Que é o IPREM?

O Indicador Público de Renda de Efectos Múltiples, IPREM, é un índice cuxo valor se establece nos Orzamentos Xerais do Estado e fixa o límite das rendas persoais e familiares que serve de base para obter determinadas axudas sociais: bolsas, determinadas axudas para a compra ou alugueiro de vivenda, bono social eléctrico, subvencións ou subsidio de desemprego… Isto quere dicir, por exemplo, que se se quere optar a unha axuda é posible que un dos requisitos sexa que a renda da persoa solicitante, ou da súa unidade familiar, non supere determinada cantidade referida ao IPREM.