Plan de pensións
Toma decisións intelixentes hoxe e marca a diferenza no teu futuro
Ata un 4%
Un plan de futuro
Aporta e aforra
Ata un 4% por traer o teu plan(1)
Se xa comezaches a aforrar para a túa xubilación é porque buscas o mellor para os teus cartos, e por iso en ABANCA temos algo para ti.
Trae o teu plan de pensións e, se cumpres unhas condicións moi sinxelas, podemos ofrecerche ata un 4% de bonificación.
Aporta ao teu plan e aforra ao teu ritmo
Poderás realizar achegas periódicas e extraordinarias, desde a app. ¡É moi sinxelo! Se o prefires, pide cita e axudámoste a planificar o mellor para o teu futuro. Contámosche as vantaxes de achegar ao teu plan:
- Reduces a base impoñible na túa declaración da renda.
- Aforras para o teu futuro.
- Ti elixes a cantidade mensual que queres achegar.
O intelixente é pensar nun plan
Existe unha forma diferente de planificar o teu futuro. E se invistes na liberdade de mañá? Se contratas un dos nosos plans terás:
- Asesoramento personalizado.
- A flexibilidade de realizar achegas cando queiras (ata o límite anual).
- Recibe a prestación anticipadamente en caso de desemprego ou enfermidade grave. Poderás dispor das achegas que realizases no teu plan de pensións, sempre que teñan unha antigüidade superior a 10 anos.
O intelixente é pensar agora nun plan de futuro
Como xa sabes, os plans de pensións non só che permiten aforrar diñeiro a longo prazo para gozar del na xubilación, senón que che permiten aforrar diñeiro cada ano á hora de facer a declaración da renda. Podes chegar a aforrar ata 450 € por cada 1000 € que achegues ao teu plan. Adiantámosche un exemplo, pero ten en conta que estas cifras están calculadas para un traballador por conta allea e sen fillos, con residencia en Galicia, e que as cifras poderían variar segundo a comunidade autónoma onde vivas e o tipo de ingresos fiscais.
| Base liquidable xeral | Contribución anual | Aforro fiscal |
|---|---|---|
| < 25.000€ | 1000€ | 299 € (29,90%) |
| < 25.000€ | 1500€ | 431 € (28,73%) |
| < 50.000€ | 1000€ | 369 € (36,90%) |
| < 50.000€ | 1500€ | 554 € (36,93%) |
Simulación realizada tendo en conta exclusivamente o salario informado e o saldo do plan de pensións, e aplicándoos á escala do IRPF xeral. En función da comunidade autónoma e dos datos persoais do cliente, o impacto fiscal definitivo variará lixeiramente.
Sobre os plans de pensións de ABANCA. Poderás consultar as alertas de liquidez, o indicador de risco, as principais características dos plans de pensións e os Documentos de Datos Fundamentais en calquera oficina de ABANCA ou nesta mesma web.
Cecabank, S.A. Entidade Depositária de Fondos de Pensións. ABANCA Corporación Bancaria S.A Entidade Promotora e comercializadora dos plans de pensións individuais. ABANCA Vida e Pensións de Seguros e Reaseguros, S.A., Entidade Xestora de Fondos de Pensións.
(1) Sobre a promoción do 4%. Programa válido para traspasos efectivos doutras entidades a determinados Plans de Pensións Individuais de ABANCA realizados ata o 30 de setembro de 2026. Plans de pensións incluídos na promoción: ABANCA Renda Fixa Mixta Conservador, ABANCA Renda Fixa Mixta Moderado, ABANCA Renda Variable Mixta Dinámico, ABANCA Renda Variable e ABANCA Renda Variable Dividendo PP.
Entrega da bonificación en efectivo. A efectos fiscais, esta bonificación ten a consideración de rendemento de capital mobiliario (suxeito a IRPF) e está suxeita a retención segundo a normativa fiscal vixente. Abonarase un 4% bruto para traspasos efectivos doutras entidades de importes igual ou superior a 50.001€ e cun compromiso de permanencia de 6 anos; un 3% bruto para traspasos de importes igual ou superior a 20.001€ e cun compromiso de permanencia de 6 anos; un 2% bruto para traspasos de importes igual ou superior a 5.001€ e cun compromiso de permanencia de 6 anos; e un 1% bruto para importes inferiores cun compromiso de permanencia de 5 anos. En todos os casos o límite da bonificación é de 5.000 € brutos. Promoción non compatible con outras promocións de Plans de Pensións.