• Finantzaketa eta aurrerakina

    Dirulaguntza bat lortu baduzu, aurreratu egin diezazukegu. Zure proiektua handinahiagoa bada, oso baldintza interesgarrietan eskainiko dizugu finantzaketa.

  • Energia berriztagarriak

    Finantzaketa-lerro espezifiko bat sortu dugu autokontsumoarekin eta energia berriztagarriak biltegiratzearekin loturik. Informa zaitez!

  • Elektrikoak eta hibridoak

    MOVES III planak laguntzak aurreikusten ditu ibilgailu ekologikoak erosteko eta kargatzeko puntuak instalatzeko. Aztertzen ari bazara, laguntza eskaini ahal dizugu.

Next Generation: aukera paregabea zure enpresarentzat

ABANCAko profesional-talde zabal bat buru-belarri ari da lanean azken hilabeteotan, Next Generation programarekin lotutako finantza-produktu eta -zerbitzuen katalogo oso bat eskaini ahal izateko. Europar Batasunak jarri du abian programa hori, zeurearen moduko enpresei laguntzeko.

Hainbat modutan lagun diezazukegu aukera historiko hau aprobetxatzen:

  • Finantzaketa. Jasoko duzun laguntzak ez badu estaltzen planifikatu duzun proiektuaren irismen osoa, berariazko soluzioak ditugu funts horiek eskura dituzten enpresentzat, oso baldintza interesgarrietan.
  • Laguntzaren aurrerakina. Emandako dirulaguntzaren zenbatekoa aurreratuko dizugu, lehenbailehen has zaitezen zure proiektua garatzen. Hartara, inbertsiotik eratorritako mozkinak ere aurreratu ahal izango dituzu, eta hobetu egingo duzu enpresaren lehiakortasuna.

Interesatzen bazaizu, jarri harremanetan zure gestorearekin edo eskatu hitzordua aditu batekin. Zure zain egongo gara.

Autokontsumoa: energia berriztagarrietara igarotzeko laguntzak

Trantsizio Ekologikorako eta Erronka Demografikorako Ministerioak “Autokontsumoa” izeneko zuzeneko laguntza-lerro bat abiarazi du Energia Dibertsifikatzeko eta Aurrezteko Institutuaren (IDAE) bidez. Haren helburua da autokontsumoko eta iturri berriztagarrietatik lorturiko energia biltegiratzeko instalazioak sustatzea.

ABANCAn hainbat produktu diseinatu ditugu, ekimen-talde horretarako baldintza bereziekin, hala nola maileguak eta aurrerakinak, oso baldintza interesgarrietan. Gehiago jakin nahi baduzu, IDAEren webgunean topatuko duzu programa honi buruzko informazio eguneratua (https://www.idae.es/tecnologias/energias-renovables/autoconsumo). Argi baduzu, eskatu hitzordua gure kudeatzaile espezializatuetako batekin orrialde honetan bertan, eta jakin nola lagun diezazukegun.

next-generation-pareja

MOVES III: ibilgailu elektriko edo hibrido ahokagarriak, baita zure negozioan ere

Era berean, Next Generation programaren barruko MOVES III plana mugikortasun elektrikoa sustatzera bideratuta dago, eta, bereziki, ibilgailu elektrikoak, hibrido ahokagarriak edo hidrogeno bidezko motorra dutenak erostera, bai eta ibilgailu horiek birkargatzeko azpiegitura hedatzera ere.

Gure espezialistek hainbat aukera garatu dituzte zeurearen moduko enpresentzat (maileguak, leasinga, aurrerakinak…). Eskatu hitzordua haietako batekin nahiago duzun bulegoan, edo, oraindik ez bazaude erabat ziur, IDAEren webgunean kontsulta ditzakezu programaren informazio guztia eta eredu hautagarriak.

Gestore espezializatuak, zugandik oso gertu

Produktu motei eta finantzaketa-aukerei buruzko zalantzarik baduzu, gestore espezializatuak topatuko dituzu gure bulegoetan laguntzeko prest, bai eta aspalditxoan lantzen ditugun produktu eta zerbitzuen katalogoa ere. Eta badakigunez zeinen garrantzitsua den zure denbora, hitzordua eskatzeko aukera eskaintzen dizugu, segundo bat ere itxaron behar ez izateko.

Era berean, gogoan izan ditugu edozein arrazoi dela medio aurkeztutako dirulaguntza ugarietako bat ere jaso ezin izan duten enpresak eta negozioak, Europako proiektu honen esparruan. Enpresa lider batekin lankidetzan, gure bezeroei aholkularitza- eta bilaketa-zerbitzu bat eskaintzen diegu, guztia errazago egiteko.

Zer dira Europako Next Generation berreskurapen-funtsak?

Europar Batasunak COVID-19aren krisiari aurre egiteko adosturiko larrialdi-neurrien sorta bat da, Europako Batzordeak bultzatua. 750.000 milioi euroko zuzkidurarekin, Next Generation funtsek euroguneko ekonomia suspertu nahi dute datozen urteetan.

Espainian 140.000 milioi euro mobilizatuko dira datozen sei urteetan, 2019ko barne-produktu gordinaren % 11. Aparteko aukera, inondik ere, gure herrialdearentzat Aurrekontu hori bi modutan banatuko da: batetik, 72.000 milioi euro inguru dirulaguntzatan, eta, bestetik, mailegutan, ekoizpen-eredua hazkunde jasangarri eta inklusiborantz bideratzeko.

Gehiago jakiteko...

ZALANTZAK

  • Next Generation EU Funtsa noiz iristea aurreikusten da?

    Estatuko Aurrekontu Orokorrean (EAO) Next Generation EU funtseko 26.634 milioi euro barneratzen dira (24.200 milioi euro Berreskurapen eta Erresilientzia Mekanismorako eta 2.434 milioi euro React EU funtsera bideratzeko). Hau da, Espainiako Gobernuak dagoeneko funts horiek aurrera diezazkieke enpresei. 

    Epeak betetzen baldin badira, lehendabiziko funtsak uztailetik aurrera iristen hasi beharko lirateke.
  • Nola sar naiteke Next Generation EU Funtsera?

    Next Generation EU funtsen gutxi gorabehera % 50 Estatuko instituzioek kudeatuko dute ministerio eta agentzia nazional ezberdinen eskutik (CDTI, IDAE, etc), eta beste 50% autonomia erkidego ezberdinek eta tokiko administrazioek egikaritu dute, beren eskumen-eremuaren barneko politikak izaki. 

    Next Generation EU funtsaren bidez proiektuak finantzatzeko interesa duten enpresek parte hartu eta beren proposamenak dirulaguntzen deialdi ezberdinetara aurkeztu beharko dituzte, hurrengo hilabetetan argitaratuz joango direnak.

    Bertan sartu ahal izango dira proiektu berriak edo 2020ko otsailetik aurrera egikaritzen hasi direnak.