Alavuelta atrae utiliza técnicas e recursos de analítica e o big data para recoller, interpretar e analizar os hábitos de compra dos nosos clientes para lograr identificar aqueles que son máis afíns ao teu comercio. Cando decidas realizar unha oferta, organizar un evento ou compartir unha novidade, Alavuelta atrae farállela chegar a eses clientes que seleccionamos para ti e que están esperando ter noticias túas.

Alavuelta atrae é unha ferramenta de ABANCA para comercios que che vai axudar a conectar cos teus clientes. Trátase dun servizo no que os nosos expertos che axudarán a atraer clientes que aínda non te coñecen, pero tamén a manter os de sempre.

Mediante unha app encargarémonos de lles enviar notificacións a todos os teus clientes, reais e potenciais, cando teñas unha oferta, novidade ou comunicación que queiras compartir.

Daranos moita pena! Se decides darte de baixa, só tes que escribirnos un correo electrónico a alavuelta@abanca.com e solicitar a baixa do servizo.

Ponte en contacto coa túa oficina habitual e os nosos xestores darante de alta no servizo.

A fotografía que subas será a que sirva de reclamo para os clientes e a que se vai identificar co teu comercio, polo que recomendamos que sexa unha fotografía de calidade e representativa da comunicación que lles queiras trasladar aos teus clientes.

Para unha correcta visualización debería ter unha resolución mínima de 320x180px e recomendamos que a proporción empregada sexa de 16:9 e 400kb de peso máximo. 

Poñémosche un exemplo de como reducir o tamaño dunha imaxe en Windows de xeito rápido e sinxelo:

1. Abre a imaxe co programa Paint. Preme co botón dereito sobre a imaxe, busca ‘Abrir con…’ e selecciona Paint
2. Unha vez o programa estea aberto, prememos en ‘Cambiar tamaño’. Debemos seleccionar ‘Píxeles’ e asegurarnos de que a opción ‘Manter relación de aspecto’ está activada. Unha vez feito, poñemos 800 en ‘Horizontal’ e aceptamos.
3. Vamos a ‘Arquivo’, prememos en ‘Gardar como… Imaxe JPG’, aceptamos, e listo! O tamaño da imaxe reduciuse e xa está lista para subir a Alavuelta.

Se necesitas algunha aclaración sobre algunha das funcionalidades, datos ou gráficos que se mostran en Alavuelta atrae non dubides en escribirnos un correo electrónico a alavuelta@abanca.com comentándonos as túas dúbidas ou suxestións.

Desde a sección 'Ofertas' do panel de 'Comunicacións' poderás crear unha nova oferta de forma fácil e sinxela simplemente seguindo os pasos do asistente para a creación de ofertas.

Se es dos que realizan ofertas de forma recorrente, poderás crear unha oferta nova a partir dunha antiga. Para iso só terás que buscar aquela a partir da cal a queres crear e seleccionar no despregable a opción 'Crear unha nova a partir desta'.

Desde a sección de 'Novidades' do panel de 'Comunicacións' poderás crear unha nova noticia de forma fácil e sinxela simplemente seguindo os pasos do asistente para a creación de noticias.

Igual ca na sección de 'Ofertas' e 'Eventos', podes crear unha noticia nova a partir dunha antiga. Para iso só terás que buscar aquela a partir da cal a queres crear e seleccionar no despregable a opción 'Crear unha nova a partir desta'.

Desde a sección de 'Eventos' do panel de 'Comunicacións' poderás crear un novo evento de forma fácil e sinxela simplemente seguindo os pasos do asistente para a creación de eventos.

Se o desexas, podes crear un evento novo a partir dun antigo. Para iso só terás que buscar aquel a partir do cal o queres crear e seleccionar no despregable a opción 'Crear un novo a partir deste'.

Se tes varios establecementos e queres engadir un novo á ferramenta, tan so debes escribir un correo electrónico a alavuelta@abanca.com indicándonos que establecementos queres monitorar. Tras a realización das correspondientes validacións, poderás consultar todos os datos en Alavuelta atrae.

Consulta o manual de Alavuelta para resolver as túas dúbidas sobre esta ferramenta.