Kontakturik gabeko txartelarekin 20 eurotik beherako erosketak, hau da, PIN kodea sartu gabe egitekoak, kopuru jakin bat duzu soilik. Segurtasunagatik, behin muga horretara iritsita, ordainketak errorea emango dizu.

Hori gertatzen baldin bazaizu, txartela terminalaren zirrikituan sartu eta PIN kodea sartu baino ez duzu egin behar. Horrela, kontagailua zeroan ipiniko da.

12 eta 34 urte bitartean izatea baino ez duzu behar.  Adin txikikoa, baldin bazara, ABANCA bulego batera joan beharko zara zure amarekin, zure aitarekin edo zure legezko tutoretza duen pertsonarekin kontratua formalizatzeko.

Dirua doan atera dezakezu zure ABANCA zordunketa-txartelarekin gure kutxazain guztietan.

Gainera, sarea osatzen dugun erakundeon arteko akordio bati esker Euro 6000, Banco Sabadell, Bankinter, Caja de Arquitectos eta Caja Ingenieros, ABANCAko bezero modura Espainiako 18.000 kutxazain baino gehiagotan atera ahalko duzu dirua. Horietan dirua atera ahalko duzu hilean 5 aldiz gehienez Galiziatik kanpo baldin bazaude eta seigarren ateratzetik aurrera 0,50 euroko kostu batekin Euro 6000 sarean, 0,55 euroko kostu batekin Bankinter eta Caja Ingenierosen, 0,60 euroko kostu batekin Caja de Arquitectosen, eta 0,65 euroko kostu batekin Banco Sabadellen. Gainerako kutxazainetan kutxazainaren jabedun den erakundeak aplikatzen duen komisio bat kobratuko zaizu.

Kutxazain nazionaletan kutxazainaren jabedun den erakundeak aplikatzen duen komisioaren zenbatekoaren berri emango dizu eragiketa egin aurretik, kutxazainaren pantailan mezu bat agerraraziz, hura berretsi edo ezezta dezazun.

Gainera, gure ABANCA Zerbitzuen Programako premium mailan baldin bazaude, dirua doan atera ahalko duzu, inolako komisiorik ordaindu gabe (zentimo bakar bat ere ez), Galiziatik kanpo EURO 6000 sarea, Banco Sabadell, Bankinter, Caja de Arquitectos eta Caja Ingenieros erakundeen arteko akordiora atxikita dauden 18.000 kutxazain baino gehiagotan, eta Espainiatik kanpoko kutxazain guztietan.

35 urte baino gutxiago baldin badituzu eta gure Tú NX txartelaren abantailak baldin badituzu, ABANCAK ez dizu deus kobratuko dirua atzerrian ateratzeagatik hilean bost bider gehienez, ezta dibisaren aldaketaren ondoriozko komisioa ere.

Ez, bakar bat ere ez. Tú NX txartelak, era berean, ez dizu kanbioaren ondoriozko komisiorik aplikatzen kutxazainetan euroz aparteko monetetan egindako diru-ateratzeengatik. Dena da abantaila!

Zure txartelarekin euroa ez den beste moneta bat erabiliz erosketa bat egin edo kutxazain batean dirua ateratzen duzunean, eragiketan erabilitako monetaren balioa eurotara bihurtzen da.

Bihurketa zure txartelaren markak zehaztuko du, Visak edo Mastercard-ek, azken bankuaren eta ABANCAren arteko operazioa likidatzen den egunean. Baliteke egun hori eta zuk eragiketa egin duzun eguna bat ez etortzea, herrialdearen, merkataritzaren, beste bankuaren... arabera eta ez dago aurrez jakiteko modurik.

Bihurketaren gutxi gorabeherako bat izan dezazun, dibisa kalkulagailu bat prestatu dugu, data jakin batean zure ABANCA txartelarekin  atzerriko moneta bat erabiliz ordaintzen duzunean aplikatzen den kanbio-tasa ezagutu dezazun. Kalkulagailuak egun eta moneta horietarako guk esakintzen dizugun tipoaren eta Europako Banku Zentralak (EBZ) eskaintzen duen tipoaren arteko aldea erakutsiko dizu, ehunekotan. Zenbaitetan ezin izango dizugu informazio hori eman, EBZak ez baitu ematen moneta guztien bihurketa-informazioa. Gainera, baliteke zure txartelak dibisa aldaketagatik komisioa izatea, kontratuan zehaztutakoaren arabera. Zure kasua bada, kalkulagailuak hori ere azalduko dizu. 

Kontuan izan beste moneta bat erabiltzen duten atzerriko herrialdeetako kutxazain batzuek aukera eman diezazuketela eragiketa zuzenean eurotan egiteko. Kasu horretan, kanbio-tasa kutxazain horrek berak ezartzen du eta, beraz, ABANCAk ez du parte hartzen eta ez du erantzukizunik horretan. Kutxazain horrek erabiliko duen kanbio-tasaren berri eman beharko lizuke. Eragiketa hauek zuzenean eurotan egingo dira eta, ondorioz, ez zaizu txartelak izan dezakeen dibisak aldatzeagatiko komisiorik aplikatuko. Hala ere, kontuan izan behar duzu, agian, eskaintzen dizuten kanbio-tasa ABANCAk eskaintzen dizuna baino okerragoa dela.

Segurtasun-arrazoiak direla eta, txartel guztiek dute eragiketa bakarrean gastatu edo kutxazainetik atera dezakezun gehienezko diru-kopuru bat. Horri txartelaren gastu-muga esaten zaio. Muga hori gainditzen duen erosketaren bat edo diru-ateratzeren bat egiten baduzu, eragiketa ezeztatu egingo da.

ABANCAren aplikazioaren bidez txartel bakoitzaren gastu-muga alda dezakezu Internet bidezko erosketak egiteko, denda fisikoetan erosketak egiteko edo kutxazainetan ateratzeko. Adibidez, Internet bidez gutxi erosten baduzu, Internet bidezko erosteko gastu-muga txikitu dezakezu. Hartara babestuago egongo zara txartela lapurtzen badizute.