Moratoria para afectados por mor da DINA
Contacta con nosotros para solicitar la moratoria
En que consiste a moratoria?
É unha medida aprobada polo Goberno para mitigar os efectos sociais e económicos causados pola Depresión Illada en Niveis Altos (DINA).
Consiste na suspensión das obrigas de pagamento por un prazo de 3 meses. Durante este tempo, non terás que pagar ningún tipo de xuro (nin ordinario nin de mora), nin se amortizará capital. Así mesmo, suspéndese a devindicación da comisión do aval do ICO por parte dos acredores aos debedores que soliciten esta medida durante este período para os préstamos cun aval liberado polo ICO dos mencionados no Real decreto lei.
Transcorridos eses 3 meses, reactivarase a devindicación e mais o pagamento dos xuros ordinarios; e de ser o caso, de mora, mantendo a carencia de capital por un período adicional de 9 meses. Polo que a duración total da moratoria será de 12 meses.
Cando non sexa posible a ampliación do prazo por excepción normativa ou dos marcos temporais do ICO, o principal recalcularase entre as cotas vixentes.
Dentro desta medida están comprendidos os préstamos e os créditos, independentemente de se están ou non ao corrente de pagamento, con e sen garantía hipotecaria, formalizados con anterioridade ao 6 de novembro de 2024.
Tamén se inclúen os contratos de arrendamento financeiro e de financiamento de circulante.
Préstamos ou créditos hipotecarios:
- As persoas ou empresas que sexan titulares de préstamos ou créditos hipotecarios en que o inmoble estea situado nas localidades afectadas por mor da dina. No caso das empresas, a facturación no último exercicio pechado debe ser menor de 6 millóns de euros..
Préstamos ou créditos persoais:
Os residentes das zonas afectadas que sexan titulares de préstamos ou créditos persoais.
Os autónomos e empresas cuxa actividade económica principal se atope nas localidades afectadas, incluíndo explotacións agrarias, pesqueiras, mariñas ou forestais, establecementos mercantís, industriais e de servizo. No caso das empresas, a facturación no último exercicio pechado debe ser menor de 6 millóns de euros.
En operacións con máis dun titular, abondará coa solicitude dun só deles para tramitar, e conceder de ser o caso a medida. Quedan excluídos os fiadores, avalistas e hipotecantes non debedores, os cales só poderán esixir que o acredor esgote o patrimonio do debedor antes de reclamarlles a débeda.
Préstamos ou créditos hipotecarios: abondara coa presentación da solicitude.
Préstamos ou créditos persoais: deberás achegar un certificado de empadroamento ou outro documento que acredite a residencia nalgunha das localidades afectadas. No caso de autónomos ou empresas, cun volume de facturación inferior a 6 millóns de euros no último exercicio pechado, cuxa actividade económica principal estea situada nas localidades afectadas, comprendendo explotacións agrarias, pesqueiras, mariñas ou forestais, establecementos mercantís, industriais e de servizo, abondará calquera documento que acredite a circunstancia, ou a presentación dunha declaración responsable.
Na solicitude deberase especificar a calidade de asalariado ou autónomo e cal é a actividade económica.
A moratoria poderá solicitarse ata o 7 de febreiro de 2025.
Resolveremos a petición da moratoria nun prazo máximo de 15 días, desde que presentes a solicitude e mais a documentación necesaria. Se cumpres os requisitos, a medida terá efectos de forma automática desde a data de inicio da solicitude.
A aplicación da moratoria implicará ampliar o prazo da operación en 12 meses. A entidade poderá unilateralmente elevar a escritura pública o recoñecemento da suspensión, cando sexa preceptivo, para os efectos de inscribir a ampliación do prazo no Rexistro correspondente.
Non se poderá resolver anticipadamente o préstamo ou crédito durante a vixencia da moratoria.
A aplicación indebida destas medidas implicará que:
O solicitante será responsable dos danos e prexuízos, así como dos gastos xerados pola aplicación destas medidas de flexibilización, sen prexuízo das responsabilidades doutra orde.
Consideraranse vencidas as cotas suspendidas desde a data na que foran esixibles de non se aplicar a moratoria.
O importe dos danos, prexuízos e gastos, non pode resultar inferior ao beneficio indebidamente obtido polo debedor pola aplicación da norma.