Tarxetas

Tarxetas

  • Podo repartirlles tarxetas de crédito aos meus empregados?

    Si, coa Tarxeta Business ABANCA podes entregar tantas tarxetas como queiras. A túa empresa, que é a titular das tarxetas, poderá distribuír o crédito global que teña entre os empregados que a necesiten. Ti decides canto crédito distribúes entre eles.

  • Podo solicitar límites de crédito diferentes nas tarxetas para os distintos empregados?

    Si. A empresa elixe o límite do crédito que lle quere asignar a cada un dos seus empregados. Claro está, sempre que o total do crédito non sexa maior có crédito global de que dispón a túa empresa.

    Podes establecer límites mensuais diferentes para cada traballador, pero tamén límites diarios, para controlar non só o disposto total ao longo do mes, senón tamén o disposto nas operacións do día a día.

  • Podo personalizar a tarxeta co logotipo da miña empresa?

    Se contratas máis de 10 tarxetas, non só podes personalizalas co logo da empresa, senón que ademais esta personalización che sairá de balde.

    Podes personalizar o logotipo e tamén a cor de fondo, como elemento diferenciador da túa empresa. Así a tarxeta de crédito converterase noutro dos elementos promocionais da túa compañía.

  • E se lle rouban a tarxeta a un dos meus empregados, que risco corre a empresa?

    Ao igual que calquera outra tarxeta, se a algún dos teus empregados lle rouban a tarxeta, ou se simplemente a perde, terás que notificalo canto antes para que se che poida anular e bloquear.

    Para notificar a perda ou o roubo dunha Tarxeta Business ABANCA, podes chamar ao 981 910 522 ou ben acudir á oficina máis próxima de ABANCA. Desde o momento en que nos avises non terás ningunha responsabilidade sobre os gastos que che poidan cargar na tarxeta.

  • Como tramito a devolución dunha operación APRAZOS?

    A devolución dunha operación tramítase do mesmo xeito con independencia de se hai financiamento no punto de venda (APRAZOS) como se non. Se queres devolver unha operación no mesmo día, pódelo facer a través do teu terminal tramitándoa como unha anulación. Se a operación é de días previos, debes tratala como unha devolución se aínda figura na operativa do TPV.

    Podes consultar o manual específico do teu terminal para saber como anulares ou devolveres unha operación.

  • Como fago unha venda por APRAZOS?

    Para realizar unha venda a prazos debes seleccionar no terminal a opción Venda a prazos, introducir a tarxeta no lector de chip ou lerlle a banda, e teclear o importe de la operación. A continuación o cliente deberá teclear o PIN e o comercio deberá teclear o número de prazos.

    Podes consultar no manual específico do teu terminal os pasos concretos a seguir para tramitar unha operación de venda a prazos.

  • Cómo podo contratar o VIA-T en ABANCA? É certo que funciona en Portugal?

    Si! O servizo VIA T de ABANCA permíteche pagar ademais de en todas as peaxes do territorio español, nas autoestradas portuguesas. Tamén poderás circular por algúns treitos do sur de Francia: A-63 (Biriatou – St. Géours de Maréenme) y A-64 (Bayonne – Lestelle). Ademais, cada vez é máis frecuente que poidas utilizalo mesmo en parkings, sen que teñas que preocuparche por tickets, buscar a cabina de cobro...

    Para contratalo, é necesario dispoñer dunha conta ABANCA á que asociar os cobros do dispositivo, nada máis. Podes solicitalo desde a web e seleccionar a oficina na que queres recollelo. Normalmente, nun ou dous días poderíalo ter xa no teu poder. E lembra que podes consultar as operacións realizadas coa túa VIA T na sección cartóns da túa banca electrónica ou móbil.

  • Teño unha tarxeta Contactless e pregúntome, é obrigatorio pasala polo sistema Contactless?

    Non é obrigatorio. Unha tarxeta Contactless pode operar tamén con lectura de chip ou mediante a lectura da banda magnética. Ademais, se se utiliza calquera destes dous métodos alternativos, sempre se solicitará o tecleo do PIN.

  • Como se acende ou apaga o meu TPV Contactless?

    Se tes instalado un terminal Ingenico, para acender ao terminal é necesario pulsar durante uns segundos a tecla verde. Para apagar o terminal tes que pulsar á vez a tecla amarela e a tecla “.”.

    Ten en conta que se o terminal se está cargando, ao apagar reiníciase automaticamente.

    Se dispós dun terminal Spire, no lateral tes un botón de aceso/apagado.

    Se tes instalado un terminal Verifone, para acender o terminal tes que pulsar durante uns segundos a tecla verde. Para apagalo hai que pulsar durante uns segundos a tecla vermella.

    Lembra que se o terminal está a cargarse non se pode apagar.