VISA Débito
Unha tarxeta de débito que che permite mercar e dispor de efectivo en todo o mundo. Con ela ademais aproveitarás descontos en gasolineiras Galp e en centos de establecementos co Programa Privilexios Euro 6000.
-
É pra min?
Para dispor desta tarxeta de débito só necesitas ser maior de idade e teres unha conta aberta con nós.
-
Como funciona?
Esta tarxeta permíteche operar en comercios, a través de internet e en caixeiros e oficinas de todo o mundo.
-
Que é o mellor?
Aproveita os descontos en gasolineiras Galp Enerxía e moitas ofertas co programa Privilexios EURO 6000.
-
E que máis?
Conta con un seguro gratuíto en caso de atraco en caixeiro e uso fraudulento da túa tarxeta.
Coa máxima accesibilidade
Esta tarxeta de débito permíteche operar en todo o mundo coa máxima accesibilidade. Con ela poderás facer compras en tendas e establecementos, e operacións en caixeiros (retiradas de diñeiro, ingresos, consulta de saldo, recargas de telefonía móbil, extractos…), así como en oficinas e en internet. Para que nada te deteña en ningún lugar do planeta.
Poderás retirar cartos de forma gratuíta nos nosos caixeiros e oficinas, e ata 5 veces ao mes fóra de Galicia en calquera caixeiro da Euro 6000, Euronet, Banco Sabadell, Bankinter, Caja de Arquitectos e Caja de Ingenieros. Todos os bancos (en España é obrigatorio) deberán avisar da comisión por disposición de efectivo a débito que aplicará a entidade propietaria do caixeiro. Farano mediante unha mensaxe na pantalla antes de realizares a operación, para que poidas confirmala ou anulala.
E ademais, aproveitaraste de descontos en compras e outras promocións en moitos establecementos só por empregares a tarxeta. Aínda non te convencimos?
Coñece as vantaxes das tarxetas ABANCA
Cres que coñeces todo o que che ofrecen as tarxetas ABANCA? Ao pagar coa túa tarxeta terás descontos e promocións, facilidades para pagar cando prefiras, control total sobre as túas cotas e, por suposto, a máxima seguridade cando mercas en internet, con múltiples opcións de protección. Descubre todo o que che ofrecen realmente as tarxetas ABANCA!
Descontos nas compras
Por usares a tarxeta de débito tamén poderás aproveitar distintas vantaxes, como o 2% de desconto nas estacións de servizo Galp adheridas a esta promoción. Se queres saber máis, podes consultar aquí as condicións e empezar a beneficiarte delas cando queiras.
E se te inscribes ao programa de Privilexios EURO 6000 obterás descontos instantáneos en centos de establecementos, que podes consultar na súa web, ademais de recibir un boletín de novidades para non perderes ningunha das novas promocións.
Os custos da túa tarxeta
A túa VISA Débito ten unha comisión de emisión e mantemento anual de 30€.
Se retiras diñeiro en efectivo en caixeiros ou oficinas de ABANCA sairache totalmente gratis, e tamén che sairán gratis as cinco primeiras retiradas ao mes en calquera caixeiro da Euro 6000, Euronet, Banco Sabadell, Bankinter, Caja de Arquitectos e Caja de Ingenieros de fóra de Galicia.
A partir da sexta retirada, e en todas no resto de caixeiros nacionais, cobraráseche a comisión qe che aplica a entidade propietaria do caixeiro. Nos caixeiros nacionais informaráseche do importe da comisión que che aplique a entidade propietaria do caixeiro antes de realizares a operación, por se prefires anulala.
Noutras redes de caixeiros internacionais a comisión é de 2 € na zona euro e do 4% do importe que retiras do caixeiro, cun mínimo de 4 €, fóra da zona euro. Lembra que algúns bancos poderían cobrarche unha comisión polo uso do seu caixero.
Nas compras e retiradas de efectivo que pagues nunha moeda distinta do euro aplicaráseche unha comisión do 3% do importe total da operación.
Seguros gratuítos
Só por posuíres esta tarxeta de débito xa dispós de varias coberturas vinculadas, de forma totalmente gratuíta. Por exemplo:
O seguro da túa VISA Débito cúbreche até 4.500 € por atraco e até 6.000 € por uso fraudulento de terceiros da túa tarxeta en caso de perda, roubo ou extravío. E o mesmo en caso de falsificación, é dicir, se alguén accedeu ilícitamente á túa tarxeta sen que fora roubada, perdida ou extraviada.
Consulta as coberturas deste seguro nos anexos da ficha deste produto, que recollemos no fondo desta páxina.
Para saber máis...
dúbidas
-
Como activo a miña nova tarxeta ou a tarxeta que me acaban de renovar?
Moi doado. Tes as seguintes formas de facelo:
- Entra na app de ABANCA ou a banca electrónica e usa a opción Activar tarxeta do menú 'Tarxetas'.
- Vai a calquera caixeiro de ABANCA e realizar unha operación calquera. Cando introduzas por primeira vez o PIN que che entregamos con ela, xa quedará activada.
- Ou chamándonos ao 900 815 523 (ou ao +34 981 179 625 se nos chamas desde o estranxeiro). Un servizo automático de voz pedirache uns datos da conta e da tarxeta, ten a man eses datos.
-
En que caixeiros podo sacar cartos sen que me cobren comisións?
Podes retirar diñeiro gratis coa túa tarxeta de débito ABANCA en todos os nosos caixeiros.
Grazas a un acordo entre as entidades que formamos parte da rede Euro 6000, Euronet e algunhas das principais entidades do sistema financeiro español (Banco Sabadell, Bankinter, Caja de Arquitectos e Caja de Ingenieros), como cliente de ABANCA poderás obter diñeiro en máis de 18.000 caixeiros de España, un 40% do total do parque de caixeiros. Neles poderás retirar cartos ata 5 veces ao mes totalmente gratis, se te atopas fóra de Galicia e a partir da sexta retirada cun custo de 0,50 € na rede Euro 6000, 0,55 € en Bankinter e Caja Ingenieros, 0,60€ en Caja de Arquitectos e 0,65 € en Banco Sabadell. No resto de caixeiros cobraráseche a comisión que che aplique a entidade propietaria.
Nos caixeiros nacionais, a entidade propietaria do caixeiro informaráche do importe da comisión que aplique antes de realizares a operación, mediante unha mensaxe na pantalla do caixeiro, para que poidas confirmala ou anulala.
Ademais, se estás no nivel premium do noso Programa Servizos ABANCA poderás retirar diñeiro gratis sen pagar ningún tipo de comisión (nin un só céntimo), en calquera dos 18.000 caixeiros adheridos ao acordo entre rede Euro 6000, Euronet, Banco Sabadell, Bankinter, Caja de Arquitecto e Caja de Ingenieros fóra de Galicia, así como en todos os caixeiros fóra de España.
Se tes menos de 35 anos e te beneficias das vantaxes da nosa tarxeta Tú NX, ABANCA non che cobrará nada por retirar cartos no estranxeiro ata cinco veces ao mes, nin sequera a comisión por troco de divisa.
DOCUMENTACIÓN
NO BLOG