Que debo ter en conta coa miña tarxeta financeira para un bo funcionamento no estranxeiro?

Podes utilizar a túa tarxeta financeira de ABANCA fóra de España xa que funciona en calquera lugar do mundo. Se precisas retirar diñeiro de caixeiros, podes consultar o funcionamento aquí.

Ademais, comentámosche algúns puntos importantes a ter en conta se vas viaxar:

1. Informa a ABANCA da túa viaxe para que poidamos adaptar os controis de seguridade á túa mobilidade xeográfica. Podes facelo na túa oficina ou chamando ao teléfono de seguridade 900 815 525 (se chamas dende o estranxeiro +34 981 910 525)
2. Comproba na túa App móbil que a túa tarxeta está activada e acesa. Ademais, revisa os límites de gasto na opción "Máis", "Personalizar" onde poderás ver e modificar os límites de gasto dos distintos canais: caixeiros, internet e comercios. 
3. Leva sempre unha segunda tarxeta ou algo de efectivo por se o precisas. É aconsellable levar polo menos unha tarxeta de crédito porque en moitos comercios solicítana para poder aloxarte ou reservar, por exemplo. 
4. Ten en conta que se a moeda do país non é o euro, nos pagos con tarxeta podes ter comisións por cambio de divisa.

Se precisas mercar divisas en efectivo antes de viaxar, podes consultar a dispoñibilidade na túa oficina máis próxima.