jaso duzun mezu elektronikoaz? Bada, ez erantzun. Guk ez dizkizugu sekula eskatuko zure banku elektronikoko edo posta elektronikoko txartelen gakoak. Beraz, eskaera hori jaso baduzu, ez gara gu!

• Zure gakoak zureak baino ez dira. Ez inori esan! Eta zalantzarik baduzu edo norbaitek ezagut ditzakeela uste baduzu, alda itzazu berehala.

• Online erosketa bat baliozkotu behar duzunean, irakurri arretaz SMSa, erabilera bakarreko kodea bidaliko dizugu, eta egiaztatu saltzaileari eta zenbatekoari buruzko datuak zuzenak direla.

• Ez sartu sekula zure banku elektronikoan esteketatik, ezta bilatzaileetako iragarkietatik ere. Idatzi ABANCAren web helbidea zuzenean zure nabigatzailearen barran.

• Gure webgunean sartzen zarenean, egiaztatu gure segurtasun-adierazlea agertzen dela, giltzarrapo batez ordezkatuta. Zure nabigazio-barran aurkituko duzu.

• Egin beharreko eragiketak egiten dituzunean, itxi saioa. Saioa ixten ez baduzu, ordenagailu bera erabiltzen duen beste pertsona batek zure banka elektronikora sartu ahal izango du zure gakoak erabiliz. Hala ere, banka elektronikako zure saioa automatikoki deskonektatuko da detektatzen badu minutu batzuetan jada ez duzula mugimendurik egiten.

• Berriro diogu: ziberdelitugileak mezularitza-zerbitzuen, online denden, administrazio publikoen eta banketxeen izenean aritzen dira! Beraz, gogoratu: inoiz ez dizkizugu zure gakoak eskatuko. Eta zalantzarik baduzu, deitu.

• Zure banka elektronikoak segurtasuna indartzeko sistema bat du, guk zu modu seguruan identifikatzeko aukera ematen diguna.

• Zure banka elektronikoan sartzeko zure IFZ eta PIN-a sartu behar dituzu, urrutiko bankua aktibatzen duzunean ematen dizuguna.

• Kredentzialak sartzerakoan hainbat huts egiten badira edo jarduerarik gabeko aldi luze bat detektatzen bada, zure banka elektronikoa blokeatuta geratuko da. Desblokeatzeko, sarbide-orrian eskuragarri duzun "ez dut sartzea lortzen" esteka erabili behar duzu edo joan zure hurbileneko bulegora PIN berri bat eskatzeko.

• Saioa irekita baduzu baina denbora luzez eragiketarik ez baduzu egiten, zure banka elektronikoko orria automatikoki deskonektatu egingo da. Erabiltzen jarraitzeko, berriro identifikatu egin beharko zara.

• Manten ezazu zure ordenagailua birusik gabe eta saihestu seguruake ez diren orrialdeetan barrena nabigatzea.

• Eguneratu zure nabigatzailea noizean behin. Eguneratuta eduki, segurtasuneko azken hobekuntzak txerta ditzan.

• Sare segurua erabili beti, eta etxeko edo laneko ordenagailuarekin aritu, hau da, zuk edo zure familiak bakarrik erabiltzen duzun sarea. Ez aritu ziberkafetegietako sareetan edo ordenagailu publikoetan.

Online iruzur baten biktima izan zarela antzematen baduzu, ohartaraz iezaguzu lehenbailehen eta jarraitu argibide hauek.

• LLehenik eta behin, deitu lehenbailehen 900 815 525 telefonora (+34 981 910 525, Espainiatik kanpo deitzen baduzu), zure kontuak blokeatu ditzagun eta inor sar ez dadin. Eguneko 24 orduetan artatuko zaitugu.
• Antibirus bat instalatuta edukiz gero, egin gailuaren analisia, aplikazio maltzurra desinstalatzen saiatzeko.
• Horrek funtzionatzen ez badu, gailuaren fabrika-balioak lehengoratu ditzakezu "doikuntzak" ataletik. Tankera honetako aplikazioak zailak izan daitezke ezabatzeko, baita antibirusaren soluzio batentzako ere.
• Zure banku-kontuetan sartzeko PIN zenbakia aldatzea gomendatzen dizugu, baita zure banku-txartelena ere.
• Gainera, gertakaria Polizia Nazionalari, Guardia Zibilari edo Zibersegurtasuneko Institutu Nazionalari (INCIBE) sala diezaiokezu.

• Giza talde eta talde tekniko onenetakoa dugu: zerbait arraroa hautematen badugu, zurekin harremanetan jarriko gara telefonoz edo posta elektronikoz, arazoaren berri emateko edo zure eragiketaren baten benetakotasuna egiaztatzeko.

• Gogoratu guk ez dizugula sekula zure gakoak eskatuko posta elektronikoz, SMS-ez edo WhatsApp-ez. Beraz, tankera honetako informazioa eskatzen badizute, ez erantzun! Norbait zu engainatu nahian ibili daiteke

• Noizbait horrelako zerbait gertatzen bazaizu, eskertuko genizuke mezu bat bidaltzea helbide honetara: tuseguridad@abanca.com beste bezero batzuei iruzur egitea sahiesteko.

Beraz, jarduera arraroren bat atzematen baduzu, eskertuko dizugu horren berri ematea:

• Zure erosketekin, txartelekin edo kontuekin zerbait gertatzen bada…

• ABANCAren antzeko webguneren bat aurkitzen baduzu, baina ez bada…

• Urrutiko bankuan sartzean, ohikoak baino gako gehiago eskatzen badizkizute…

• Zu egiten ari ez zaren sarbide edo eragiketei buruzko abisuak iristen bazaizkizu mugikorrera…

• Mezu elektroniko bat iristen bazaizu zure banka elektronikora zuzenean sartzeko estekarekin…

… ez fidatu eta jar zaitez gurekin harremanetan idatziz, telefonoz zenbaki honetan: 900 815 525 (+34 981 910 525 Espainiatik kanpo deitzen baduzu) edo gure edozein bulegotan.

• Mugimendu irregularrak detektatzeko eta iruzurrak prebenitzeko eragiketak minutuz minutu monitorizatzen ditugu.

• Alerta-sistema bat dugu, zure telefono mugikorrean abisatzen dizuna kopuru jakin bat baino handiagoko erosketak egiten dituzunean edo eragiketa batzuk baieztatzeko, besteak beste.

• Informazioa transmititzeko protokolo seguruak erabiltzen ditugu.

• Zure Internet bidezko erosketak autentifikatzen ditugu.

• Eragiketa jakin batzuk sinatzea eskatzen dugu zure mugikorrera bidalitako erabilera bakarreko gako baten bidez. Egiaztatu eragiketa bat datorrela egiten ari zarenarekin, eta sartu gakoa eragiketa egiten ari zaren gailuan.

Email edo jakinarazpen bat jasoko duzu erabakitzen duzun kopurua baino handiagoa den mugimendu bat erregistratzen den bakoitzean. Ezohiko jardueraren bat detektatzen badugu, zurekin harremanetan jarriko gara telefonoz edo posta elektronikoz, ustezko arazoaren berri emateko edo zure eragiketaren egiazkotasuna egiaztatzeko.

Gogoratu ez dizugula sekula posta elektronikoz eskatuko eragiketak sinatzeko behar diren datu konfidentzialak edo gakoak!

Gure segurtasun sistemak zure informazioa eta dirua babesten ditu, Internet bidez erosten duzunean.

Hala ere, arriskurik hartu nahi ez baduzu edo, besterik gabe, konfiantza handirik ematen ez dizun web-orrialde batean erosi nahi baduzu, txartel birtual bat sor dezakezu, zuzenean, zure mugikorrarekin. Zuk nahi duzun diru-muga esleitu eta kito! Erraza, azkarra eta doakoa da!.

Aurreordainketako txartelak ere zure eskura dituzu. Gastu-arriskua txartelaren saldora mugatzen da. Ohiko txartel bat bezala erabil dezakezu: dirua atera, dendetan ordaindu edo online erosi. Behar duzunean azkar eta eroso kargatu dezakezu.

ABANCAko app-ak zure txartelak pizteko eta iztaltzeko aukera ematen dizu. Demagun, ez duzula txartela zorroan aurkitzen, baina ez zaudela ziur extean utzi duzun edo galdu egin duzun.

Orain, txartela ezeztatu eta beste bat jaso arte itxaron beharrean, banka mugikorraren bidez itzal dezakezu. Horrela, inork ezin izango du txartela erabili.

Azkenenan etxean aurkitzen baduzu, berriz aktiba dezakezu eta erabiltzeko prest egongo da. Ezeztapenik, telefono-deirik eta zailtasunik gabe!

Ezaguna dirudigun norbaitek bidalitako mezuak; zure gakoekin geratzeko beste baten nortasuna imitatzen duten aplikazio faltsuak… Kontu handiz ibili beharra dago. Gure blogean egunean izango zaitugu segurtasunari buruzko guztiaz, eta askoz gehiago!