O único que necesitas para abrir esta conta é ser maior de idade e ser unha persoa física.

Non necesitas dispor dunha nómina nin ningún outro tipo de ingresos ou prestacións aínda que, se as tes, podes domicilialas na túa conta. Tamén poderás domiciliar sen custo todos os pagamentos das túas facturas, recibos e documentos similares.

A primeira imposición farase a un prazo de seis meses, e os seguintes traspasos automáticos desde a conta á vista terán como data de vencemento a mesma que a primeira imposición. Ou sexa, o primeiro mes en que o teu saldo supere os 3000 € farase un traspaso á conta a prazo a seis meses, e se ao mes seguinte volveses superar o limiar, faríase a 5 meses, e así sucesivamente. Ao chegar ao sexto mes, fusionaríamos todas as túas imposicións, e renovaríanse por outros 6 meses. E de novo, as imposicións seguintes que vaias xerando terán como data de vencemento a mesma que a imposición fusionada.

Claro que si! Coa túa Conta Clara podes retirar o diñeiro do teu depósito cando máis che conveña. Pero leva conta de a liquidación dos xuros xerados se realiza ao vencemento do depósito que é a seis meses. No caso de que precises os teus cartos antes, liquidaranse os importes reintegrados ao 0%. 

 

Se es autónomo terás todas as vantaxes da Conta Clara, pero ademais as vantaxes que che dá o Programa Cero Comisións, que poden ser máis no caso dun autónomo que se foses só un particular.

Non te preocupes, porque cando dicimos que a tecnoloxía ten que estar para o importante, estamos pensando en detalles coma este. O mesmo desenvolvemento tecnolóxico que, coa túa Conta Clara, che pasa cartos dunha conta a outra automaticamente ocúpase tamén de que se quedas sen diñeiro na conta de aforro, se transfira en senso inverso, para que nunca quedes en números vermellos.

O NRC ou Número de Referencia Completo é un código que xera a entidade bancaria no momento no que realizas o pagamento dun tributo ou unha taxa. Serve para identificar con exactitude o imposto ou a taxa pagos e para acreditar ese pago ante a Axencia Tributaria.

Se necesitas saber o NRC dunha taxa que xa pagaches, debes dirixirche á túa oficina de ABANCA. Ademais, se es cliente de Banca a Distancia podes solicitalo a través de Banca Telefónica chamando ao 981  910 522

 

Podes realizar compravenda de divisas a través de Banca electrónica sempre que teñas unha conta en moeda estranxeira. Por exemplo, se tes unha conta en dólares poderás realizar un traspaso desa conta a outra en euros ou viceversa.

Podes abrir unha nova Conta e acumúlanseche todas as vantaxes. Por unha parte terás os beneficios propios da Conta Clara (sen comisións de mantemento e administración, transferencias non urxentes gratis, tarxeta de débito gratuita...) e pola outra manterás os teus privilexios do Programa Cero Comsións.

Se non che corresponde ningún nivel do Programa Cero Comisións, ao non cumprir os requerimentos de Conta Clara empezarías a pagar comisións pola conta e polos productos e servizos asociados. Pero non te preocupes, non pasará se cumpres uns sinxelos requerimentos e, ademáis, avisarémoste antes de que iso suceda.

A Conta Clara está pensada para clientes con perfil dixital e que prefieren realizar as súas operacións a través da banca móbil ou electrónica. Se realizas ingresos ou transferencias na oficina durante dous meses seguidos perderás os privilexios desta conta e pasarás a unha conta básica.

Para que isto non suceda, avisarémoste a tempo no caso de que estés incumprindo algunha das condicións e poder evitar deste xeito a cancelación da Conta.

Non te preocupes a túa conta seguirá mantendo as mellores condicións! Cando cumpras os 35 (ou para aqueles titulares que xa os teñan) só apreciará cambios nas tarxetas. Xa non terás a NX senón que pasará a ser Visa Electrón (seguirá sendo gratis!) E tamén poderás manter a tarxeta de crédito Visa Tú totalmente gratis se realizas compras anuais por máis de 3.000 € (ou se cumpres as condicións do Programa Cero Comisións).

Se aínda non eres cliente de ABANCA e estás pensando en contratar a Conta Clara a través de videochamada, tes que descargar a nosa app de banca móbil e seleccionar a opción "aínda non son cliente". Así poderás darte de alta con videochamada en menos de 10 minutos.

Durante o proceso indicarémosche todos os pasos que debes seguir, recorda ter a man o teu documento de identidade DNI ou NIE para facerlle unha fotografía, solicitarémosche uns datos persoais e os nosos operadores realizarán unha videochamada para facer todas as comprobacións.

Para rematar todo este proceso, enviarémosche por email os contratos, a ficha de cliente e pedirémosche un documento que nos indique o sector no que traballas. Por exemplo, unha copia da nómina ou do informe de vida laboral da Seguridade Social.

Con estos sinxelos pasos, faraste cliente de ABANCA e terás as claves da túa banca a distancia para operar na túa nova banca electrónica e banca móbil ao instante. 

As transferencias inmediatas permítenche realizar envíos de diñeiro de ata 15.000 euros en menos de 20 segundos a calquera país da SEPA. Calquera día e a calquera hora. Para realizalas, só necesitarás coñecer o IBAN da conta de destino. 

Unha transferencia pódese enviar como inmediata se o banco de destino admite este tipo de operacións. Só nestes casos informarémosche de que dispós de envío inmediato. 

Para abrir unha conta só precisas un documento de identidade vixente, por exemplo o DNI ou o pasaporte, e se traballas ou recibes algún tipo de prestación ou pensión, un documento acreditativo da túa situación laboral, de acordo ás leis vixentes de servizos bancarios, de xeito que podamos garantir a túa identidade. Pode ser unha nómina, unha historia laboral, certificado de IRPF ou do pago dalgún imposto, por exemplo. E se non estás a traballar e non recibes prestación, bastará co DNI.

Algunhas contas correntes e de aforro poñen restricións a determinados tipos de titulares. Por exemplo, hai contas específicas para empresas, e hai contas polo contrario que só poden abrilas os particulares, non as empresas.

A maior parte das veces as contas poden ter varios titulares, ou cotitulares: deste xeito, varios de vós podedes compartir a mesma conta corrente: para todos os efectos a conta é de todos, e computa como ben de cada un de vós. No caso de ter varios cotitulares podedes escoller se queredes que sexan indistintos, é dicir, que cada un poida operar libremente coa conta, ou que sexan mancomunados, de maneira que sexan necesarias varias sinaturas para facer as operacións.

Ademais, podes sinalar outras persoas para que sexan autorizadas. As persoas autorizadas poderán realizar un determinado número e tipo de xestións nas contas, pero non serán titulares. É dicir, non son propietarios da conta.

Todas as contas e depósitos, tanto á vista como a prazo, incluíndo fondos de inversión, plans de pensións, de aforro, etc. Só se excluen os valores (como por exemplo as accións)

Se tes un despiste e quedas en descuberto (números vermellos), xeraránseche algúns custos coma os xuros de demora pola cantidade que está en descuberto, e durante o período que permaneza así. Tamén se che cobrará unha comisión por estares en descuberto, e se tardas máis de 3 días en ingresar o diñeiro e poñer a conta en saldo positivo de novo, aplicaráseche unha taxa por reclamarche a débeda.

Aconsellámosche que deas de alta o servizo de avisos de banca a distancia para que che enviemos unha SMS ou un correo cando a conta che entre en descuberto, para que poidas ingresar os cartos canto antes e evitar os custos que xera.

Se o falecido era o único titular, dase de baixa aos autorizados.Que acontece co saldo? Bloquéase o que había na data de falecemento.

Se hai varios titulares, unicamente se bloqueará a parte do saldo correspondente ao falecido á data de falecemento (normalmente a parte proporcional en función do número de titulares).

Podes ampliar información sobres estos trámites na Guía de Tramitación Hereditaria de ABANCA.

Podes calcular o novo código IBAN de calquera conta no noso conversor a IBAN. Na banca electrónica tamén podes obter o IBAN para todas as túas contas (atoparalo no menú Contas).

O BIC ou SWIFT de ABANCA é CAGLESMMXXX. Este é o código que nos identifica como entidade ante todos os demais bancos e entidades financeiras do mundo.

Non, todos os produtos e servizos que contrataches mantéñense exactamente igual. Non hai cambio ningún nas súas condicións nin na numeración.

Para solicitar a cancelación dunha conta é necesario que acudas a unha oficina de ABANCA. Localiza a túa oficina de ABANCA máis próxima.
 

Se dispós do servizo de Banca a Distancia podes dar de alta transferencias europeas. Enténdese por “transferencias europeas” todas aquelas realizadas dentro da Unión Europea ou con destino Islandia, Noruega, Liechtenstein, Suiza e Mónaco, sempre que viaxen en EUROS. Se o envío realízase antes das 12:00 horas, o importe ingresarase o mesmo día hábil ; de non ser así, o importe será ingresado no seguinte día hábil.

A partires de agora, desde a túa banca a distancia, podes realizar transferencias europeas inmediatas de ata 15.000€ entre entidades adheridas.

Se o desexas tamén podes facer as túas transferencias en Banca Móbil  ou desde o servizo de Banca Telefónica chamando ao teléfono 981 910 522 en horario de luns a venres de 08:00 a 22:00h.

Son Transferencias internacionais todas aquelas cuio destino son países non SEPA. O territorio SEPA está constituído por 34 países que operan coa moeda euro: os 28 que forman a Unión Europea máis Islandia, Lietchestein, Noruega, Suíza, Mónaco e San Mariño.

Para realizar unha transferencia internacional, fai clic na pestana de "Transferencias" e accede á opción "A outros países". Lembra que para realizar estas transferencias ademais dos datos do beneficiario, debes introducir o código identificativo do banco (BIC ou SWIFT).

O importe das Transferencias Internacionais debe  ser inferior a 50.000 euros (ou o seu contravalor en divisas). Os gastos son compartidos entre o ordenante e o beneficiario. As operacións en moeda diferente ao euro deben de enviarse entre as 08:30 e as 17:00 horas.

Para realizar unha transferencia periódica, fai clic na pestana de "Transferencias" e accede á opción "Nacionais e Europeas". A continuación, debes introducir os datos da operación e seleccionar como Tipo de Transferencia a opción "Periódica", indicando a periodicidade da operación (diaria, semanal, quincenal, mensual, bimestral, trimestral, semestral ou anual).
Se o desexas tamén podes facer as túas transferencias a través do servizo de Banca Telefónica, chamando ao teléfono 981 910 522 en horario de luns a venres de 08:00 a 22:00h.

Se dispós do servizo de Banca a Distancia podes ordenar ingresos nas túas contas dende outra entidade.
Podes solicitar de maneira gratuíta un ingreso dende as túas contas doutras entidades á túa conta de ABANCA, sempre e cando coincida a titularidade. Este importe permanecerá bloqueado durante 58 días.

Se o desexas tamén podes facer as túas transferencias en Banca Móbil ou desde o servizo de Banca Telefónica chamando ao teléfono 981 910 522 en horario de luns a venres de 08:00 a 22:00h.

Podes obter un xustificante en formato PDF accedendo á opción Transferencias – Consultas – Transferencias  da túa banca electrónica. Tamén está dispoñible o  xustificante na apartado Correspondencia.
Se non dispós do servizo de Banca a Distancia debes de acudir a unha das nosas oficinas para realizar este trámite.

Se dispós do servizo de Banca a Distancia podes obter un extracto dos movementos  da túa conta na opción Contas da túa Banca Electrónica. Tan só será necesario que selecciones o período de datas que desexas consultar e o formato do resultado da consulta: Excel, Microsoft Money OFC, Microsoft Money OFX, Norma 43 AEB e PDF.

O código de oficina é o segundo grupo de 4 díxitos do teu número de conta

Se dispós do servizo de Banca a Distancia podes dar de alta transferencias nacionais, internacionais, periódicas e ordenar ingresos nas túas contas dende outra entidade.

Considéranse transferencias nacionais todas aquelas realizadas dentro do territorio Español. Se o envío se realiza antes das 12:00 horas, o importe ingresarase o mesmo día hábil en destino; de non ser así, o importe será ingresado no seguinte día hábil.

Se o desexas tamén podes facer as túas transferencias por Banca Móbil  ou desde o servizo de Banca Telefónica chamando ao teléfono 981 910 522 en horario de luns a venres de 08:00 a 22:00h.

Non te inquedes, nós xa o facemos por ti. Non tes que mudar a domiciliación dos recibos porque a numeración non cambia, e segue a ser exactamente igual.

Mais desde hai uns meses é posible que algunha empresa ou particular che solicite o IBAN da túa conta porque xa non lle chegue co teu código antigo. E se vas dar de alta unha nova domiciliación deberás facilitarlle ao emisor o IBAN da túa conta. Para coñecer o IBAN da túa conta podes empregar o conversor de IBAN que creamos para ti ou acceder á túa banca electrónica e ver a nova numeración.

Ademais, se queres pagar os teus recibos online, agora puxémoscho doado. Porque podes facelo desde a túa banca electrónica ou tamén desde esta mesma web: só vas necesitar unha tarxeta de crédito ou de débito, de ABANCA ou de calquera outra entidade se aínda non es cliente noso. Pagar os teus recibos agora.

O IBAN, ou Número Internacional de Conta Bancaria, é o novo código identificador de contas correntes. Aínda que xa existía desde hai tempo, nos últimos meses volveuse un número obrigatorio en toda a SEPA. A súa función é facilitar os pagamentos internacionais e funciona en toda a Unión Europea, Islandia, Suíza, Liechtenstein, Noruega e Mónaco.

Agora segues tendo as mesmas contas ca antes, pero podes referirte a elas con dous números lixeiramente distintos: o número antigo (o CCC, formado por 20 díxitos) e o novo código IBAN, que é exactamente igual có anterior agás por catro caracteres que se lle engaden ao comezo: o código ES (España) e dous díxitos de control. Se queres saber cal é o IBAN de calquera conta segundo esta nova normativa, podes utilizar este conversor.

De forma progresiva, deixaremos de utilizar os antigos formatos de conta para usar o IBAN. Pero non te preocupes, pois vai ser unha transición progresiva e doada da que non te vas nin decatar. Podes consultar o IBAN das túas contas na sección Contas da banca electrónica ou, de forma máis sinxela, nesta mesma web, no conversor de números de conta.

Para realizar unha transferencia internacional necesitas o Swift/BIC do banco de destino, o nome do beneficiario (persoa /empresa que recibe o diñeiro) e o IBAN da conta na que se van a ingresar os fondos.

 

Se desexa que lle envíen diñeiro desde o estranxeiro debe facilitar os seus datos de Swift / BIC e IBAN

Tes tres opcións:

• se es cliente de banca electrónica, podes consultala no apartado Correspondencia.

• tamén podes consultar esa información na app de ABANCA que descargaches no teu smartphone.

• se aínda non es cliente da banca a distancia, terás que ir á túa oficina máis próxima onde cha daremos encantados.

Conforme a normativa vixente, os obxectos promocionais constitúen unha retribución en especie para ti, polo que están suxeitos ao Imposto sobre a Renda das Persoas Físicas (IRPF). Que significa isto? Pois que ABANCA, cando che entregue un obxecto do catálogo Netclub, vaiche imputar o valor da retribución en especie para efectos da súa declaración de IRPF, tal e como o esixe a normativa.
 

Podes chamar ao 981 910 522 para consultar o teu saldo de Puntos Netclub e realizar o teu pedido. Pódense cambiar os Puntos Netclub por libros, videoxogos, tecnoloxía ou outro artigos que aparecen no catálogo Netclub.

Podes solicitar ou ingresar moeda estranxeira en calquera das nosas oficinas.

Se necesitas billetes en moeda estranxeira para as túas viaxes u outras cuestións, podes solicitar ou ingresar moeda estranxeira en calquera das nosas oficinas.

Tamén podes facelo a través do servizo de Banca telefónica, no que che daremos unha cita na oficina máis preta de ti para que non fagas colas e teñas os billetes preparados. Chámanos ao 981 910 522  e selecciona a opción de Banca telefónica con horario de L a V de 8:00 a 22:00 (agás festivos nacionais).