Tarxeta Tú

A Tarxeta Tú reúne diferentes opcións de financiamento. Usa a túa tarxeta Tú e decide, compra a compra, como queres pagar. A finais de mes? Ou mellor pouco a pouco, en varios meses? Ou quizais o que queiras sexa fixares ti a cota. Ti decides! Coa túa tarxeta de crédito Visa Tú e co móbil, onde e cando queiras. Sen explicacións nin papeleos.

Ten en conta que as nosas tarxetas liquídanse por períodos mensuais que empezan o día 20 e acaban o día 19 do mes seguinte, cobrándose o resultado o último día deste segundo mes.

Podes variar a cota en calquera momento antes de que se produza o cargo na túa conta, e todas as veces que queiras, a través do teu móbil, banca electrónica ou chamando ao 981 910 522. Ademais, dá igual as compras que vaias aprazando con esta modalidade de pago, xa que non se incrementará a túa cota mensual: seguirás pagando o mesmo.

E se queres cambiar a forma de pago das túas compras, non pode ser máis fácil. Podes facelo cando queiras e onde queiras. Por defecto, o importe asignarase automaticamente á forma de pago a fin de mes. Se queres modificar a forma de pago de calquera das túas compras unha vez realizadas, podes facelo a través da túa banca electrónica ou móbil antes de que se produza o primeiro cargo da liquidación. Para iso, debes acceder ao menú Tarxetas e alí seleccionar a nova forma de pago que queiras aplicar.

Lembra tamén que podes amortizar a túa débeda cando queiras.

A tarxeta de crédito Visa Tú e a túa app de banca móbil é todo o que necesitas para organizar os teus pagos da forma que queiras:

• Pago a fin de mes. Imaxina que queres pagar todos os gastos do teu fogar (o súper, transporte, gasolina, etc.) a final de mes, cando xa che ingresaron a nómina. As operacións que inclúas nesta modalidade cargaranse na túa conta o último día de cada mes.
• Pago a prazos. Para que gastos puntuais non che descontrolen o mes, podes aprazar calquera compra en 3, 6, 9, 10 ou 12 meses, desde a túa app de banca móbil e sen dar explicacións.
• Pago con cota fixa (modalidade revolving). Con esta tarxeta tamén podes elixir pagar unha cota fixa cada mes. Iso si, canto máis gastes, máis tardarás en devolver o diñeiro, teno en conta!

A tarxeta Tú tamén che fará a vida máis fácil nos caixeiros automáticos. Cando vaias retirar diñeiro coa tarxeta de crédito Visa Tú a un caixeiro tamén podes elixir a forma de pagamento que máis che interese: se queres que che conte como unha operación a débito ou se prefires que cha carguemos ao final de mes: en cada operación escollerás qué prefires. Só tes que seleccionar a opción que máis se che axeite e premer nun botón. Nada máis sinxelo.

Se seleccionaches a débito, non che aparecerá no extracto da tarxeta, senón no da conta. Cando retires cartos fóra de España, se o caixeiro non che permite seleccionar a opción débito ou crédito, considerarase por defecto unha operación a débito.

A tarxeta de crédito Visa Tú é gratis, sen comisión de emisión ni mantemento, durante o primeiro ano. A partir do segundo, tamén pode seguir siendo gratis para ti se realizas compras coa túa tarxeta Tú por un importe superior a 3000 € ao ano. Se non o fas, a comisión de mantemento é de 43 € ao ano.

Sempre estarás informado. Unha tarxeta diferente merecía que o documento onde te informamos cada mes dos teus gastos, o extracto, fose tamén diferente: máis claro, con información detallada de canto pagaches, o que che queda por pagar e, se optaches por unha opción de financiamento, que xuros estás a pagar. Só necesitas ter a túa e-correspondencia activada.

E ao momento! Para axudarte a controlar os gastos e aumentar a seguridade das túas tarxetas, dispomos dun servizo de alertas que che enviará notificacións cando retires diñeiro ou realices compras por riba do importe que ti decidas. Ademais, sempre que queiras poderás apagar ou acender a túa tarxeta de crédito a través da banca móbil. Cun clic!

Desconto en gasolineiras. Ofrecémosche o 4% de desconto en gasoliñeiras Galp, tanto en combustible para o teu vehículo como en todos os produtos das súas tendas, cun límite de 600 € por cliente e mes. Consulta as condicións e as estacións adheridas .

Privilexios EURO 6000. Coa túa tarxeta de crédito Visa Tú tamén te beneficiarás do programa de descontos Privilexios EURO 6000, con bonificacións en hoteis, viaxes e outros establecementos. Só por utilizares a tarxeta! Podes consultar todos os descontos e nlocais adheridosna web de EURO 6000.

Só por posuír esta tarxeta de crédito xa dispós de coberturas vinculadas á tarxeta, de forma totalmente gratuíta. Por exemplo:

• Un seguro por roubo ou atraco en caixeiro e tamén por uso fraudulento da tarxeta, en caso de que a extraviases ou cha roubasen.

• Un seguro de accidentes en transporte público, cando o billete o mercaches coa tarxeta de crédito Tú , ata 300.000 euros.

• Un seguro de asistencia en viaxes, de novo cando o billete o comprases coa tarxeta Tú. Este seguro cóbreche retrasos de viaxe ou equipaxe, cancelación por folga, etcétera.

• Un seguro de roubo de compras: se che rouban algo que pagaches coa tarxeta Tú e non pasaron máis de 90 días desde o momento da compra, devolverémosche o importe.

• Un seguro de danos: se por accidente o produto que mercaches coa tarxeta Tú nos últimos 90 días, sofre algún dano, tamén che devolveremos o importe.

Podes ampliar a información sobre as coberturas do seguro nos anexos da ficha deste produto, que recollemos no fondo desta páxina. E se precisas tramitar algunha incidencia, contámosche cómo podes facelo sen saír da casa.