• ico-carteras-perfiladas-gdc

    Egokitutako zorroak

    Egokitasun-testa egingo dugu, zure arrisku profilera egokitutako zorroa eskaintzeko.

  • ico-inversion-minima-gdc

    3.00 eurotik aurrera

    Gutxieneko hasierako inbertsioa (hari eutsi beharko diozu) 3.000 eurokoa da, eta nahi duzunean ekarpenak egin ahal izango dituzu 50.000 eurora arte.

  • ico-invierte-de-forma-sencilla-gdc

    Kudeaketa diskrezionala

    Zure zorroa kudeatuko dugum, eta zure ordez inbertsio erabakiak hartuko ditugu merkatuaren arabera.

  • ico-tu-dinero-disponible-gdc

    Zure dirua erabilgarri

    Egun gutxiren buruan zure inbertsioa erabilgarri izango duzu. Inbertsio-funtsen partdaidetzak itzuliko zaizkizu, egon daitezkeen irabaziak edo galerak kontuan hartuta.

Inbertsioak funts jasangarrietan, gure adituek kudeatutakoak

Zorroen kudeaketa diskrezionaleko zerbitzuak zure inbertsio-funtsen % 100 gure profesionalen taldeari (merkatuan eta inbertsioan adituak direnak) eskuordetzeko aukera ematen dizu. Merkatuetan eta zorroetan egiten diren mugimenduak monitorizatzeko ardura izango dute, zure ondarerako erabaki egokienak hartzeko, betiere zorroen arrisku-profila aintzat hartuta. Horretarako, une bakoitzean beharrezkoak diren erosketa- eta salmenta-eragiketak egingo dituzte.

ABANCA 360 Zorroaren helburua kapitala errentagarria eta iraunkorra izatea da epe ertain eta luzera. Behar duzunean dirua erabilgarri izango duzu, ordura arte metatutako irabazi edo galerekin. Gogoratu: zerbitzu honen bidez kontratatutako produktuak inbertsio-funtsak dira, arriskuak dakartzatenak eta kapital-galerak eragin ditzaketenak. Horien itzulketa egun batzuk behar ditu eskatzen duzunetik..

Alpha 360: inbertsio-estrategia liderra

gestion-discrecional-carteras-abanca-360

ABANCAko Zorroen Kudeaketa Diskrezionaleko zerbitzuak Alpha 360 inbertsio-eredua du oinarri. Estrategia aurreratu horrek prozesu malgu, dinamiko, transbertsal eta homogeneoei jarraitzen die, bezero bakoitzaren profilera egokitutako inbertsio-proposamenak sortzeko.

Alpha 360 ereduaren bidez, zorro dibertsifikatuak sor ditzakegu, errentagarritasunaren bilaketaz harago doazen printzipioak betetzen dituztenak. Prozesu osoan, ingurumen- eta gizarte-irizpideak ez ezik gobernu korporatibo onarenak ere txertatzen dira azterketan (ASG irizpideak); horregatik, Europar Batasuneko Finantza Jasangarrien gaineko informazio-dibulgazioaren 8. artikuluan sailka daitezke.

Funtsak hautatzeko, estrategia hauei jarraitzen diegu:

  • Alpha. Gure adituek Alpha Zorroen Kudeaketa Diskrezionaleko inbertsio-ideiarik onenak hautatuko dituzte, kudeaketa aktiboko inbertsio-funtsen bidez.
  • Beta. Inbertsio pasibo adimenduna ABANCA markako funtsetan, zeinek ASG indizeari (gestio pasiboa) erantzuten baitiote. Merkatuekiko esposizioa modu efizientean eta kostu baxuekin ahalbidetzen dute.
  • ASG. Zorroaren % 75, gutxienez, ingurumen- eta gizarte-ezaugarriak sustatzen dituzten edo inbertsio jasangarria helburu duten inbertsio-funtsetara bideratuko da. Gainera, azpiko inbertsio-funtsen kudeatzaileek inbertsio arduratsuko printzipioak sinatu dituzte.

Zure ABANCA 360 Zorroaren berri izango duzu beti

Hiru hilean behin ondare-txostena bidaliko dizugu, zorroan dituzun funtsen bilakaerarekin eta xehetasunekin.

Gainera, hilero, newsletterra jasoko duzu kudeatzaileen iruzkinekin eta merkatu-ikuspegiarekin, beti jakinaren gainean egon zaitezen.

Gogoratu: gure online brokerrean zorroan dituzun funtsen posizioak kontsultatu ahal izango dituzu, banka mugikorrean edo elektronikoan. Bertan merkatuari buruzko oharrak eta inbertsioetarako garrantzitsuak diren beste albiste batzuk aurkituko dituzu.

Funtsaren azalpen liburuxkan eta inbertitzailearentzako funtsezko datuak jasotzen dituen dokumentuan ezaugarri nagusiei eta arriskuei buruzko informazioa aurkituko duzu. Informazio hori, eska daitezkeen gainerako legezko agiriekin batera, bulegoetan, Sozietate Kudeatzailean, Balore Merkatuaren Batzorde Nazionalaren (gaztelaniaz CNMV) web gunean eta web gune honetan aurkituko duzu.

Informazio gehiago

ABANCA Corporación Bancaria S.A. (ABANCA) ohartarazten du berak egin duela atal honetan argitaratutako informazio guztia. Jakinarazten du, orobat, hirugarrenak baliatu dituela iturri gisa eduki jakin batzuetarako, eta erabiltzailearen informazio pertsonala eta espezifikoa kontuan hartu gabe egin dela. Beraz, informazio horrek ez du inola ere islatzen ABANCAk edo hirugarrenek inbertsio-arloan duten iritzia, estimazioa, iragarpena, gomendioa edo aholkularitza.

Informazioa jakinarazpen- eta publizitate-ondorioetarako baino ez da ematen, eta ezin da hartu inbertitzaileek erabakiak hartzeko elementu erabakigarritzat. ABANCAk ez du izango erantzukizunik hemen azaldutako informazioaren erabilerak eragindako zuzeneko edo zeharkako galerengatik. Erabat debekatuta dago hemen jasotako informazioa edozein bidetatik erreproduzitzea edo banatzea, aldez aurretik ABANCAren baimenik izan ezean.

Finantza-tresnak eskuratzeak hainbat motatako arriskuak eragiten ditu, zeinak bere gain hartu beharko baititu inbertitzaileak. Era berean, galerak eragin ditzakete inbertitzaileak inbertitutako kapitalean, eta inbertitutako kapitala erabat galtzea ere ekar dezakete.

Arriskuaren izaera eta irismena tresna motaren araberakoa izango da. Laburbilduz, inbertitzaile batek bere gain hartu behar dituen arrisku nagusiak honako hauek dira: prezioa, dibisa-trukea, kreditua, interesa eta likidezia falta. Beste arrisku batzuk jatorri eta egoera askotakoak dira: ingurune politikoak, ekonomikoak eta sozialak, oro har.

Aurkitu ABANCAko banka arduratsu eta jasangarriaren ereduari buruzko informazio guztia, bai eta Inbertsio Arduratsuko eta Jasangarritasun Arriskuen Integrazioko Politikari buruzkoa ere.