Zure ETEra egokitutako irtenbideak

Babes ezazu zure pabiloia edo lokala estaldura onenekin. Aukera ezazu bakarrik zure enpresak behar duena eta berma ezazu bere etorkizuna. Badakigu zure enpresa ez dela besteak bezalakoa.

Zure enpresarentzat behar dituzun zirkulatzaile-produktu guztiak (abalak, comex, deskontu komertziala, kreditu-lerroa) kontratu bakarrean. Era horretan, eskatutako mugaren % 100 guztien artean partekatuko dute. Multifinantzaketa likidezia izateko modu bizkorra eta moldakorra da.

Factoring zerbitzuarekin zure fakturen kudeaketaz eta finantzaketaz gu arduratuko gara. Administrazio-gastuak aurrezteko, kontabilitatea hobetzeko eta zure finanatza-egitura modu eraginkorragoan antolatzeko aukera izango duzu. Lor itzazu baliabide eta denbora gehiago, zure enpresa egunez-egun oparoagoa izan dadin.

Deskontu komertziala epe laburreko finantzaketa lortzeko eta zure altxortegiaz kezkatzeari uzteko biderik onena da. Ordaintzeke dauden fakturen kobrantza aurreratu ahal izango duzu, muga-egunera arte itxaron gabe. Likidezia lortuko duzu eta aurrezten duzun denbora negozioak egiteko erabili ahal izango duzu.

Galiziako ETEen nazioartekotzea bultzatzeko lan egiten dugu. Horregatik, kanpo-merkataritzako lerroak zure eskura jartzen ditugu, zure negozioaren inportazio eta esportazio-eragiketen finantzaketan laguntzeko. Aurrerapauso bat eman nahi duzu?

Irtenbide ezin hobea dugu hornitzaileen ordainketetarako erabiltzen dituzun denbora eta baliabideak optimiza ditzazun. Gure confirming soluzioen bidez, egin beharreko izapideak antolatu eta kudeatu ahal izango dituzu, baita administrazio gastuak murriztu ere. Nahi izanez gero, telefono bidezko arreta zerbitzua ere badugu, zure hornitzaileei laguntzeko.

Zure enpresaren diruzaintzak behar duen egonkortasuna, arintasuna eta errentagarritasuna hobetzen lagunduko dizugu. ABANCAren kreditu-lerro moldakor zein sendoei esker, zure negozioaren ohiko ordainketak finantza ditzakezu. Behar duzunean eta behar duzun zenbatekoarekin, likidezia izango duzu.

Gure banku abalen bidez, zure enpresaren betebeharrak bermatzen lagunduko dizugu: erakunde publikoen aurrean kontratuak eta diru-laguntzak lortzeko, hornitzaileen aurrean, alokairuari dagozkionak, etab.

Berdin dio premia puntual baterako edo diruzaintzari etekin maximoa ateratzeko aukera emango dizun irtenbide estruktural baterako den. Zure sektorea edozein dela ere, oso gertu izango duzun gure adituen lantaldeak behar duzun finantzaketaren inguruan aholkatuko dizu.

Zure instalazioak berritu, handitu edo bertan aldaketak egin nahi badituzu, guk lagunduko dizugu. Hainbat hitzarmen ofizialen bidez, zure inbertsio-proiektuak finatza ditzakegu. Interes aldakorrarekin eta 12 urtera arte, gabealdia eskatzeko aukerarekin. Aukeratu gehien komeni zaizuna: mailegua ala leasing-a.