Contámosche todo o que necesitas saber nos teus primeiros días en ABANCA

Todo vai ser moi sinxelo. A integración xa finalizou, e a partir de agora tes á túa disposición (ti e o teu diñeiro, os teus negocios, os teus proxectos… ) mellor tecnoloxía, máis oficinas, máis xestores, e todo o apoio dun banco internacional con máis de 700 oficinas en España e en outros 11 países.

Descarga a app de ABANCA no teu móbil e empeza a vivir unha experiencia de banca diferente.

Non debes preocuparte por nada. Hai pouco enviámosche unha carta na que che informabamos do cambio de numeración nas túas contas e contratos e achegabámosche os teus novos números. O cambio é totalmente automático e non afecta as túas domiciliacións, transferencias ou outras operacións, non debes preocuparte de nada.

Se queres saber ou comprobar o teu novo IBAN, só tes que entrar na túa banca online de ABANCA (desde o botón "Área cliente" situado na parte superior desta páxina) co teu NIF e o teu novo PIN que che enviamos por SMS. Se non o recibes, podes obtelo a partir do luns 24 de outubro na páxina de conexión da app de ABANCA ou na banca electrónica, ou chamándonos ao 900 815 669.

Se o necesitas, podes consultar a numeración anterior da túa conta, incluímola como parte do nome da conta en 'Contas' > 'Renumeracion Contas'.

Desde hoxe tes á túa disposición novas ferramentas coas que che será máis sinxelo que nunca xestionar o teu diñeiro: unha das mellores apps do mercado con Bizum integrado, un novo portal de banca online e un bróker online para xestionar os teus investimentos, ademais doutras apps e servizos, como Google Pay e Apple Pay para pagar co móbil, entre outros.

Se non o fixeches aínda, descarga a app: é gratis, poderás acceder co teu NIF ou NIE (por exemplo 00123456A) e o teu novo PIN que che enviamos por SMS. Se non o recibes, podes obtelo a partir do luns 24 de outubro na páxina de conexión da app de ABANCA ou na banca electrónica, ou chamándonos ao 900 815 669.

Na túa app poderás facer unha chea de operacións, desde pagar un recibo facéndolle unha foto ata consultar os movementos das túas contas, o informe de gastos das túas tarxetas, as posicións dos teus fondos, etc.

Fixemos o necesario para conciliar seguridade e comodidade. Por iso utilizarás o teu NIF e un novo PIN que che enviamos por SMS para entrar tanto na túa app de banca móbil (aínda non a descargaches?) como na túa nova banca online.

En caso de non recibir o teu PIN por SMS, poderás obtelo a partir do luns 24 de outubro na páxina de conexión da app de ABANCA ou na banca electrónica, ou chamándonos ao 900 815 669.

Nesta mesma páxina web tes toda a información necesaria para o teu primeiro acceso.

En ABANCA, existen claves de acceso diferenciadas para a banca online de particulares e de empresas. Este é o motivo polo que recibes dous PIN diferentes.

Nos SMS que recibas, cada PIN virá identificado. Ademais, poderás cambialo sempre que queiras desde a banca online.

Queremos ofrecer a mellor experiencia, por iso poderás seguir utilizando as túas tarxetas como ata hoxe, coas túas mesmas claves, límites… sen que teñas que facer nada. As tarxetas de crédito manterán o seu funcionamento dual en caixeiros, podendo escoller facer a operación a crédito ou a débito.

Dentro dun tempo si que renovaremos todas as tarxetas: enviarémola á túa casa e só terás que activala e gozala! Mentres tanto, infórmate de todas as vantaxes das que podes gozar hoxe mesmo só por ter a túa tarxeta e ser cliente de ABANCA: desde descontos en gasolineiras e hoteis, e ata seguros de viaxe gratuítos!).

Podes sacar diñeiro a débito coa túa tarxeta sen pagar ningunha comisión en todos os caixeiros ABANCA. Fóra de Galicia, tamén poderás retirar efectivo 5 veces ao mes nos caixeiros da Red Euro 6000, Euronet, Sabadell, Bankinter, Caja de Arquitectos e Caja Ingenieros.

Podes enviar e recibir diñeiro con Bizum desde a app de ABANCA. Descobre como habilitar Bizum por primeira vez e como utilizalo.