Gure app-a erabiltzeko baldintzak
Erabilera-baldintza orokor hauek ABANCA Corporación Bancaria S.A. entitatearen urrutiko bankako zerbitzuen aplikazioaren deskarga, erregistroa eta erabilera arautzen dute (aurrerantzean, "aplikazioa" edo "app-a") aplikazioarekin bateragarria den edozein gailutan.
ABANCA Corporación Bancaria, S.A.k erabilera-baldintza orokor hauek aldatzeko eskubidea izango du, osorik edo zati batean, eta edozein unetan. Edozein unetan kontsultatu ahal izango dituzu une bakoitzean indarrean dauden erabilera-baldintza orokorrak, app-ean eskuragarri daudenak.
ERABILERA-BALDINTZA OROKORRAK
1. Titulartasuna eta onarpena
ABANCA Corporación Bancaria S.A.-k (aurrerantzean, “ABANCA”) Betanzosen (Coruña) du helbide soziala, Cantón Claudino Pita, 2, P.K. 15300, eta bere IFKa A-70302039 da. Kreditu-erakunde hau Espainiako Bankuak gainbegiratzen du eta Espainiako Banku eta Bankarien Erregistroan inskribatuta dago, 2080 kodifikazio-zenbakiarekin. Coruñako merkataritza-erregistroan ere inskribatuta dago, Sail Orokorreko 3426. liburukia, 1. folioa, C-47.803 orria, 1. Inskripzioa. ABANCAri dagokio aplikazioaren titulartasuna, zeina erabiltzaileen eskura jartzen baitu eta haren bidez urrutiko banku-zerbitzu jakin batzuk ematea ahalbidetzen baitu.
Aplikazioa deskargatzea eta haren funtzionaltasunetara sartzea doakoa izango da, Interneteko konexioa eta/edo nabigazioa izateagatik kontratatuta duzun tarifa izan ezik.
App-a deskargatuta, baimena ematen duzu urrutiko bankako zure zerbitzuetara sartzeko kanal berri bat sortzeko, urrutiko bankako zure kontratuan aurreikusitako baldintzetan. Horrez gain, erabilera-baldintza orokorrak irakurri, ulertu eta, inolako eragozpenik gabe, onartu izana berresten duzu. Erabilera-baldintza orokorrak nahi duzunean irakurri, inprimatu, deskargatu eta gorde ahal izango dituzu, app-ean beti egongo baitira eskuragarri.
2. App-aren jabetza industriala eta intelektuala
App-aren, software-aren eta/edo ABANCAk bere zerbitzuak app-aren bitartez eskaini ahal izateko beharrezkoa den edozein teknologiaren (aurrerantzean, teknologia) titulartasuna ABANCAri edo lizentziak ematen dituzten hirugarren enpresei dagokie.
ABANCAk teknologia doan erabiltzeko lizentzia bat emango dizu, pertsonala eta besterenezina, mugatua, ez-esklusiboa eta erabilgarria, erabilera-baldintza orokorrak onartu ondoren. Erabilera horren barne sartzen da teknologiaren erreprodukzio osoa edo partziala, gailu batean teknologia hori erabiliz, deskargatuz edo erakutsiz soilik.
Era berean, app-ean sartutako eduki guztiak ABANCAren jabetza industrial eta intelektualaren eskubideek edo app-ean sartzea baimendu duten hirugarren titularren eskubideek babesten dituzte. Eduki horien artean, edozein Copyright, diseinu-eskubide, logotipo, izen komertzial, marka, Interneteko domeinu-izen, eskubide moral, iturri-kode, txosten, marrazki eta jabetza intelektualeko beste edozein eskubide eta munduko edozein tokitan dauden babes-modu baliokideak sartzen dira. Beraz, berariaz debekatuta dago marka, izen komertzial, diseinu, testu, argazki, logotipo, ikono eta industria- edo merkataritza-erabilera izan dezaketen gainerako zeinu edo elementu horiek erabiltzea edo erreproduzitzea, ABANCAren berariazko eta idatzizko baimenik gabe.
App-ean eskuragarri dauden edukia (adibidez, informazioa, dokumentazioa, irudiak) igotzeko funtzionaltasunei dagokienez (adibidez, txata, profil-argazkia, etab.), bermatzen duzu datuak, argazkiak, irudikapen grafikoak eta app-aren bidez ematen diguzun edozein eduki (aurrerantzean, "edukiak") titularren edo horien erabilera-lizentziaren jabetzakoak direla edo haien baimena lortu duzula.
Hau da, edukiaren erantzukizun osoa duzu eta konpromisoa hartzen duzu app-aren bidez ABANCAri legearen, moralaren, ordena publikoaren eta erabilera-baldintza orokor hauen aurkako edukirik ez emateko edo ez igotzeko. Edukiak, halaber, ezin du hirugarrenei buruzko datu pertsonalik izan, eskubideen titularraren baimena behar badute.
ABANCAk uko egiten dio edukiari buruzko erantzukizun mota orori. Edukiak app-etik kendu edo ezabatu ahal izango ditu, baldin eta, bere iritziz, edo hirugarrenen salaketaren ondorioz, eduki horrek hirugarrenen eskubideak edo erabilera-baldintza orokor hauek urratzen baditu. Betebehar horiek ez betetzearen ondorioz sor litekeen edozein kalte-galeraren erantzule zuzena izango zara edozein hirugarrenen aurrean. ABANCAk dagozkion legezko ekintza guztiak egiteko eskubidea du, baita paragrafo honetan jasotakoa ez betetzeagatik sortutako kalte-galerak erreklamatzeko eskubidea ere.
3. Erantzukizunetik salbuestea
Aplikazioa erabiltzean, app-a eta haren zerbitzuak zure erantzukizun osoaren pean erabiltzen direla onartzen duzu. ABANCAk ez du inolako bermerik ematen eta ez da, inola ere, zure terminalean teknologia erabiltzearen edo instalatzearen ondorioz sor daitezkeen edozein motatako kalte-galeren erantzule egingo. ABANCAk ez du erantzukizunik izango erabilera-baldintza orokor hauen edo teknologiaren fede onaren baldintzen kontra doan erabilera ez-zilegi, arduragabe edo iruzurrezkoaren gainean.
4. App-ean dituzun jokabide-betebeharrak
App-a erabiltzean modu arduratsu, zuzen eta zilegian egin behar duzu, beraz, debekatuta dago: - App-aren edukiak legearen, moralaren eta oro har onartzen diren ohitura onen edo ordena publikoaren aurkako helburuetarako edo ondorioetarako erabiltzea. - Edozein software, hardware edo telekomunikazio-ekipamenduren funtzionamendua eten, kaltetu edo mugatzeko edo hirugarrenen datuak edo bestelako informazioa baimenik gabe eskuratzeko diseinatuta dagoen birus, artxibo, programa edo beste edozein kode erabiltzea. - ABANCAren edozein sistema edo sareren zaurgarritasuna frogatzeko edo edozein segurtasun edo autentifikazio neurri urratzeko edozein saiakera egitea. - App-aren edozein informazio faltsutzea edo aldatzea.
5. Datu pertsonalen tratamendua
Zure datu pertsonalen tratamenduari dagokionez, ABANCAk zure datuak tratatu ahal izango ditu, sinatu duzun Bezeroaren Fitxan adierazitako helburu guztiak betetzeko, baita ABANCAren aplikazioan eta web gunean argitaratuta dagoen pribatutasun politikan adierazitako helburuak betezeko ere www.abanca.com/es/legal/politica-privacidad. Helburu bakoitzerako zehaztutako legitimazio-oinarriaren arabera beteko dira helburuak. Baimendu izan dituzun helburuak barne hartzen dira, baldin eta datuak babesteko araudi aplikagarriaren arabera baimena eman behar izan baduzu.
6. Segurtasuna
ABANCAk App-erako edo bere funtzionalitateetarako sarbidea mugatzeko edo eragozteko eta/edo pasahitzak desaktibatzeko eta blokeatzeko eskubidea du, baldin eta arrazoi objektiboak badaude, app-ak behar bezala funtzionatzeko hartutako segurtasunari edo haren funtzionaltasunei eta/edo baimenik gabeko edo iruzurrezko erabileraren susmoari lotuta daudenak.
ABANCAk jakinaraziko dizu app-era sartzea edo haren funtzionaltasunak edo/eta pasahitzak desaktibatzea eragozten duen edozein ekintza ezabatzen, mugatzen edo blokeatzen bada.
7. Aldaketak
ABANCAk app-ean egokitzat jotzen dituen aldaketak egiteko eskubidea izango du, aldez aurretik abisatu gabe. Aldaketa horiek edukian, app-aren zerbitzuetan eta itxuran eragin dezakete.
8. Aplikatu beharreko legeria
Erabilera-baldintza orokor hauek Espainiako legediaren arabera arautuko dira.