Que son os límites de gasto dunha tarxeta?

Por razóns de seguridade, todas as túas tarxetas traen establecida unha cantidade máxima de diñeiro que podes gastar ou retirar nun caixeiro nunha soa operación, é o que se coñece como límite de gasto dunha tarxeta. Se realizas algunha compra ou sacas efectivo que exceda ese límite, a operación sería denegada.

Coa app de ABANCA, podes modificar os límites de gasto de cada unha das túas tarxetas para compras por internet, en establecementos físicos e para retiradas en caixeiros. Por exemplo, se realizas poucas compras online, podes reducir o límite de gasto para compras por internet e estarás máis protexido no caso de que che rouben a tarxeta.