Como funcionan as achegas periódicas a un plan de pensións ou EPSV?

No teu Plan de Pensións ou EPSV podes realizar unha achega periódica mínima de 30 € ao mes, pero tamén podes achegar de forma trimestral, semestral ou anual. Ademais, podes facer achegas extraordinarias cando queiras desde 150 €. Se nun momento dado non podes achegar, é posible suspender as contribucións e reanudalas cando mellor che conveña. 

É importante que teñas en conta que existe un límite anual de achega establecido polo IRPF. Este límite inclúe tanto as achegas periódicas (mensuais, trimestrais…) como as extraordinarias que poidas realizar ao longo do ano non só en ABANCA senón en calquera produto de previsión social. 

E cal é o límite máximo de achega anual?

• Plans de Pensións Individuais: o límite de achega é de 1.500 €, aínda que só poderás desgravar ata o 30% do Rendemento Neto do traballo e Actividades Económicas
• Plans de Pensións de Emprego: existe un límite adicional de 8.500 €, sempre que a empresa tamén faga achegas ao plan. 
• Plan de Pensións simplificado de autónomo: existe un límite de achega propio de 4250€
• EPSV Individual: aínda que non hai límite de achega, o límite máximo de desgravación é de 5.000€
• EPSV Emprego: ao límite de desgravación individual engádeselle o límite de achega ao sistema de emprego de 8.000€ (inclúe tanto as achegas da empresa como as propias do socio) e un límite conxunto de 12.000€ ata 2025 e 10.000€ a partir de 2026. Poderíase achegar por encima destes importes, pero non se desgravaría no IRPF 
• EPSV de Emprego Preferente para autónomos: existe un límite de achega de 4000€