Webgunean erosketa seguruak egiteko jakin behar duzun guztia
2021eko urtarriletik aurrera, Europako Ordainketa Zerbitzuen Zuzentaraua (ingelesez PSD2 siglekin ezagunagoa), europarrok interneten nola erosten eta ordaintzen dugun zehazten du, besteak beste, gure dirua eta datu pertsonalak babesteko helburuarekin.
Agian jada gertatu zaizu: webgune jakin batzuetan edo mugikorreko aplikazio batzuetan erosten duzunean, beharrezkoa da zure mugikorrekin identifikatzea. Kontatuko dizugu nola eta zergatik.
Zure segurtasunerako
Eurosistemako banku guztiok lege hau bete behar dugu, eta ABANCA-n ahalegintzen gara ahalik eta errazena izan dadin. Klik batekin nahikoa da. Adi egon!
Erosi
Erabili zure ABANCA txartelak edozein ecommerce-n ordaintzeko. Gehienetan ez duzu ezer gehiago egin beharko.
Baimendu
Zure segurtasunerako, batzuetan erosketa baimendu beharko duzu. Egin ezazu zure apparekin modu arin, azkar eta seguru batean.
Gozatu
Baliabide asko eskaintzen ditugu, erosketak lasaitasunez egin ahal izateko, jakinda esku onenetan zaudela.
Gure app-a erabiltzen baduzu
Egunero ehunka mila pertsonak erabiltzen dute gure app-a beren dirua kudeatzeko. Zuk ere erabiltzen baduzu, zorionak! Zure online erosketak oso, oso errazak izango dira.
Ziurtatu behar duzu jakinarazpenak aktibatuta dituzula (egin dezakezu hemen, mugikorretik nabigatzen baduzu). Internet bidez erosketa bat ordaintzen duzunean, eta ecommerce-ak hala eskatzen badu, eragiketa berresteko jakinarazpena bidaliko dizugu ABANCA app-aren bidez. Zure ordainketak modu eroso eta seguruenean egin ahal izango dituzu, eta nahi duzuna erosten jarraitu.
Segurtasun egiaztapen hau EBko PSD2 zuzentarauaren eskakizunetako bat da, Bezeroen Indartutako Autentifikazioa, zure interneteko erosketetarako segurtasun gehigarria.
App-a (oraindik) ez baduzu erabiltzen
ABANCA app-a deskargatu nahi ez baduzu, edozein arrazoi dela eta 🤔 kontuan izan erosketak balidatzeko prozesua ez dela hain erraza izango.
Zure bankua edo txartela edozein dela ere, webgune jakin batzuetan erosketa egiteko eragiketa balidatu beharko duzu. ABANCA-n, app-a erabiltzen ez baduzu, eskatuko dizugu erosketa egiten ari zaren txartelaren PIN-a sartzeko. Gainera, SMS bat bidaliko dizugu erabilera bakarreko kode batekin, beraz garrantzitsua da ziurtatzea zure mugikorraren zenbakia eguneratuta daukagula.
Eta gogoratu: adi egon, mesedez, halako mezu bat jasotzen baduzu eta ez bada benetako erosketa bati dagokiona, eta jarraitu beti gure online segurtasun gomendioak.
Maiz egiten diren galderen erantzunak
Internet bidez erosketa bat ordaintzeko ABANCA txartelak erabiltzean sor daitezkeen zalantzak bildu ditugu. Zuretzat informazio guztia eskura izatea nahi dugu.
Faktore desberdinak hartzen dira kontuan: merkataritzak ematen digun informazioa, zure txartelaren erabilera maiztasuna, erosketa zenbatekoa, aurretik egindako eragiketak, erabiltzen ari zaren gailua… eta beste datu asko, zure segurtasuna bermatzeko eta erosketa esperientzia ez kaltetzeko.
Litekeena da ez duzula ikusi banku mugikorreko app-era bidali dizugun jakinarazpena erosketa baimendu dezazun. Ireki jakinarazpen hori, identifikatu zure banku mugikorrean sartzeko ohiko moduan eta berretsi eragiketa. Ez baduzu jaso, ziurtatu jakinarazpenak aktibatuta dituzula. Mugikorretik irakurtzen ari bazara, hemen bertan egin dezakezu esteka honetan.
Jakinarazpenak jasotzen jarraitzen ez baduzu, eragiketa berretsi behar duzun pantailan, jakinarazpena jaso ez duzula adierazteko aukera ere baduzu, eta beste baimentze metodo alternatiboetara pasa ahal izango duzu.
Zure segurtasunerako, bankuek soilik baimendu dezakegu PSD2 araudia betetzen duten merkataritzetan eragiketak egitea zure identitatea egiaztatzeko moduren bat badugu. Horretarako, aukera onena gure banku mugikorreko aplikazioa instalatzea da. Ez baduzu nahi edo ez baduzu egin dezake, beharrezkoa izango da zure mugikorraren zenbakia eman eta eguneratuta mantentzea.
