Ordainketa Zerbitzuei buruzko Europako Zuzentaraua (PSD2 ingelesezko siglez ezagunagoa) 2021eko urtarrilean indarrean sartu zenetik, Europan Internet bidez erosi eta ordaintzeko modua aldatu da, besteak beste,gure dirua eta gure datu pertsonalak babesteko.

Agian gertatu zaizu: webgune edo aplikazio jakin batzuen bidez erosten duzunean mugikorrarekin modu zorrotzagoan identifikatu behar duzu. Azalduko dizugu nola eta zergatik.

Zure segurtasunagatik

Zuzentaraua betetzeko, Eurosistemako banku guztiak egokitu behar izan gara, eta ABANCAn ahaleginak egin ditugu aldaketa hori ahalik eta errazena izan dadin. Nahikoa da klik batekin. Adi egon!

  • captacion-prestamo-1

    Erosketa

    Erabili ABANCA txartelak edozein online dendatan ordaintzeko. Gehienetan ez duzu beste ezer egin beharko.

  • captacion-prestamo-2

    Baimendu

    Zure segurtasunagatik, batzuetan erosketa baimendu beharko duzu. Aplikazioaren bidez era azkar eta seguruan egin ahal izango duzu.

  • captacion-prestamo-3

    Disfrutatu

    Ahalegin handiak egiten ditugu lasaitasunez eros dezakezula jakin dezazun.

Gure app-a dagoeneko erabiltzen baduzu

Ehunka mila pertsonak egunero gure app-a erabiltzen dute beren dirua kudeatzeko. Horietako bat bazara, zorionak! Internet bidez erraz-erraz erosiko duzu.

Jakinarazpenak aktibatuta dituzula egiaztatu besterik ez duzu (hemen bertan aktiba ditzakezu mugikorrarekin nabigatzen ari bazara). Internet bidezko erosketaren bat ordaintzen duzunean, eta online dendak hala eskatzen badu, eragiketa berresteko eskatuko dizugu ABANCAren aplikazioaren bidez. Ordainketak modu eroso eta seguruan egin ahal izango dituzu, eta nahi duzuna nahi duzun lekuan erosten jarraitu ahal izango duzu.

Segurtasun-egiaztapen hori EBko PSD2 Zuzentarauaren hobekuntzetako bat da: Bezeroen Autentifikazio Indartua, Internet bidez era seguruagoan erosteko.

App-a (oraindik) erabiltzen ez baduzu

Arrazoiren batengatik ABANCAren 🤔 app-a deskargatu nahi ez baduzu, kontuan izan zure erosketak balioztatzeko prozesua ez dela hain erraza izango.

Zure bankua edo txartela edozein dela ere, denda jakin batzuetan erosi ahal izateko, nahitaez balioztatu beharko duzu eragiketa. ABANCAn aplikazioa erabiltzen ez baduzu zure IFZ eta zure banka elektronikoaren pasahitza edo zure finantza-txartelaren PINa erabiltzeko eskatuko dizugu. Gainera, erabilera bakarreko gako bat helaraziko dizugu SMS bidez. Horregatik, garrantzitsua da zure mugikor-zenbakia eguneratuta dugula egiaztatzea.

Gogoratu: Mesedez, adi egon mezu hauetako bat iristen bazaizu eta benetako erosketa batekin bat ez badator. Jarraitu itazu beti gure on line segurtasun-gomendioak.

Ohiko galderen erantzunak

Internet bidez ABANCA txartelekin erostean sor daitezkeen zalantzak bildu ditugu. Informazio guztia eskura izatea nahi dugu.

Zergatik baimendu behar ditut online erosketa batzuk eta beste batzuk ez?

Hainbat faktore hartzen dira kontuan: saltokiak ematen digun informazioa, txartelaren erabileraren maiztasuna, erosketaren zenbatekoa, aurretik egin dituzun eragiketak, erabiltzen ari zaren gailua… eta zure segurtasuna bermatzeko erabiltzen ditugun beste datu asko, zure erosketa-esperientziari eragin gabe.

Online ordainketa bat hasi dut, baina erosketa baimendu ondoren ezin dut jarraitu. Zer gertatzen ari da?

Seguruenik, ez duzu ikusi zure banka mugikorreko app-era bidali dugun jakinarazpena, erosketa baimentzea ahalbidetuko dizuna. Ireki jakinarazpena, identifikatu banka mugikorraren sarbide-datuekin eta berretsi eragiketa. Jaso ez baduzu, egiaztatu jakinarazpenak aktibatuta dituzula. Mugikorra erabiltzen ari bazara esteka honetan aktibatu ahal izango dituzu.

Jakinarazpenik jaso gabe jarraitzen baduzu, eragiketa berretsi behar duzun pantailan jakinarazpenik jaso ez duzula adierazi ahal izango duzu, eta erosketak baimentzeko beste metodo batzuk aukeratu ahal izango dituzu.

Online dendaren web-orrialdeak nire ABANCA txartela onartzen ez duela adierazten dit. Zer egin dezaket?

Zure segurtasuna bermatzeko, bankuok PSD2 zuzentaraua betetzen duten saltokietan egindako erosketak baimendu ditzakegu, baldin eta zure identitatea egiaztatzeko moduren bat badaukagu. Horretarako, aukerarik onena gure banka mugikorreko aplikazioa instalatzea da. Nahi edo ezin baduzu, zure mugikor-zenbakia eman beharko diguzu eta eguneratuta dagoela ziurtatu beharko duzu.