Oso erraz. Hiru modu dituzu horretarako:

• Sar zaitez banka elektronikoan edo ABANCA aplikazioan, eta saka ezazu 'Txartelak' menuko 'Aktibatu txartela' aukera.
• Zoaz ABANCAko edozein kutxazainetara, eta egizu edozein eragiketa. Txartelarekin batera eman dizugun PIN zenbakia lehen aldiz sartzen duzunean, aktibatuta geratuko da.
• Edo dei iezaguzu 900 815 523 telefonora (edo +34 981 179 625 telefonora, atzerritik deitzen badiguzu). Identifikatzeko, kontuaren eta txartelaren datu batzuk eskatuko dizkizugu.

Dirua doan atera dezakezu zure zordunketa-txartelarekin ABANCAKO kutxazain guztietan.

Euro 6000, Euronet sareko kide garen erakundeon eta Espainiako finantza-sistemako erakunde nagusietako batzuen (Banco Sabadell, Bankinter, Caja de Arquitectos eta Caja Ingenieros) arteko akordio bati esker, ABANCAKO bezero modura aukera izango duzu dirua Espainian dauden 18.000 kutxazain baino gehiagoan ateratzeko, kutxazain-parke osoaren % 37an. Horietan hilean 5 bider atera ahal izango duzu dirua gehienez erabat doan Galiziatik kanpo baldin bazaude. Seigarren ateratzetik aurrera eragiketa bakoitzaren kostua 0,50 eurokoa izango da Euro 6000 sarean, 0,55 eurokoa Bankinter eta Caja Ingenierosen, 0,60 eurokoa Caja de Arquitectosen, eta 0,65 eurokoa Banco Sabadellen. Gainerako kutxazainetan kutxazainaren jabedun den erakundeak aplikatzen duen komisioa kobratuko zaizu.

Kutxazain nazionaletan, kutxazainaren jabedun den erakundeak aplikatuko duen komisioaren zenbatekoaren berri emango dizu eragiketa egin aurretik, kutxazainaren pantailan mezu bat agerraraziz, hura berretsi edo ezezta dezazun.

Gainera, gure ABANCA Zerbitzuen Programako premium mailan baldin bazaude dirua doan atera ahal izango duzu inolako komisiorik ordaindu gabe (zentimo bakar bat ere ez), Galiziatik kanpo EURO 6000, Euronet, Banco Sabadell, Bankinter, Caja de Arquitectos eta Caja Ingenieros erakundeen arteko akordiora atxikita dauden 18.000 kutxazain baino gehiagotan, eta Espainiatik kanpoko kutxazain guztietan

35 urte baino gutxiago baldin badituzu eta gure Tú NX txartelaren abantailak baldin badituzu, ABANCAK ez dizu deus kobratuko  dirua atzerrian ateratzeagatik hilean bost bider gehienez, ezta dibisaren aldaketaren ondoriozko komisioa ere.

Egin nahi duzuna erosketa jakin bat atzeratzea baldin bada, zure txarteleko ordainketa modua aldatu gabe, zure banku mugikorretik egin ahalko duzu 'Txartelak’ > 'Gehiago' > 'Erosketak geroratu’ erlaitzean, erosketa hori zenbat hilabetetan zatitu nahi duzun hautatuz. Zure banku elektronikotik ere egin dezakezu, edo telefono bidezko bankura  sartzeko gakoekin9 81 179 600 telefono-zenbakira deituz (edo +34 981 179 600 telefono-zenbakira atzerritik deitzen baldin badiguzu), astelehenetik ostiralera 08:00 - 22:00 bitartetan.

Eta egin nahi duzuna zure txartelarekin egiten dituzun erosketa guztiak geroratzea baldin bada, zure txarteleko lehenetsitako ordainketa modalitatea edo hileroko kuota alda dezakezu ordaindutako kreditua itzultzeko edozein unetan. Hori bai, gogoratu kuotaren kargua egin aurretik egitearekin.

Modu hauek dituzu kutxazainetik atera dezakezun diruaren muga areagotu edo murrizteko: 

• ABANCAKO zure aplikazioan, sartu 'Txartelak’ erlaitzean, txartela hautatu eta doikuntzetan sartu (goran dagoen horzdun gurpilaren irudia) muga aldatzeko.
• Zure banku elektronikoan ere txartelean sartu eta 'Mugak aldatu’ menuan klik egin behar duzu. 
• Zure enpresen banku elektronikoan, 'Txartelak/Komertzioak' > 'Mugen aldaketa’ aukeran. 
• Edo telefono bidezko bankuko zure gakoekin 981 179 600 telefono-zenbakira deituz (edo +34 981 179 600 telefono-zenbakira atzerritik deitzen baldin badiguzu), astelehenetik ostiralera 08:00 - 22:00 bitartetan.

Gainera, gogoan izan muga alda dezakezula baita komertzioetan eta Internet bidez ordainketak egiteko ere.

Txartel baten kreditu-muga zure kreditu-txartelarekin gehienez erabil dezakezun diru kopurua da. Erabiltzen duzun bakoitzean, kopuru hori ez duzula gainditu egiaztatuko dugu. Adibidez, 5000 euroko muga bat baldin baduzu eta zerbait erosi nahi baldin baduzu, gastatzen joan zaren hori ikusi behar dugu, hau da: erosketa horren aurretik jadanik erabili duzun saldoa. Horrela, saldo erabilgarria 5000 euro horietara iritsi arte geratzen dena izango da. Ondoren, hilero, zure kontuan kredituaren mugatik gora erabili duzunaren arabera eta hautatu duzun ordaintzeko moduaren arabera kobratuko dizugu.