Como podo incluír titulares ou autorizados nunha conta?

Se necesitas incluír a unha ou varias persoas na túa conta, teredes que acudir a unha oficina de ABANCA. Podes pedir cita previa. 

Terás que ter en conta que, se decidides ser cotitulares, a todos os efectos, a conta é de todos e computa como ben de cada un de vós. 

Deberedes decidir que dispoñibilidade terá a conta. Pode ser indistinta, é dicir, que cada un poida operar libremente. Ou pode ser mancomunada, precisando a sinatura de varios para facer as operacións. 

Tamén existe a figura de autorizado. Esta persoa poderá realizar un determinado número e tipo de xestións na conta pero non será titular. É dicir, non será propietario da conta. 

Se o que necesitades é que unha das persoas que aparecen na conta xa non figure nela, tamén poderedes facelo nunha oficina.