Como podo ampliar a cantidade de diñeiro que podo sacar do caixeiro?

Podes aumentar ou diminuír o límite de diñeiro que podes sacar no caixeiro das seguintes formas: 

• Na túa app de ABANCA, accede á pestana de 'Tarxetas', selecciona a tarxeta e entra nos axustes (a icona de roda dentada superior) para cambiar o límite.
• Na túa banca electrónica, tamén debes acceder á tarxeta e facer clic no menú 'Modificar límites'.
• Na túa banca electrónica de empresas, na opción de 'Tarxetas/Comercios' > 'Cambio de límites'.
• Ou coas túas claves de banca telefónica chamándonos ao 981 179 600 (ou ao +34 981 179 600 se nos chamas desde o estranxeiro), de luns a venres de 8 da mañá a 10 da noite.

Ademais, lembra que tamén poderás modificar o límite para pagos en comercios e por internet.