Coida de ti.
Coida dos demais.

Como xa sabes sabes, durante os últimos meses tomamos as medidas necesarias para garantir que podemos seguir prestándoche o mellor servizo en calquera situación.

Ademais, anunciamos diversas iniciativas para reforzar o tecido empresarial nun momento tan complexo como este. E tamén puxemos á túa disposición e á do teu negocio servizos que che axudarán a vender a través de internet cunhas condicións moi vantaxosas.

Queremos seguir evitando que corras riscos innecesarios por iso estamos a mellorar as ferramentas e servizos online que che permiten xestionar as operacións diarias da túa empresa desde calquera lugar e hora, desde o teu móbil, ordenador e mesmo telefonicamente. Lembra que te apoiamos máis que nunca, a ti e ao teu negocio nas necesidades que poidades ter.

Lembrámosche que se necesitas ir a unha das nosas oficinas, debes seguir as recomendacións sanitarias e as instrucións do persoal para evitar poñer en risco a saúde de todos. Se a túa consulta non é urxente, agradecémosche que nos envíes un mail a bempresas@abanca.com, responderémosche canto antes. Coida de ti. Coida dos demais.

</br>Sexa un comercio de toda a vida ou unha tenda online en ABANCA poñemos á túa disposición diferentes ferramentas para que vender che resulte cómodo, sinxelo e, sobre todo, seguro: tpv virtual ou portátil, servizo aplazos para financiar aos teus clientes ou descontos ao crear a túa tenda online…

E o máis importante, non necesitas coñecementos nin tecnoloxía avanzados, nin sequera unha páxina web, para que hoxe mesmo poidas realizar pequenas melloras no teu negocio que che axudarán a aumentar as túas vendas.

Poñemos a túa disposición e a da túa empresa o préstamo ICO COVID 19 que o ICO puxo en marcha para autónomos, pemes e empresas co obxectivo de ayudar nas necesidades de liquidez polos efectos económicos do COVID-19.

Trátase duns préstamos ata 5 anos a tipo fixo para ayudarte co pago de salarios, proveedores, aluguer, subministros…

Se tes unha empresa cun expediente de regulación temporal de emprego (ERTE) autorizado pola Xunta de Galicia, podes solicitar o anticipo do pago da prestación por desemprego para os traballadores que aínda non recibiron o ingreso e que así cho soliciten.

Deberás xestionar o anticipo a través da sede electrónica da Xunta de Galicia. Unha vez completado o procedemento, será a Administración autonómica a que comunique a ABANCA os datos daqueles traballadores que, tendo domiciliado o abono do SEPE na nosa entidade, poden dispoñer deste anticipo.

A partir dese momento ABANCA contactará cos devanditos traballadores e informaralles, a través da súa aplicación de banca móbil, de que xa poden tramitar o anticipo a través dun préstamo totalmente gratuíto, sen intereses nin comisións (0% TAE), que poderán formalizar online sen necesidade de acudir á oficina.