Cales son os beneficios do nivel Xove do Programa Servizos ABANCA?

O Programa Servizos ABANCA permíteche aforrar no pagamento dos servizos bancarios máis habituais se cumpres certos requisitos. 

Estes son os beneficios que tes nunha conta que pertence ao nivel Xove:

• 0 € de comisión de mantemento e administración da túa conta á vista. 
• 1 tarxeta de débito Tú NX, sen comisión de emisión e mantemento, nin comisión de cambio de divisa no estranxeiro. 
• Coa tarxeta de débito Tú NX, retiradas gratis en todos os caixeiros ABANCA, 5 retiradas gratis ao mes nos caixeiros fóra de Galicia (Euro 6000, Euronet, Sabadell, Bankinter, Caja de Arquitectos, Caja Ingenieros, Euro Automatic Cash e Banca March) e 5 retiradas gratis ao mes fóra de España en calquera caixeiro. Aínda que ABANCA non cobre ningunha comisión por retiradas de efectivo a débito en caixeiros doutras redes fóra de España, algunhas entidades poderán aplicar unha comisión ou taxa de recarga polo uso da súa rede de caixeiros que será a cargo do cliente. As retiradas nos caixeiros non efectuadas durante un mes non serán acumulables aos meses seguintes.
• 0 € todas as transferencias SEPA non urxentes en euros realizadas desde esta conta.
• 0 € todos os ingresos de cheques nacionais en euros realizadas desde esta conta.