Bulegoak eta ordutegiak buruz

ABANCA Banku Korporazioa Espainiako finantza-talde independentea da eta gure egoitza Betanzosen (A Coruña) dago. Espainia eta Europar Batasuneko agintaritzen legeria eta berrikuspenera lotuta gaude, Espainiako Bankuko finantza-erakundeen erregistroko kide gara eta Gordailuak Bermatzeko Funtsaren babesa dugu.

Eskudiruzko edo moneta-trukeko eragiketak egiteko dugun ordutegiari esaten zaio kutxa-ordutegia. Gure bulego-bilatzailean, kutxa-ordutegiari buruzko informazio eguneratua eta zehatza aurkituko duzu.

Kontuan izan hainbat bulego mota daudela, ordutegi eta zerbitzu desberdinekin, eta eragiketa batzuk egiteko ordutegi espezifikoak dituztela, zuri arreta onena eman ahal izateko, horren beharra duzunean. 

Zure ohiko eragiketetarako bulego azkarrak ere baditugu. Bulego horiek, goizez irekitzeaz gain (08:15etik 14:00etara), arratsaldez ere irekita egoten dira, neguko ordutegian, astelehenetik ostegunera, 16:30etik 18:15era, eta egun osoan zehar dute kutxa-zerbitzua.

Arreta partzialeko bulegoak herri txikitan daude kokatuta. ABANCAK ez du herri horiek finantza-zerbitzurik gabe utzi nahi. Horregatik, herri horietan ABANCAK bere bulegoa astean bi edo hiru egunez irekitzen du. Behatu bulegoen mapan horietako bakoitzaren ordutegia.

ABANCAN enpresa ertain eta txikien eta enpresen premiak artatzeko bulego espezializatuen sare bat dugu. Horien ordutegia eta harremanetan jartzeko modua  zein den jakin dezakezu gure bilatzailean. Nahiago baldin baduzu, kudeatzaile bat zurekin harremanetan jar dadila ere eska dezakezu: hori egin  dezakezuenpresa ertain eta txikientzako atalean, edo  bestela enpresa handietarako irtenbideei buruzko atalean.

Kolore ezberdinak erabili ditugu gure bulegoen mapan agertzen diren bulegoetako ordutegiak errazago identifika ditzazun.

• Urdinez agertzen dira goizeko ordutegian artatzeko bulegoak. Gainera, neguko ordutegian (urriaren 1etik maiatzaren 31ra) kudeaketa komertzialak egiteko ere artatuko zaitugu, esate baterako, kontuak edo maileguak eskatzeko, astelehen, astearte, asteazken eta ostegun arratsaldez. Horretarako, aldez aurretik hitzordua eskatu beahrko diguzu 900 815 200 telefono-zenbakian. 
• Berdez agertzen dira egunean zehar egin ohi dituzun eragiketetarako bulego azkarrak, kutxa-zerbitzu jarraituarekin.
• Zirkulu zuriz, eta E.B. ikurrekin adierazita, enpresen bulegoak aurkituko dituzu.
• Gris eta urdinez agertzen dira arreta partzialeko bulegoak, asteko egun batzuetan irekita daudenak herri txikiei zerbitzuak emateko.

ABANCAk ordezkaritza-bulegoak ditu Londresen, Frankfurten, Parisen, Zurichen, Genevan, Caracasen, Rio de Janeiron, Panaman eta Mexiko Hirian. Gainera, bulego operatiboak ditugu Portugalen (41 bulego), Miamin, Genevan eta Mexikon (Financiera SOFOM). Ikus ezazu hemen zein gertu gauden!

Hitzordua eska dezakezu informazioa jasotzeko edo interesatzen zaizkizun produktuak eskatzeko, hala nola maileguak, txartelak, aseguruak, besteak beste. Gainera, aurrehitordua eska dezakezu lehendik kontratatuta dituzun produktuekin lotutako tramiteak kudeatzeko, batez ere egoera bereziengatik aldaketak egin behar badituzu. Adibidez, jentza bat izapidetzeko edo kontu-baimenak eguneratzeko, zure seme-alabak adin-nagusitasuna lortu duelako.

Aurrehitordua eskatu nahi baduzu, sakatu esteka honetan eta nola egin azalduko dizugu. Eskaera amaitutakoan, hitzorduaren berrespena bidaliko dizugu posta elektronikoz, eta bertan data eta ordua kontsultatu ahalko dituzu. Gainera, aurreko egunean eta ordubete lehenago gogoraraziko dizugu, ahantz ez dezazun.

Zein kasutan ez duzu aurrehitordurik behar?
Diru-sarrerak egiteko edo dirua ateratzeko, atzerriko moneta eskatzeko, edo tasa eta lizentzien ordainketak egiteko bezalako kutxa-eragiketarako, ez duzu aurrehitordurik eskatu behar. Egiaztatu zure bulegoko kutxa-ordutegia besterik ez duzu egin behar.

Saldoa edo mugimenduak kontsultatu, transferentziak egin, ordainagiri bat itzuli, txartel bat itzali edo mailegu bat amortizatu nahi baduzu, ez da beharrezkoa hitzordua eskatzea. Kudeaketa horietarako, aplikazioa, banku elektronikoa edo telefono bidezko bankua erabil ditzakezu, 981 17 96 00 zenbakira deituz (+34 981 17 96 00 atzerrian bazaude), urrutiko bankuko zure gakoekin.

Guztietan, neguko ordutegian (urriaren 1etik maiatzaren 31ra), astelehenetik ostegunera, aurrez hitzordua eskatuta eta kudeaketa komertzialetarako bakarrik, hala nola kontuak, maileguak eta abar eskatzeko, arratsaldeetan ez baitugu kutxako ordutegirik.

Aurretiko hitzordua eskatzeko, deitu 900 815 200 telefono-zenbakira, eta adierazi zergatik, zein bulegotara eta zein ordutan joan nahi duzun. Eskudiruzko eragiketarik egin behar baduzu, gure kutxazainak dituzu erabilgarri eguneko 24 orduetan.

Eta kudeaketa profesionalak zure enpresa-bulegoarekin egiten badituzu, gogoratu ordutegi desberdina duela: neguan, astelehenetik ostegunera, 8:15etik 17:00etara, eta ostiraletan, 8:15etik 14:15era. Udan, ekainaren 15etik irailaren 15era, astelehenetik ostiralera, 08:15etik 14:15era.

Eskudiruzko edo moneta-trukeko eragiketak egiteko ez duzu hitzordurik eskatu behar: gure bulegoetako kutxa-ordutegian artatuko zaitugu. Gure bulego-bilatzailean kontsultatu dezakezu kutxa-ordutegi hori. Bilatu gertuen duzun bulegoa, eta kontsultatu.

Egunerako bererako ezin dizugu hitzordurik eman, baina egun eta ordu hurbilenak bilatuko ditugu zure bulegoan. Aurretiko hitzordua eskatzeko telefonoa 900 815 200 da, kudeaketa komertzialetarako, hala nola kontuak, maileguak eta abar eskatzeko. Gainerakoetarako, ez duzu hitzordurik behar; kutxako ordutegian joan zaitezke bulegora.

Hitzordua eskatu nahi baduzu, sakatu hemen eta zer egin behar duzun azalduko dizugu.