1 / 6
Escala numérica, na que 1/6 é o indicador de menor risco e 6/6, de maior risco
FONDO DE GARANTÍA ABANCA está adscrita ao Fondo de Garantía de Depósitos de entidades de crédito. O Fondo garantiza ata un máximo de 100.000 euros por depositante e entidade de crédito.
ALERTA DE LIQUIDEZ DEPÓSITO O reembolso, rescate ou a devolución anticipada dunha parte ou de todo o principal invertido están suxeitos a comisión ou penalizacións.
ALERTA DE LIQUIDEZ PLANS PENSIÓNS O cobro da prestación ou o exercicio do dereito de rescate só é posible no caso de acaecemento dalgunha das continxencias ou supostos excepcionais de liquidez regulados na normativa de plans e fondos de pensións. O valor dos dereitos de movilización, das prestacións e dos supostos excepcionais de liquidez depende do valor de mercado dos activos do fondo de pensións e pode provocar pérdidas relevantes.
Depósito Hoxe e Mañá
Só por aportar ou traer o teu Plan de Pensións.
A combinación ideal de aforro para conseguir unha boa rendibilidade para hoxe e tamén para mañá. Descubre as condicións e empeza a aforrar!
- até 0,75% TAE
- a 12 meses
-
Que é?
Unha alternativa para os teus aforros: un Depósito a prazo fixo cunha remuneración vencellada ao teu Plan de pensións.
-
Por que?
Podes obter ata un 0,75% TAE coa seguridade dun depósito fixo
-
En qué condicións?
O límite da aportación ao depósito é o dobre do que achegues ao plan. E hai máis. Le, por favor, os detalles.
-
Algo máis?
Un plan de pensións axúdache a aforrar para a xubilación. Infórmate dos riscos e a rendabilidade de cada plan nesta misma web.
O Déposito Hoxe e Mañá de ABANCA é un produto para aquelas persoas que se preocupan polo seu futuro: se estás a buscar un depósito cunha remuneración interesante ou pensaches algunha vez en ter un plan de pensións, presta atención!
Como funciona? Si aportas ao teu plan, contratas un novo ou traes o teu plan de pensións doutra entidade, co Depósito Hoxe e Mañá poderás destinar ata o dobre da cantidade que aportes ao teu plan a un depósito a prazo fixo a 12 meses cunha rendabilidade de ata o 0,70%TAE. Por exemplo: se abres un Plan con 5000 euros, poderás contratar un depósito de ata 10.000 euros con esa rendibilidade durante 1 ano, iso si, se cumpres unhas condicións que che contamos a seguir!
Cales son as condicións?
Para contratar este produto deberás destinar unha cantidade a un plan de pensións de ABANCA (pode ser un novo plan, unha achega a un que xa teñas connosco ou un traspaso dountra entidade), e comprometerte a manter o saldo achegado durante 48 meses. Poderás destinar ao depósito ata o dobre do importe aportado ao plan, aínda que existe un mínimo (2.500 euros) e un máximo (600.000 €).
O depósito a prazo fixo que contrates terá unha duración máxima de 12 meses, e non poderás renovalo ao seu vencemento. A remuneración base é do 0,06%TIN (TAE 0,06%), ao que se engadirá unha prima adicional do 0,69% TIN (TAE 0,69%) como recompensa polo teu compromiso no plan de pensións, ata o 0,75% (TAE 0,75%).
Esta rendibilidade refírese unicamente ao depósito. En canto ao plan de pensións, ten sempre en conta por favor que cada plan e fondo de pensións, en función das súas características específicas e dos activos nos que invista, implicará máis ou menos risco. Se a evolución dos mercados ou dos activos nos que inviste non é a esperada, o plan podería ter perdas. E lembra sempre que a rendibilidade que tivese no pasado nunca garante que no futuro vaia a suceder o mesmo.
Pensa no futuro, e no teu día a día!
Ao contratares o teu plan de pensións en ABANCA aseguras o futuro e, ao mesmo tempo, achégaste a beneficiarte de todas as vantaxes do nivel Premium do Programa Cero Comisións. Deixa de pagar polos servizos máis habituais e aproveita transferencias, retiradas en caixeiros de todo o mundo, tarxetas e moito máis completamente gratis.
E se preciso o diñeiro?
Se sucede algo co que non contabas e cómprenche os cartos e non podes manter o saldo no plan de pensións antes do vencemento do depósito a prazo, non che aboaremos a prima adicional.
Se a redución se realiza despois do vencemento do depósito a prazo, terás que devolver o importe proporcional da prima bruta aboada que se conrresponda ao tempo de permanencia que falte por cumprir dos 48 meses comprometidos.
Antes de que o necesites, infórmate das posibilidades de recuperación do diñeiro que invistas no teu plan de pensións cando o contrates. Máis abaixo contámosche máis, e lembra sempre que tes toda a información en calquera oficina ou nesta mesma web.
Transparencias e garantías
Consonte o establecido na Orde ECC/2316/2015, desde febreiro de 2016 determinadas entidades que prestamos servizos de investimento ou comercializamos algún dos produtos financeiros afectados por esa Orde debemos mostrar un indicador de risco coma o do cadro que encabeza esta ficha, que ten por obxecto “garantir un axeitado nivel de protección ao cliente ou potencial cliente de produtos financeiros mediante o establecemento dun sistema normalizado de información e clasificación que o advirta sobre o seu nivel de risco e lle permita elixir os que mellor se lles adecúen ás súas necesidades e preferencias de aforro e investimento". Trátase dunha escala numérica, do 1 ao 6, na que 1/6 é o indicador de menor risco e 6/6 o de maior risco.
No caso dos depósitos (por exemplo no diñeiro depositado na conta a plazo, non no plan de pensións ao que tes que achegar), ten en conta tamén que ABANCA está adscrita ao Fondo de Garantía de Depósitos español. O límite da cobertura é de 100.000 € por depositante e entidade de crédito. Tes máis información no folleto que podes atopar máis abaixo.
Máis información legal
Aínda que aquí non che ofrecemos detalles sobre os nosos plans, debes saber que o nivel de risco dos Plans de Pensións de ABANCA, como calquera entidade financeira española, varía de 1 a 7, e que a categoría "1" non significa que o investimento estea totalmente libre de risco. Podes consultar o nivel de risco e as alertas de liquidez de cada Plan de Pensións no Documento de Datos Fundamentais de cada un deles que podes atopar nesta mesma web.
Sobre as "alertas de liquidez" (a dispoñibilidade do diñeiro que invertas nos nosos plans), neses documentos que debes ler con atención dicimos que "o cobro da prestación ou o exercicio do dereito de rescate só é posible en caso de que sucedan dalgunha das continxencias ou supostos excepcionais de liquidez regulados na normativa de plans e fondos de pensións", e que "o valor dos dereitos de mobilización, das prestacións e dos supostos excepcionais de liquidez depende do valor de mercado dos activos do fondo de pensións e pode provocar perdas relevantes". Se tes dúbidas, pregúntanos!
E estes son os datos legais das sociedades relacionadas cos plans de pensións que comercializamos: Cecabank, S.A. Entidade Depositaria de Fondos de Pensións. Inscrita no R.M. de Madrid ao Tomo 30.405, Libro Ou, folio 57, Sección 8, Folla M-547.250, Inscrición 1ª. C.I.F. A-86436011. ABANCA Corporación Bancaria S.A Entidade Promotora e comercializadora dos plans de pensións individuais, inscrita no R.M. da Coruña, tomo 3.426 do arquivo, Sección Xeral, ao folio 171 folla C-47803, inscrición 129ª CIF ? A70302039. ABANCA Vida e Pensións de Seguros e Reaseguros, S.A.(unipersonal), Entidade Xestora Fondos de Pensións. Inscrita no R.M. da Coruña, tomo 3403, folio 32, folla C-6245, inscrición 176-. CIF-A15140387.
Para saber máis...
dúbidas
-
Que pasa se retiro o diñeiro antes do vencemento da conta a prazo?
Se precisas os cartos e non podes manter o saldo no plan de pensións ata o vencemento da conta a prazo, 12 meses, non che aboaremos a prima adicional.
Se a redución se realiza despois do vencemento da conta a prazo, terás que devolver o importe da prima bruta aboada que se conrresponda ao tempo que falte ata os 48 meses comprometidos co plan de pensións.
-
Podo contratar o Depósito Hoxe e Mañá máis dunha vez?
Non se pode renovar, é un depósito a 12 meses, pero podes contratalo tantas veces como novos traslados ou aportacións fagas. Por exemplo: se o contrataches en novembro, poderías volvelo a facer en decembro -ou cando ti queiras!- se realizas unha nova aportación ou traslado desde un plan que teñas noutra entidade. Interesante, verdade?
-
Un depósito é un produto bancario onde lle deixas unha cantidade de diñeiro ao banco para que cho garde durante un período de tempo determinado, e obtés en troco un beneficio. Hai varios tipos de depósitos en función das condicións baixo as que se pacta.
Nos depósitos a prazo fixo gardas unha cantidade no banco coa condición de que non a podes retirar ata un prazo determinado, nin toda nin en parte. A cambio recibes uns xuros que tamén son fixos: sabes exactamente canto vas gañar co depósito e cando vas ingresar o que gañes. Se retiras todo ou parte do depósito antes da data, exposte a unha penalización que varía en función das condicións do depósito.
Un depósito estruturado é un produto onde combinas a rendibilidade dun depósito coa dun investimento. Unha parte dos cartos que ingresas funciona como un depósito a prazo fixo, cunha rendibilidade tamén fixa, mentres que outra parte che produce beneficio en función da evolución dun activo financeiro (un índice bolsista, unha cesta de accións, as accións dunha compañía en concreto etc.). Esta parte variable é a que condiciona a rendibilidade do depósito: será máis rendible cando se cumpren as condicións previstas para o activo de referencia, ou menos rendible se non se cumpren. Podería ser que a rendibilidade fose unicamente a que producise o treito a prazo fixo, ou incluso que che xerase perdas. Polo tanto, non poderás coñecer a rendibilidade dos depósitos estruturados ata que venzan.
Un depósito garantido é un produto que normalmente está dispoñible para cantidades elevadas de diñeiro. Nel garántese o 100% do capital e unha determinada rendibilidade. Habitualmente son investimentos a longo prazo.
DOCUMENTACIÓN