Tramitación de incidencias con tarxetas ABANCA

Incidencias relacionadas coas coberturas de asistencia nas viaxes ou seguro de accidentes

Para prestarche os servizos inmediatos ás garantías deste seguro, será imprescindible que nos solicites a intervención desde o momento do suceso nos seguintes teléfonos. O servizo está activo 24 horas e podes chamar a cobro revertido:

• Desde España: 902 100 728
• Desde outro país: +34 91 594 96 74

Se non necesitas a prestación do servizo de forma inmediata, isto é o que deberás facer:

1. Cubre este formulario e marca cun X o motivo da incidencia. É imprescindible que o asines en todos os apartados nos que se solicite a sinatura do titular.
2. Recompila a documentación necesaria para tramitar a incidencia. Aquí podes consultar os documentos que debes entregar segundo cada caso.
3. Envía o formulario cuberto e a documentación ao correo electrónico abancacorreduria@abancaseguros.com para que a tramitemos.
4. Unha vez confirmada a cobertura da incidencia, a compañía aseguradora Caser. S.A. aboará a indemnización correspondente mediante unha transferencia bancaria na conta corrente que nos indiques.

Incidencias relacionadas co uso fraudulento das tarxetas ABANCA ou incidencias operativas (operación duplicada, efectivo non recibido ou servizo non prestado, entre outras)

1. Cubre este formulario e marca cun X o motivo da incidencia. É imprescindible que o asines en todos os apartados nos que se solicite a sinatura do titular. E lembra que só poderás seleccionar unha das opcións.
2. Recompila a documentación necesaria para tramitar a incidencia. Aquí podes consultar os documentos que debes entregar segundo cada caso.
3. Envía o formulario cuberto e a documentación ao correo electrónico incidenciasoperacionestarjetas@abanca.com para que a tramitemos.
4. Se a incidencia non correspondese ou necesitásemos máis documentación, comunicarémoscho. Se todo está correcto, procederemos directamente a xestionar a incidencia.