Todo sobre a túa seguridade

Se detectas que fuches vítima dunha fraude online, o mellor é que nos avises o máis rápido posible e que sigas estes pasos para tentar limpar o teu smartphone, tablet ou computador.

• O primeiro que debes facer é chamarnos o máis axiña posible ao 900 815 525 (+34 981 910 525 se chamas desde fóra de España) para que bloqueemos as túas contas e ninguén poida acceder a elas. Con atención as 24 horas do día.
• En caso de ter instalado un antivirus, realiza unha análise do dispositivo para tentar desinstalar a aplicación maliciosa
• Se isto non funciona, podes restaurar os valores de fábrica do dispositivo desde a sección de ‘Axustes’. Este tipo de aplicacións poden ser difíciles de eliminar, mesmo para unha solución de antivirus.
• Recomendámosche que cambies o PIN de acceso ás túas contas bancarias, así como o das túas tarxetas bancarias.
• Ademais, podes denunciar a organismos oficiais: na Policía Nacional, na Garda Civil ou no Instituto Nacional de Ciberseguridade (INCIBE).

• Nunca che solicitaremos datos confidenciais nin claves para a firma de operacións por correo electrónico, SMS ou WhatsApp. Por iso, se recibes algún email, SMS ou WhatsApp no que che soliciten contrasinais da túa banca electrónica ou das túas tarxetas, ¡non respondas! Alguén podería estar enganándote.

• Se algunha vez che ocorre algo así, agradecerémosche que nolo envíes a tuseguridad@abanca.com para evitar posibles fraudes a outros clientes.

• Ademas, porémonos en contacto contigo por teléfono ou correo electrónico para informarte dalgún posible problema ou verificar a autenticidade dalgunha das túas operaciones.

• Para acceder á túa Banca Electrónica tes que introducir o teu NIF e o teu PIN, o cal te proporcionamos cando activas a túa banca a distancia nunha das nosas oficinas.

• Se tes a túa sesión aberta pero non realizas ningunha acción, a túa páxina de banca electrónica desconectarase automaticamente. Para seguir utilizándoa, deberás volver identificarte.

• Tras varios fallos consecutivos á hora de introducires as túas credenciais ou un período longo de inactividade, a túa banca electrónica quedará bloqueada. Para desbloqueala, emprega a ligazón “Non consigo acceder” dispoñible na páxina de acceso ou acude á túa oficina máis próxima para solicitar un novo PIN.

• A túa banca electrónica incorpora un sistema de reforzo de seguridade que nos permite identificarte de xeito seguro.

• Escribe o enderezo de ABANCA directamente na barra do teu navegador. Non accedas nunca á banca electrónica a través de ligazóns nin anuncios nos buscadores.

• Cando entres na nosa web, comproba que apareza o noso indicador de seguridade, representado por un cadeado. Atoparalo na túa barra de navegación.

• Ao rematar coas túas xestións, pecha a túa sesión na banca electrónica. Se non o fas, alguén que empregue a mesma computadora pode acceder á túa banca electrónica coas túas contrasinais. Aínda así, a túa sesión de banca electrónica desconéctase automaticamente se ve que levas uns minutos sen facer nada.

• Cando te descargues unha app no teu móbil, faino só desde as tendas de aplicacións de iOS e Android. Comproba, ademais, que teña moitas descargas e boas valoracións, así evitarás descargar aplicacións con virus que poidan roubar os teus datos.

• Non confías nese email? Mellor non contestes. Nunca che pediremos as túas claves de banca electrónica ou da túas tarxetas por correo electrónico. Así que se alguén o fai, non somos nós.

• Actualiza o teu navegador de vez en cando. Manteno actualizado para que incorpore as últimas melloras de seguridade.

• Emprega sempre unha rede segura, dende o ordenador da túa casa ou traballo, é dicir, dende unha rede na que poidas confiar e que só empregues ti ou a túa familia. Evita facelo dende cibercafés ou outros ordenadores públicos.

• Configura o teu móbil cun sistema de bloqueo: PIN, patrón de desbloqueo, pegada dixital ou recoñecemento facial, entre outros. Iso si, non compartas con ninguén o método de desbloqueo.

• As túas claves son só túas. Nunca as reveles! Se tes dúbidas ou cres que alguén pode coñecelas, cámbiaas de forma inmediata.

• Mantén o teu ordenador libre de virus. Evita tamén navegar en páxinas pouco seguras.

• Non aceptes axuda de terceiras persoas para axilizar as túas transaccións. Se necesitas que te boten unha man, acode unicamente aos empregados de ABANCA.

• Evita rutinas que permitan a outros coñecer os días nos que fas as túas operacións habituais.

• Se detectas algunha actividade sospeitosa, comunícallelo de inmediato ao persoal da oficina.

• Antes de introducires a túa tarxeta no caixeiro comproba que non existan elementos estraños. No caso de detectar elementos sospeitosos (silicona, a ranura da tarxeta está manipulada, teclado, etc.), por favor, avisa de inmediato ao noso servizo de atención ao cliente no 900 815 525.

• Cubre o teclado cando introduzas a clave para evitar que alguén a vexa.

• Antes de abandonar o caixeiro, verifica que finalizaches a operación. Garda a tarxeta, os cartos e o recibo!

• Memoriza o teu número secreto (PIN) e non llo digas a ninguén.

• Non o escribas en ningún papel da túa carteira, nin na tarxeta. Deste xeito, evitas que outras persoas a empreguen en caso de perda ou roubo.

• Asegúrate de que o teu PIN non coincide cun número sinxelo de adiviñar: a túa data de nacemento, a matrícula do teu coche, combinacións de números habituais.

• Adapta sempre o límite das túas tarxetas en función das túas necesidades e operacións habituais.

• Se non atopas a túa tarxeta, podes apagala de forma rápida a través da túa banca móbil. Se pola contra, estás seguro de que cha roubaron ou a perdeches, contacta connosco no 900 815 522 para bloqueala canto antes.

• Destrúe as túas tarxetas antigas.

• Monitorizamos minuto a minuto as operacións para detectar movementos irregulares e previr posibles fraudes.

• Dispoñemos dun sistema de alertas que te avisa no teu teléfono móbil cando realices compras superiores a unha certa cantidade ou para confirmar certas operacións, entre outros.

• Empregamos protocolos de transmisión de información seguros.

• Autenticamos as túas compras por internet.

• Esiximos a firma de operacións de risco a través dunha clave que enviamos ao teu móbil. Comproba que a operación da mensaxe se correspóonde coa que estás a realizar e introduce a clave no dispositivo onde estás a realizar a operación.

Recibe un email ou unha notificación cada vez que haxa un movemento maior da cantidade que decidas. Se detectamos actividade inusual, poñémonos en contacto contigo por teléfono ou correo electrónico para informarte dalgún posible problema ou verificar a autenticidade dalgunha das túas operacións.

Lembra que nunca che solicitaremos datos confidenciais nin claves para a firma de operacións por correo electrónico!

O noso sistema de seguridade está preparado para non comprometer nin a túa información nin os teus cartos cando realizas compras online.

Se aínda así non queres asumir riscos o simplemente desexas mercar nalgunha páxina que non che transmite moita confianza, podes xerar unha tarxeta virtual directamente dende o teu móbil. Asígnaslle un límite de diñeiro que ti decidas e listo! É sinxelo, rápido e gratuíto.

Tamén tes á túa disposición as tarxetas prepago. Con elas, limitas o risco ao saldo da tarxeta e podes empregala como unha tarxeta ao uso: retirar diñeiro, pagar en comercios ou facer compras online. Pódela recargar de xeito rápido e cómodo cantas veces necesites.

A app de ABANCA dáche a posibilidade de apagar e acender as túas tarxetas. Imaxina que non atopas a túa tarxeta na carteira e non estás seguro de se a deixaches na casa ou se a perdiches.

Agora, en vez de dala de baixa e ter que esperar a que che enviemos unha nova só porque dubidas do seu paradoiro, podes apagala dende a túa banca móbil. Así, ninguén poderá empregala.

Se finalmente tela na casa, actívala de novo e lista para empregar! Sen baixas, sen chamadas e sen complicacións.

Os nosos mecanismos de seguridade no estarían completos sen a túa colaboración. Por iso, se detectas algunha actividade estraña, agradecerémosche que nolo fagas saber:

• Se ocorre algo coas tus compras, tarxetas ou contas…

• Se atopas algunha web que se parece á de ABANCA pero non o é…

• Se ao acceder á túa banca a distancia che solicitan máis claves das habituais…

• Se che chegan avisos ao móbil sobre accesos ou operacións que ti non estás a facer…

• ABANCA nunca che mandará correos dende os que teñas que acceder á web de banca electrónica. Así que se alguén o fai, non somos nós.

Cando detectes algún destes supostos, ponte en contacto connosco por escrito, por teléfono ao 900 815 525 (+34 981 910 525 se chamas desde fóra de España) ou en cualquera das nosas oficinas.