Que é?
Canto custa?
Que destacamos?
Unha conta bancaria é a ferramenta básica para a xestión dos teus ingresos, os teus gastos e os teus aforros, e moito máis! Porque tamén podes utilizar unha conta para outros fins. Moitas dos nosos clientes teñen unha segunda conta para organizar mellor o seu diñeiro: para centralizar gastos, para aforrar para un fin determinado, para compartila coa súa parella ou con outros familiares, mesmo cos amigos, ou para un proxecto concreto, como unha voda ou unha viaxe.
Agora, con ABANCA, os nosos clientes poden abrir unha nova conta en cuestión de minutos, desde a túa banca a distancia, sen necesidade de achegarte a unha oficina, 365 días ao ano, 24 horas ao día. E se tes dúbidas, chamámoste: encántanos falar cos nosos clientes!
As túas tarxetas de crédito e de débito
Cando contrates a túa Conta Online ABANCA, ademais da conta, a túa banca a distancia e a tarxeta de débito, entregarémosche tamén unha Tarxeta TúSerás redirixido a outro sitio web. Con esta tarxeta de crédito e a túa banca móbil poderás organizar os gastos que vaias facendo como mellor che conveña, cando ti queiras e desde onde esteas. Todo ao instante e nun clic.
Coa Tarxeta Tú pagarás todos os gastos a final de mes, sen xuros nin comisións. E se este mes non che vai ben, poderás aprazar o gasto que ti queiras a 3, 6, 9, 10 ou 12 meses, sen papelorios nin trámites. Ademais, podes sacar diñeiro dun caixeiro a débito. Cómodo, verdade?
Ten en conta que a concesión de calquera tarxeta de crédito de ABANCA está sometida a unha análise de riscos. No caso de que non cumprises as condicións necesarias para obter a tarxeta Tú, poderías contratar a túa Conta Online ABANCA igualmente, sen ningún problema.
A Tarxeta Tú é gratuíta o primeiro ano, sen comisión de emisión. A partir do segundo ano, podes seguir beneficiándote se cumpres os requisitos do Programa Servizos ABANCA ou se fas compras con ela por valor de 3000 euros nun ano. De non ser así, a comisión de mantemento da tarxeta é de 43 euros ao ano. Lembra que podes dala de baixa cando ti queiras. Próbaa!
Tes menos de 30 anos?
Se aínda non cumpriches os 30, non pagarás comisións en ningunha das túas contas, e tes un montón de vantaxes máis, como transferencias gratis desde a túa banca a distancia. Ten presente que se sodes varios titulares, todos tedes que ser menores de 30 anos para non pagar comisións por esta conta.
Ademáis, recibirás unha tarxeta de débito Mastercard Tú NX, pola que non pagarás nada ata os 34 anos, sen comisión de emisión e mantemento. Sacarás diñeiro de xeito gratuíto en todos os caixeiros de ABANCA e ademais, poderás sacar efectivo de balde ata 5 veces ao mes en calquera caixeiro da Euro 6000, Euronet, Banco Sabadell, Bankinter, Caja de Arquitectos, Caja de Ingenieros e Euro Automatic Cash, e 5 veces máis en calquera caixeiro do mundo sen que che cobremos comisión polo cambio de divisa (ollo: no estranxeiro algún banco podería cobrarche por usar o caixeiro; en España, se sacas cartos nalgunha rede diferente, cobraremos a comisión que a entidade propietaria do caixeiro nos cobre a nós polo servizo).
E se non cumpro os requerimentos do Programa Servizos ABANCA?
Se durante tres meses consecutivos non cumpres os requerimentos do Programa Servizos ABANCA, cobraríamosche as comisións e tarifas fixas da entidade polos servizos que teñas contratados.
Pero se volves a cumprir os requerimentos, volverás a beneficiarte de forma automática de todas as vantaxes que tiñas por ser cliente do nivel que recuperaches.
Se non cumpres os requisistos do Programa Servizos ABANCA, a nosa Conta Online ten unha comisión de mantemento de 31€ trimestrais. Esta comisión equivale a unha TAE do -2,53%, que calculamos utilizando o suposto de que mantiveses de forma constante durante un ano un saldo diario de 6000€, aplicando un TIN do 0,00% e a comisión de mantemento de 31 € ao trimestre, ten en conta que adamáis . Tendo en conta que a comisión de mantemento da tarxeta de débito é de 30€ e que calquera saldo que presente a conta non se remunerará, se o saldo existente fose por exemplo 6000€, a remuneración polo devandito importe sería 0€.
E moitas cousas máis! Os teus seguros, mes a mes
Coa túa Conta Online ABANCA terás a oportunidade de acceder á nosa Tarifa Plana Seguros, que che permitirá pagar en 12 mensualidades idénticas, sen intereses nin comisións (0% TAE), os teus seguros de vida, fogar, saúde, decesos, auto e accidentes comercializados por ABANCA.
Poñémosche un exemplo representativo para o pago dos seguros domiciliados na túa tarifa plana seguros sen ter en conta a bonificación. Supón que o importe anual das primas de todos os seguros domiciliados na conta é de 1500€, o importe que terías que pagar en cada unha das doce cotas mensuais sería de 125€. Por tanto, o importe total debido serían 1500€. Sen comisións, TXN 0% TAE 0%.
Ten en conta que a concesión deste produto está suxeita á análise de riscos da entidade. Infórmate de todos os detalles!
Mediador: ABANCA MEDIACIÓN, OPERADOR DE BANCA-SEGUROS VINCULADO, S. L., operador de banca-seguros vinculado, con domicilio social en Avenida da Mariña nº 1, 4ª planta, A Coruña, inscrita no Rexistro Mercantil da Coruña, tomo 3321, folio 64, folla C-38698 e no Rexistro Administrativo Especial de Mediadores de Seguros da Dirección Xeral de Seguros e Fondos de Pensións co nº OV-0044 e provisto de C.I. F: B-70049630. Con Seguro de Responsabilidade Civil, Capacidade Financeira esixidos pola Lei 26/2006 de Mediación de Seguros e Reaseguros Privados. Consulta condicións e tarifas nas oficinas de ABANCA. Consulta as entidades aseguradoras dispoñibles.
¿Tes preguntas? Nós respostas
Algunhas contas correntes e de aforro poñen restricións a determinados tipos de titulares. Por exemplo, hai contas específicas para empresas, e hai contas polo contrario que só poden abrilas os particulares, non as empresas.
A maior parte das veces as contas poden ter varios titulares, ou cotitulares: deste xeito, varios de vós podedes compartir a mesma conta corrente: para todos os efectos a conta é de todos, e computa como ben de cada un de vós. No caso de ter varios cotitulares podedes escoller se queredes que sexan indistintos, é dicir, que cada un poida operar libremente coa conta, ou que sexan mancomunados, de maneira que sexan necesarias varias sinaturas para facer as operacións.
Ademais, podes sinalar outras persoas para que sexan autorizadas. As persoas autorizadas poderán realizar un determinado número e tipo de xestións nas contas, pero non serán titulares. É dicir, non son propietarios da conta.
O IBAN, ou Número Internacional de Conta Bancaria, é o novo código identificador de contas correntes. Aínda que xa existía desde hai tempo, nos últimos meses volveuse un número obrigatorio en toda a SEPA. A súa función é facilitar os pagamentos internacionais e funciona en toda a Unión Europea, Islandia, Suíza, Liechtenstein, Noruega e Mónaco.
Agora segues tendo as mesmas contas ca antes, pero podes referirte a elas con dous números lixeiramente distintos: o número antigo (o CCC, formado por 20 díxitos) e o novo código IBAN, que é exactamente igual có anterior agás por catro caracteres que se lle engaden ao comezo: o código ES (España) e dous díxitos de control. Se queres saber cal é o IBAN de calquera conta segundo esta nova normativa, podes utilizar este conversor.
De forma progresiva, deixaremos de utilizar os antigos formatos de conta para usar o IBAN. Pero non te preocupes, pois vai ser unha transición progresiva e doada da que non te vas nin decatar. Podes consultar o IBAN das túas contas na sección Contas da banca electrónicaSerás redirixido a outro sitio web ou, de forma máis sinxela, nesta mesma web, no conversor de números de conta.
Para solicitar a cancelación dunha conta cómpre que acudas a unha oficina de ABANCA. Sempre é aconsellable que acudas á túa oficina xestora, onde tes os produtos contratados, pero se non é posible tamén poderás acudir á túa oficina de ABANCA máis próxima.
Se contrataches a conta en liña ou por teléfono, poderás chamar ao 981 910 534 e solicitar a cancelación.
Podes establecer envíos de diñeiro programados desde a app de ABANCA ou
desde o ordenador.
Na banca móbil, cando realizas un envío de diñeiro ás túas contas ou a outras
persoas podes programalo como periódico e seleccionar a data de inicio, fin e
frecuencia. Tamén poderás dar de alta, consultar, modificar e xestionar todos
os pagamentos programados desde o menú de Contas > Operar > Pagamentos
programados.
Desde a banca electrónica, deberás facelo desde o menú de Transferencias.
Lembra que podes utilizar os envíos periódicos de diñeiro para pagar o
alugueiro todos os meses, facer un traspaso á túa conta de aforro cando
cobres a nómina, ou o que elixas!
DOCUMENTACIÓN
NO BLOG
