Gure adituek kudeatutako inbertsioak
Utzi zure inbertsio-funtsen zorroaren kudeaketa % 100 gure profesional taldearen esku, adituak baitira merkatuetan eta inbertsioetan.
ABANCA 360 Zorroaren helburua da epe ertain eta luzera kapitala mantentzeaz gain errentagarritasuna eta jasangarritasuna lortzea. Garrantzitsua da kontuan hartzea zerbitzu honetan kontratatutako produktuak inbertsio-funtsak direla eta arriskuak dakartzatela, hau da, inbertitutako kapitalean galerak gerta daitezkeela.
Lortu % 2ko hobaria
Lortu zure ekarpenaren zenbatekoaren % 2ko hobaria. Hasierako inbertsioa (mantendu beharko duzuna) 20.000 €-koa da gutxienez, eta 60.000 €-koa gehienez, eta 30 hilabeteko iraupen-konpromisoa du. 31/12/2025!
Aukeran dauden arrisku-profilak
Kontserbatzailea
- Errenta aldakorraren % 10erainoko esposizioa.
- % 5eko edo hortik beherako VaR (arrisku-balioa) onartzen da.
- Denbora-muga: 3 urte
- Kudeaketagatiko komisioa: %0,85 (%1,03 BEZa barne)
Moderatua
- Errenta aldakorraren % 30erainoko esposizioa.
- %10eko edo hortik beherako VaR (arrisku-balioa) onartzen da.
- Denbora-muga: 3 urte
- Kudeaketagatiko komisioa: %0,95 (%1,15 BEZa barne)
Ausarta
- Errenta aldakorraren % 75erainoko esposizioa.
- %15 edo gutxiagoko VaR (arrisku-balioa) onartzen da
- Denbora-muga: 5 urte
- Kudeaketagatiko komisioa: %1 (%1,21 BEZa barne)
*VaR: Urteko arriskuaren balioa % 95eko konfiantzarekin. Arriskuak kudeatzeko neurri bat da, eta zifra horren bidez neurtzen da zenbateko galera espero daitekeen urtebetera gehienez, % 95eko konfiantzarekin.
Gainera, gogoratu zure dirua behar baduzu zerbitzua erabat edo zati batean bertan behera uzteko eskatu ahal izango duzula edozein unetan; dena den, eskaera egiten duzunetik egun batzuk itxaron behar dituzu inbertsio-funtsen diru-itzultzea jasotzeko.
Garrantzitsua da zorroaren denbora-muga kontuan hartzea; izan ere, gomendatutako muga-eguna amaitu aurretik zerbitzua bertan behera uzteko eskatzeak berekin ekar dezake inbertitutako kapitalean galera-arrisku handiagoa hartzea zure gain.
Zorroaren kostuak
Zerbitzu honen kudeaketagatiko komisioa finkoa da, zure arrisku-profilaren araberakoa, eta zorroaren balio efektiboaren gaineko urteko portzentaje gisa kalkulatzen dugu.
Hiru hilean behin kobratzen da zuzenean zure kontuan, aldi bakoitzaren amaieran zorroak duen balioaren arabera.
Gogoratu kudeaketagatiko komisio horretaz gain kontuan hartu behar dituzula zure inbertsio-funtsen berezko kostuak ere.
Alpha 360: gure inbertsio-estrategia
ABANCAren GDC zerbitzua Alpha 360 inbertsio-ereduan oinarritzen da: estrategia aurreratu eta pertsonalizatu bat, bezero bakoitzaren profilera egokitutako inbertsio-proposamenak egiteko.
Zorro dibertsifikatuak sortzen ditugu, prozesu osoan zehar ingurumen-irizpideak, gizarte-irizpideak eta gobernu korporatibo onaren irizpideak (ASG) betetzen dituztenak, eta horietako batzuk SFDRen (EU Sustainable Finance Disclosures) 8. artikuluan ageri direnen artean sartzen dira, hala nola ABANCA 360 zorroa. Kontsultatu hemen zorro horren jasangarritasunari buruzko informazioa.
Alpha 360 estrategiaren xehetasun guztiak azalduko dizkizugu
Lehenbiziko gauza zu hobeto ezagutzea da
Kontratazioa burutu aurretik, egokitasun- eta komenigarritasun-test bat egingo dizugu, eta bertan hainbat gauzari buruz galdetuko dizugu: zure ezagutzak, esperientzia, inbertsio-helburuak, finantza-egoera eta jasangarritasunari buruzko lehentasunak.
Inbertsio-funtsen ezaugarri eta arrisku nagusiei buruzko informazioa ikusteko, eskura dituzu funts bakoitzaren azalpen-liburuxka eta inbertitzailearentzako funtsezko datuen dokumentua, bai eta eska daitezkeen gainerako lege-dokumentuak ere, bulegoetan, sozietate kudeatzailean, CNMVren webgunean eta webgune honetan.
ABANCA Corporación Bancaria S.A.-k (ABANCA) ohartarazten du atal honetan argitaratutako informazio guztia ABANCAk egina dela, eduki jakin batzuetarako iturri gisa hirugarrenak hartuta, eta erabiltzailearen informazio pertsonala eta espezifikoa kontuan hartu gabe. Beraz, ez da inola ere adierazi inbertsioak egiteko ABANCAren edo hirugarrenen iritzirik, balioespenik, aurreikuspenik, gomendiorik edo aholkurik.
Berri emateko eta publizitaterako soilik eman da informazioa, eta ezin da hartu inbertitzaileak erabakiak hartzeko elementu erabakigarritzat. ABANCAk ez du erantzungo hemen azaldutako informazioaren erabileraren ondorioz sortutako galera zuzen edo zeharkakoengatik. Erabat debekatuta dago hemen dagoen informazioa ezein bide erabiliz erreproduzitzea edo banatzea, aldez aurretik ABANCAren baimenik izan gabe.
Finantza-tresnak eskuratzeak hainbat motatako arriskuak dakartza berekin, eta inbertitzaileak bere gain hartu behar ditu. Arrisku horiek galerak eragin ditzakete inbertitzaileak inbertitutako kapitalean, baita inbertitutako kapital osoa galtzea ere. Zure inbertsioa eskuratu ahal izango duzu, inbertsio-funtsetako zure partaidetzak egun gutxiren buruan itzuliko baitizkizugu, baina zure gain hartu beharko dituzu irabazi edo galera posibleak.
Arriskuaren izaera eta norainokoa tresna motaren araberakoa izango da. Laburbilduz, inbertitzaileak honako arrisku hauek hartu behar ditu bere gain: prezioarena, dibisa-trukearena, kredituarena, interesarena eta likideziarik ezarena. Beste arrisku batzuk askotariko jatorri eta inguruabarren ondoriozkoak dira: ingurune politikoak, ekonomikoak eta sozialak oro har.
Aurkitu ezazu ABANCAren banka-eredu arduratsu eta jasangarriari buruzko informazio guztia, bai eta Inbertsio Arduratsuari buruzko eta Jasangarritasun Arriskuen Integrazioari buruzko Politikarena ere
Sustapenaren baldintzak: Eskaintza hau 31/12/2025 arte da baliagarria, Zorroaren Kudeaketa Diskrezionaleko kontratu berrietara egiten diren ekarpenetarako (ABANCA 360 Zorroa), baldin eta gutxienez ere eskaintzari atxiki baino 30 egun lehenago ireki badira, eta ekarritako eskudiruaren ekarpenak ABANCAko bezeroaren kontuko posizio globala handitzen badu, eskaintzaren baldintzen arabera. Eskudirutan ordainduko da egindako ekarpenaren % 2, baldin eta hitzemandako gutxieneko sarrera-zenbatekora ('Gutxieneko zenbatekora') iristen bada. Inbertsioaren zenbatekoa gutxienez 20.000 €-koa eta gehienez 60.000 €-koa izango da, eta 30 hilabetez mantendu beharko da gutxienez.
