Como facerme cliente de ABANCA se non son residente en España?

Se non resides en España, e desexas facerte cliente de ABANCA, cómpre que realices a contratación dunha conta de forma presencial nunha das nosas oficinas en España ou ben nas oficinas de representación no estranxeiro.

Cando acudas á oficina deberás proporcionar o teu documento de identidade vixente con fotografía, o número de identificación fiscal do teu país de residencia, un xustificante do domicilio e da túa actividade laboral. Con todo iso, o noso xestor especializado na oficina ofrecerache a conta máis interesante para ti.